Арт-журналістыка: прафесійныя стандарты і аўтарскія тэхнікі ў асвятленні культурнай тэматыкі

Змяніць памер шрыфта Болей Меней Скінуць

Школа журналістыкі Мінскага міжнароднага адукацыйнага цэнтра ім. Ё. Рау (IBB) у партнёрстве з Пасольствам Федэратыўнай Рэспублікі Германіі ў Рэспубліцы Беларусь пры падтрымцы МЗС ФРГ запрашае журналістаў беларускіх СМІ на адукацыйны курс «Арт-журналістыка: прафесійныя стандарты і аўтарскія тэхнікі ў асвятленні культурнай тэматыкі» які пройдзе з траўня па кастрычнік 2016 года .

Да ўдзелу запрашаюцца журналісты нацыянальных і рэгіянальных СМІ (дзяржаўных і недзяржаўных).

Культура сёння вырашае не толькі эстэтычныя задачы, яна стала адной з складнікаў грамадскага жыцця. Культурныя праекты падаюць пляцоўку для апускання ў філасофскія і сацыяльныя пытанні, яны прысвечаныя нацыянальнай ідэнтычнасці і глабальным праблемам. Разуменне сучаснага мастацтва – тэатра, танца, перформансу, мастацкіх твораў, фатаграфіі, літаратуры – патрабуе падрыхтаванай публікі, але яшчэ больш падрыхтаваных журналістаў, задача якіх выступіць у якасці пасярэднікаў, якія  тлумачаць і папулярызуюць.

Беларуская сучасная культура – даўно не проста мастацтва і праекты на беларускай мове, яны ўпісаны ў міжнародны кантэкст і агульнасусветныя тэндэнцыі, захоўваючы пры гэтым сваю самабытнасць.

Беларускія Медыяэксперты пазнаёмяць удзельнікаў з лепшымі беларускімі культурнымі ініцыятывамі і праектамі, дапамогуць па-новаму паглядзець на магчымасці асвятлення тэмы культуры і мастацтва. У сваю чаргу, нямецкія журналисты і эксперты раскажуць пра сучасныя тэндэнцыі ў арт-журналістыцы Германіі і метадах асвятлення сучаснага мастацтва ў нямецкіх СМІ.

Удзельнікі атрымаюць:

– Крэатыўныя падыходы ў пошуку новых тэм;

– Агляд найноўшых культруных тэндэнцый, праектаў і ініцыятываў у Беларусі;

– Тэарэтычныя веды і практычныя навыкі па падрыхтоўцы і выбудоўванні структуры інтэрв’ю, рэпартажу, нарысу, аналітычнага артыкула;

– Актуальны інструментар для павышэння якасці журналісцкіх матэрыялаў, агляд прафесійных стандартаў у асвятленні культурных інавацый.

Форма і інструменты навучання:

-прэзентацыі і выступы экспертаў, дыскусіі;

-праца ў малых групах і практыкумы;

-ралявыя гульні;

-індывідуальныя кансультацыі;

-знаёмства з лепшымі культурнымі праектамі і ініцыятывамі ў Беларусі і за мяжой.

Унікальнасць адукацыйнай праграмы ў тым, што беларускі медыяэксперт Марына Загорская суправаджае ўдзельнікаў на працягу ўсяго курса: праводзіць не толькі трэнінгі, але і персанальныя кансультацыі па падрыхтоўцы матэрыялаў.

Апісанне: Курс разлічаны на перыяд з траўня па кастрычнік 2016 года і ўключае ў сябе 4 двухдзённых семінары-трэнінгі з удзелам беларускіх і нямецкіх экспертаў па тэмах: стандарты сучаснай журналістыкі, як даступна і цікава пісаць пра культуру, новыя напрамкі і ракурсы ў арт-журналістыцы, журналісцкая адказнасць і доступ да інфармацыі.

Пасля кожнага з семінараў-трэнінгаў ўдзельнікам трэба будзе на працягу месяца «прымерыць» атрыманыя веды і навыкі на практыцы і падрыхтаваць матэрыялы па тэме пройдзенага модуля для свайго СМІ.

Семінары-трэнінгі курса будуць праходзіць у Мінскім міжнародным адукацыйным цэнтры імя Ёханэса Рау (праспект Газеты «Праўда», 11) адзін раз у месяц (чацвер – пятніца).

