Адукацыйны курс «Навіны па-новаму»

Змяніць памер шрыфта Болей Меней Скінуць

ГА «Беларуская асацыяцыя журналістаў» праводзіць цягам двух бліжэйшых месяцаў бясплатны курс, на якім прафесійныя рэпарцёры навучаць хутка ствараць такія навіны, якія абавязкова «выбухнуць».

Навіны застаюцца самым запатрабаваным «таварам» сродкаў масавай інфармацыі і ў эпоху Інтэрнэта.

Але гэта не так проста: зразумець, што хоча ведаць чытач, здабыць факты, якія не ляжаць на паверхні, выбраць адпаведны фармат і фокус падачы інфармацыі і пракласці ёй шлях да шырокай аўдыторыі.

Як зрабіць свой «тавар» унікальным, якраз і будзем вучыцца падчас арыентаванага на набыццё практычнага досведу курса «Навіны па-новаму».

Курс будзе карысны для тых, хто толькі пачынае працаваць журналістам, ці  яшчэ вучыцца журналістыцы. А тым, хто працуе даўно, дае магчымасці рабіць сваю работу больш якасна, дзякуючы авалодванню сучаснымі інструментамі і тэхнікамі.

Цягам серыі майстар-класаў ад выбітных беларускіх рэпарцёраў мы распрацуем алгарытм дзеянняў, якія дазволяць хутка і якасна пісаць навіны на любыя тэмы.

Слухачы навучацца:

— знаходзіць навіны там, дзе іншыя  іх не заўважаюць;

—  здабываць эксклюзіў з прэс-рэлізаў і прэс-канферэнцый;

— распрацоўваць тэму пад адмысловым ракурсам;

— будаваць “перакуленую піраміду” па сучасных стандартах;

— пісаць лагічна, ясна, коратка.

Пасля заканчэння курса слухачы будуць умець:

  • весці стрымы (наўпроставыя трансляцыі) падзей;
  • прывабна запакоўваць навіны і эфектыўна карыстацца прынадамі: загалоўкам, тызерам, лідам;
  • верыфікаваць інфармацыю і пазнаваць фэйкі;
  • карыстацца сацсеткамі для пошуку інфармацыі, герояў і каментатараў, а таксама прасоўвання ўласных тэкстаў.

ДА ЎДЗЕЛУ ЗАПРАШАЮЦЦА: журналісты, студэнты факультэтаў журналістыкі.

АПІСАННЕ КУРСА: Курс «Навіны па-новаму» распачнецца 10.02.2018  у Мінску і завершыцца  1.04.2018  майстар-класам замежнага трэнера ў Вільні. Паміж гэтымі датамі па суботах (з 14.00 да 18.00) пройдуць шэсць майстар-класаў ад журналістаў розных беларускіх СМІ.

Удзел у курсе бясплатны, але колькасць удзельнікаў абмежаваная.

Падаць заяўку на ўдзел можна да 5 лютага, 24:00.

Крыніца: baj.by

Дадаць каментар

  • Універсітэт Залатога Веку

    Універсітэт Залатога Веку

    Сайт праекта, скіраванага на сацыяльную і інтэлектуальную актывізацыю сталых людзей. Вучыцца ніколі не позна!

    Школа маладога журналіста

    Школа маладога журналіста

    Праект для тых, хто хоча паспрабаваць свае сілы ў журналістыцы. Працуе ў Гродне з 1997 г.! Далучайся!

Чытай

Чытаць навiны на hrodna.life
  • Kazarma Moll на Шчорса рыхтуецца да адкрыцця
    Гандлёвы цэнтр Kazarma Moll на вуліцы Шчорса, 11а рыхтуецца да адкрыцця. Зараз ідуць будаўнічыя работы ўнутры памяшкання і ўзгадненні, неабходныя для запуску цэнтра. Адной з першых пачне працаваць прадуктовая крама «Белмаркет» агульнай плошчай каля тысячы квадратных метраў. Па інфармацыі ад ТАА «Спектр-Лайн», якой належыць Kazzarma Mall, цалкам магчыма, што цэнтр пачне  працу ўжо ў снежні. У […]
  • Улады Беластока спадзяюцца на аэрапорт Гродна. Яны думаюць, што адтуль лятаюць самалёты па ўсёй Еўропе
    Намеснік прэзідэнта Беластока ў сваім фэйсбуку падзяліўся энтузіязмам наконт выкарыстання палякамі аэрапорта ў Гродне. “У 80 кіламетрах ад Беластока ў нас ёсць аэрапорт, з якога самалёты ляцяць па ўсёй Еўропе і за яе межы. Калі б адначасова білет на палёт быў візай і пропускам для імгненнага перасячэння мяжы, аказалася б, што аэрапорт у Гродне становіцца […]
  • «За добрую працу». Гродзенец паказаў, што нямецкі афіцэр падарыў яго прадзеду
    Мы працягваем расказваць пра цікавыя старыя рэчы, якія захоўваюцца ў жыхароў Гродна. Гэтым разам да нас у рэдакцыю прыйшоў гродзенец Ягор Малышка са статуэткай рыцара. Ён распавёў, што гэтую рэч у 1940-х гадах у падарунак ад нямецкага афіцэра атрымаў яго прадзед Лявон Малышка. Паводле сямейнай легенды, Лявон адрамантаваў гадзіннік афіцэра і за гэта атрымаў ад […]
  • “Другі сыход з СССР адбыўся ў Амерыцы”. Гродзенка расказала, як жыць на тры краіны і не забываць беларускую мову
    Алена Жалязняк вучылася ў Мінскім ін’язе, займалася экалагічнымі праектамі ў Афрыцы, атрымала ступень па эканоміцы ў Нідэрландах, а зараз выкладае англійскую мову ў Германіі. Дачку яна нарадзіла ў Злучаных Штатах, а размаўляе з ёй выключна па-беларуску. Таксама Алена перакладае на беларускую ТЭД-прамовы. Падчас сустрэчы з Аленай мы абмеркавалі, чым падобныя жыхары Беларусі і Зімбабвэ, чаму […]
© 2012 Грамадcкае аб'яднанне "Цэнтр інфармацыйнай падтрымкі грамадcкіх ініцыятыў "Трэці сектар"
Каталог TUT.BY