Адкрыты набор у школу мультымедыйнай сацыяльнай журналістыкі IBB

Змяніць памер шрыфта Болей Меней Скінуць

Мінскі міжнародны адукацыйны цэнтр ім. Ё. Рау (IBB) пры падтрымцы Міністэрства замежных спраў Федэратыўнай Рэспублікі Германія запрашае журналістаў беларускіх СМІ прыняць удзел у Школе мультымедыйнай сацыяльнай журналістыкі і сторытелінга, якая пройдзе з траўня па лістапад 2018 года.

Да ўдзелу запрашаюцца журналісты нацыянальных і рэгіянальных СМІ (дзяржаўных і недзяржаўных). Чакаем усіх, хто гатовы пісаць больш і больш прафесійна пра сацыяльна неабароненыя групы (нацыянальныя меншасці, ЛГБТ, дзяцей і сталых людзей, шматдзетныя сем’і, бежанцаў, людзей з інваліднасцю, хранічнымі захворваннямі і іншых); і хоча навучыцца ствараць элементы мультымедыйных гісторый, выбіраць і пісьменна кампанаваць іх для раскрыцця канкрэтнай тэмы.

Курс ўключае тры двухдзённых навучальных трэнінга аб працы з тэкстам, загалоўкамі і мультымедыйнымі фарматамі, пра тонкасці этычных стандартаў і ўзаемадзеяння з сацыяльнымі НДА, а таксама Медыяпалігон – 12-гадзінны журналісцкі марафон у адным з беларускіх гарадоў.

Галоўная мэта курса – навучыцца знаходзіць герояў сярод уразлівых сацыяльных груп, інфанагоды і сацыяльныя прасторы для стварэння яркіх мультымедыйных гісторый, развіць навыкі мультымедыйнага мыслення і засвоіць новыя фарматы падачы інфармацыі.

Удзельнікі атрымаюць:
– крэатыўныя ідэі ў пошуку сацыяльных тэм;
– магчымасць пазнаёміцца ​​з тымі, хто працуе з уразлівымі групамі ў Беларусі;
– тэарэтычныя веды і практычныя навыкі па падрыхтоўцы і выбудоўванні структуры сацыяльнага інтэрв’ю, рэпартажу, нарысу і аналітычнага артыкула;
– актуальны інструментар для прымянення этычных стандартаў і павышэння якасці журналісцкіх матэрыялаў;
– агляд найноўшых тэндэнцый у сферы прафесійных стандартаў журналістыкі і патэнцыялу беларускіх СМІ ў асвятленні сацыяльных інавацый;
– навыкі мультымедыйнага мыслення і працы з рознымі мультымедыйнымі фарматамі (фота-, відэа-, Інфаграфіка, інтэрактыў, тэкст).

Унікальнасць гэтай адукацыйнай праграмы ў тым, што беларускі медыяэксперт Марына Загорская суправаджае ўдзельнікаў на працягу ўсяго курса: праводзіць не толькі семінары, але і індывідуальныя кансультацыі па падрыхтоўцы журналісцкіх матэрыялаў.

Тры семінары пройдуць у Мінскім міжнародным адукацыйным цэнтры імя Ёханэса Рау (праспект Газеты «Праўда», 11) у траўні, чэрвені і лістападзе (чацвер-пятніца). Медыяпалігон запланаваны на верасень (чацвер-субота), адукацыйная паездка ў Киев- на кастрычнік (чацвер – нядзеля).

Удзел бясплатны, усе выдаткі пакрываюцца арганізатарамі.

Для ўдзелу ў курсе неабходна запоўніць анкету тут не пазней за 12.00 22 красавіка 2018 года (анкеты, зарэгістраваныя пазней за вызначаны час і дату, не разглядаюцца). Арганізатары пакідаюць за сабой права тэлефоннага інтэрв’ю, калі ўзнікнуць дадатковыя пытанні пра матывацыю патэнцыйнага ўдзельніка.

Па пытаннях удзелу ў Школе можна звяртацца да Зміцера Дабравольскага: +375 17 207 49 72, dobrovolski@ibb.by

01 Красавіка 2018 | Няма каментароў | Пазнакі:

Дадаць каментар

  • Універсітэт Залатога Веку

    Універсітэт Залатога Веку

    Сайт праекта, скіраванага на сацыяльную і інтэлектуальную актывізацыю сталых людзей. Вучыцца ніколі не позна!

    Школа маладога журналіста

    Школа маладога журналіста

    Праект для тых, хто хоча паспрабаваць свае сілы ў журналістыцы. Працуе ў Гродне з 1997 г.! Далучайся!

Чытай

Чытаць навiны на hrodna.life
  • #прашчальнаесловапрэзідзента. Як гродзенцы смяюцца з прэзідэнта
    Беларусы прагназуюць, што б пра іх сказаў Лукашэнка, калі б яны памерлі ад каранавіруса. Допісы пачалі з’яўляцца пасля таго, як Лукашэнка нетактоўна выказаўся пра дзве смерці ад COVID-19. Беларусы палічылі гэта абуральным і запусцілі флэшмоб. Глядзіце, што пішуць гродзенцы. Да херня вапрос. Баба. Пісят лет. Чэво дальшэ жыць та? Ні ана цібе дзіцей ні радзіт большэ, […]
  • Вербніца ў час пандэміі. Гродзенскія католікі прышлі на святочную імшу ў Фарным касцёле
    У нядзелю 5 красавіка  каталікі адзначылі уваход гасподні ў Іерусалім – Пальмовую, ці Вербную, нядзелю. У сувязі з эпідэміялагічным становішчам вернікам Гродна прапанавалі паўдзельнічаць у набажэнствах анлайн. Але многія гродзенцы вырашылі ўсё-такі наведаць храмы. Як праходзіла святочнае набажэнства ў гродзенскім Фарным касцёле, глядзіце ў рэпартажы БЕЛТА.  The post Вербніца ў час пандэміі. Гродзенскія католікі прышлі […]
  • У Беларусі – 562 выпадкі каранавіруса. 8 чалавек памерла
    Міністэрства аховы здароўя Беларусі апублікавала новыя лічбы колькасці заражаных і памерлых ад каранавіруса. Агульная колькасць пацверджаных выпадкаў інфекцыі вырасла на 28% за дзень. У Беларусі па стане на 05.04.2020 на стацыянарным лячэнні з каранавіруснай інфекцыяй знаходзяцца 502 чалавекі. У большай часткі пацыентаў захворванне працякае ў лёгкай ці сярэдняй форме. Ачунялі 52 чалавекі. 8 пацыентаў памерлі. Як […]
  • Што здарылася з кафэ і барамі Гродна з-за каранавіруса: зніжкі, скарочаны час і нават закрыцці
    Рэстараны, кафэ і бары ў Гродне абмяжоўваюць час працы або часова зачыняюцца. Дыскатэкі працуюць да 23.00, дзейнасць кальянных абмежаваная. Тым часам многія заклікаюць падтрымаць лакальны бізнес і любімыя месцы, каб пасля каранціну вы зноў маглі хадзіць туды. Установы, у сваю чаргу, уводзяць зніжкі ці інакш імкнуцца прыцягнуць наведвальнікаў. Кавярні “Наша Кава” і “Справа” Кавярня працуе […]
© 2012 Грамадcкае аб'яднанне "Цэнтр інфармацыйнай падтрымкі грамадcкіх ініцыятыў "Трэці сектар"
Каталог TUT.BY