Адукацыйны курс для журналістаў «Новая сацыяльная журналістыка: як знайсці нябачных і апісаць невядомае»

Змяніць памер шрыфта Болей Меней Скінуць

Школа журналістыкі Мінскага міжнароднага адукацыйнага цэнтра ім. Ё. Рау (IBB) у партнёрстве з Пасольствам Федэратыўнай Рэспублікі Германія ў Рэспубліцы Беларусь пры падтрымцы МЗС ФРГ запрашае журналістаў беларускіх СМІ на адукацыйны курс: «Новая сацыяльная журналістыка: як знайсці нябачных і апісаць невядомае», які пройдзе з красавіка па кастрычнік 2017 года.

Да ўдзелу запрашаюцца журналісты нацыянальных і рэгіянальных СМІ (дзяржаўных і недзяржаўных). Чакаем усіх, хто гатовы пісаць больш, чым проста навіны, і паказваць рэальнасьць ва ўсіх фарбах.

Курс уключае 4 двухдзённых навучальных модуля, адзін з якіх пройдзе ў фармаце “Медыяпалігона” – каманднай працы ўдзельнікаў для падрыхтоўкі гісторый з жыцця аднаго беларускага горада. Таксама запланавана выданне зборніка лепшых публікацый і адукацыйная паездка ў Кіеў для самых актыўных.

Галоўная мэта курса – навучыцца знаходзіць невядомых герояў і неардынарныя тэмы, ярка пісаць пра добрыя справы і «болевыя» кропкі грамадства, ствараць поўнакаляровыя рэпартажы і дзівосныя гісторыі, прафесійна працаваць з героямі, паказваць чытачам тыя месцы, куды самі яны ніколі б не зазірнулі.

Галоўны эксперымент – “Медыяпалігон”: разам з камандай трэнераў з Беларусі, Германіі і Украіны ўдзельнікі даследуюць жыццё невялікага беларускага горада, яго герояў, навіны і месцы, пра якія ўсе ведаюць, але самі не бывалі, і створаць сайт для сваіх яркіх гісторый.

Галоўнае пытанне курса – як журналісту выйгрышна выкарыстоўваць у сваёй дзейнасці інавацыйныя сацыяльныя тэмы, выконваючы прафесійныя стандарты і не забываючы пра грамадскі інтарэс?

Удзельнікі атрымаюць:
– Крэатыўныя ідэі ў пошуку новых сацыяльных тэм;
– Тэарэтычныя веды і практычныя навыкі па падрыхтоўцы і выбудоўванню структуры сацыяльнага інтэрв’ю, рэпартажу, нарысу і аналітычнага артыкула;
– Актуальны інструментар для прымянення этычных стандартаў і павышэння якасці журналісцкіх матэрыялаў;
– Агляд найноўшых тэндэнцый у сферы прафесійных стандартаў журналістыкі і патэнцыялу беларускіх СМІ ў асвятленні сацыяльных інавацый.

Унікальнасць гэтай адукацыйнай праграмы ў тым, што беларускі медыяэксперт Марына Загорская суправаджае ўдзельнікаў на працягу ўсяго курса: праводзіць не толькі трэнінгі, але і персанальныя кансультацыі па падрыхтоўцы матэрыялаў.
Пасля кожнага з семінараў-трэнінгаў удзельнікам трэба на працягу месяца прымяніць атрыманыя веды і навыкі на практыцы і падрыхтаваць матэрыялы па тэме пройдзенага модуля для свайго СМІ.

Семінары-трэнінгі курса будуць праходзіць у Мінскім міжнародным адукацыйным цэнтры імя Ёханэса Рау (праспект Газеты «Праўда», 11) адзін раз у месяц (чацвер – пятніца).

Удзел бясплатны, усе выдаткі пакрываюцца арганізатарамі.

Для ўдзелу ў курсе трэба запоўніць анкету не пазней 12.00 гадзін 3 красавіка 2017 года (анкеты, зарэгістраваныя пазней за вызначаны час і даты, не разглядаюцца).

Па ўсіх пытаннях можна звяртацца: +375 17 207 49 72, pr@ibb.by.

06 Сакавіка 2017 | Няма каментароў | Пазнакі: ,

Дадаць каментар

  • Універсітэт Залатога Веку

    Універсітэт Залатога Веку

    Сайт праекта, скіраванага на сацыяльную і інтэлектуальную актывізацыю сталых людзей. Вучыцца ніколі не позна!

    Школа маладога журналіста

    Школа маладога журналіста

    Праект для тых, хто хоча паспрабаваць свае сілы ў журналістыцы. Працуе ў Гродне з 1997 г.! Далучайся!

Чытай

Чытаць навiны на hrodna.life
  • Віртуальны шпацыр па Гродне: Крэйдавыя горы
    З-за пандэміі каранавіруса многія не рызыкуюць сваім здароўем і сядзяць дома ў ізаляцыі. З гэтай нагоды разам з гісторыкам Андрэем Чарнякевічам мы вырашылі зрабіць для чытачоў віртуальны пшпацыр па Гродне.  Пачалі з Крэйдавых гор ва ўрочышчы Пышкі. “Мы пачынаем падарожжа з наваколляў Мелавых (Крэйдавых) гор. Шмат для каго з гарадзенаў гэтае месца вядомае, але яно цікавае […]
  • Мільён долараў супраць каранавірусу. ЗША выдзялілі Беларусі грошы на барацьбу з пандэміяй
    Беларусь атрымае ад Злучаных Штатаў Амерыкі гуманітарную грашовую дапамогу ў памеры  1,3 млн долараў. Сродкі выдзелены для барацьбы супраць распаўсюду каранавіруснай інфекцыі, паведаміў  27 сакавіка сайт Дзярждэпартаменту ЗША. У пастанове адзначана, што сродкі могуць быць выкарыстаны, у прыватнасці, для падрыўтоўкі лабараторнай сістэмы, актывізацыі пошукаў захварэўшых, на эпідэмічны надзор і кантроль сітуацыі, тэхнічную дапамогу экспертным арганізацыям, […]
  • Сямён Шапіра расказаў, як стаў гаспадаром дзвюх элітных кватэр коштам каля $250 тысяч
    Былы кіраўнік Мінскай вобласці Сямён Шапіра стаў гаспадаром дзвюх суседніх кватэр у адным з дамоў у «Алімпік Парку» — жыллёвым комплексе каля заказніка «Лебядзіны», піша nn.by. Як стала вядома «Нашай Ніве», яму належаць двое суседніх апартаментаў плошчай 100 м2 і 63 м2 адпаведна. Агульны рынкавы кошт гэтага жылля складае каля $250 тысяч. «Я ўпершыню ў жыцці пабудаваў […]
  • Калі ў Беларусі абвесцяць эпідэмію і варта хадзіць у кафэ? Мінздароўя адказала на хвалюючыя пытанні
    Міністэрства аховы здароўя тлумачыць, што цяпер сітуацыя з каранавірусам пад кантролем і няма неабходнасці ўводзіць больш жорсткія меры. Аднак медыкі даюць пэўныя рэкамендацыі, якіх варта цяпер прытрымлівацца, і адказваюць на хвалюючыя пытанні, піша Onliner.by. Як блізка Беларусь знаходзіцца да эпідэміялагічнага парога? – Вельмі складана сказаць, наколькі мы блізкія да парога. Пакуль сітуацыя кантралюемая за кошт […]
© 2012 Грамадcкае аб'яднанне "Цэнтр інфармацыйнай падтрымкі грамадcкіх ініцыятыў "Трэці сектар"
Каталог TUT.BY