Дзве з чатырох навучальных сесій пройдуць у рэгіёнах, курс скончыцца адукацыйнай паездкай у Кіеў для самых актыўных удзельнікаў.

Удзел у курсе бясплатны. Усе выдаткі за праезд, пражыванне, харчаванне пакрываюць арганізатары.

Для ўдзелу ў курсе трэба запоўніць анкету не пазней за 12.00 10 траўня 2016 года (анкеты, зарэгістраваныя пазней названай даты, разглядацца не будуць) і даслаць на адрас pr@ibb.by з паметкай «Арт-журналістыка».

Крытэрыі адбору ўдзельнікаў: досвед, публікацыі па тэме курсу, матывацыя.

Па ўсіх пытаннях можна звяртацца: +375 17 207 49 72, pr@ibb.by.

20 Сакавіка 2016 | Няма каментароў | Пазнакі: ,

Дадаць каментар

  • Універсітэт Залатога Веку

    Універсітэт Залатога Веку

    Сайт праекта, скіраванага на сацыяльную і інтэлектуальную актывізацыю сталых людзей. Вучыцца ніколі не позна!

    Школа маладога журналіста

    Школа маладога журналіста

    Праект для тых, хто хоча паспрабаваць свае сілы ў журналістыцы. Працуе ў Гродне з 1997 г.! Далучайся!

Чытай

Чытаць навiны на hrodna.life
  • Беларускі адказ AliExpress: Onliner запусціў новую сістэму аплаты Onliner Pay
    13 лютага, напярэдадні святкавання 19-годдзя, Каталог Onliner сумесна з МТБанкам прэзентавалі новую сістэму online-плацяжоў – Onliner Pay. З запускам сістэмы Onliner пераўтварыўся ў паўнавартасны маркетплэйс, які працуе па мадэлі AliExpress. Onliner Pay стварае камфортныя ўмовы для пакупнікоў і прадаўцоў: першыя могуць быць упэўненыя ў хуткім і беспраблемным вяртанні грошай без лішняй бюракратыі, другія – у […]
  • Палякі абурыліся аднаўленьнем касьцёла ў Беларусі, дзе быў пахаваны кароль Станіслаў Панятоўскі. Што ня так?
    Польскія навукоўцы засталіся незадаволеныя рэканструкцыяй старадаўняга касьцёла ў мястэчку Воўчын на Берасьцейшчыне, дзе спачывалі парэшткі апошняга караля Рэчы Паспалітай і які спачатку аднаўляў польскі бок. Пробашч парафіі патлумачыў, чаму гісторыка-культурная каштоўнасьць у такім стане. Піша “Радыё Свабода”. Чаму мы пра гэта пішам? Нядаўна ў сеціве зьявіліся фатаздымкі касьцёла, якія зрабілі польскія навукоўцы ўвосень 2019 году. Яны засталіся […]
  • Тэлеканал “Беларусь 3” у Дзень роднай мовы выйдзе ў эфір цалкам на беларускай мове
    21 лютага ва ўсім свеце па ініцыятыве ЮНЭСКА адзначаецца Міжнародны дзень роднай мовы. Тэлеканал “Беларусь 3” у гэты дзень прапануе цалкам беларускамоўны эфір з найлепшымі тэлепраектамі ўласнай вытворчасці, мастацкімі і дакументальнымі стужкамі на роднай мове, паведамілі БЕЛТА ў прэс-службе Белтэлерадыёкампаніі. Артэфакты, традыцыі, героі Гледачоў “Беларусь 3” чакаюць выпускі пазнавальных праектаў, якія адлюстроўваюць розныя бакі нашай […]
  • На Фолюшы замест казармаў пабудуюць шматпавярхоўкі
    У аснову будучага праекта закладзены шматпавярхоўкі ад трох да дзесяці паверхаў. Жылы комплекс будзе цесна ўвязаны з спускамі да Ласасянкі, дзе ўжо фармуецца зона адпачынку гараджан. Магчыма, у будучыні ў жылым комплексе пабудуюць аб’екты сацыяльнага прызначэння. Пра гэта grodnonews.by распавёў галоўны архітэктар ААТ «Гроднажылбуд» Алег Валканоўскі. Абяцаюць, што Фолюш будзе “выключнай разыначкай”. На землях,  якія […]
© 2012 Грамадcкае аб'яднанне "Цэнтр інфармацыйнай падтрымкі грамадcкіх ініцыятыў "Трэці сектар"
Каталог TUT.BY