Беларусь-Германія: Сустрэча па наладжванні партнёрства і абмене досведам у галіне ўстойлівага развіцця

Змяніць памер шрыфта Болей Меней Скінуць

ОДБ Брусель (Бельгія) разам зПраграмай падтрымкі Беларусі Федэральнага ўрада Германіі запрашаюць некамерцыйныя арганізацыі, якія працуюць у галіне ўстойлівага развіцця і жадаюць знайсці партнёраў з Германіі для рэалізацыі сумесных праектаў, на сустрэчы па наладжванні партнёрстваў, якія пройдуць у Мінску і Гродне.

Мэтай гэтых сустрэч з’яўляецца стварэнне новых беларуска-нямецкіх партнёрстваў, абмен ідэямі і лепшымі практыкамі ў сферы ўстойлівага развіцця, якія могуць стаць асновай для падрыхтоўкі сумесных прапаноў на конкурс праектаў Праграмы падтрымкі Беларусі Федэральнага ўрада Германіі, які будзе абвешчаны ўжо ў гэтым месяцы.

Пад устойлівым развіццём арганізатары разумеюць шырокі спектр дзейнасці, які ставіць на мэце рэгіянальнае развіццё, захаванне рэсурсаў, абарону ўразлівых груп насельніцтва шляхам уключэння іх у праграмы і праекты ў галіне ўстойлівага развіцця, развіццё нефармальнай адукацыі і інш.

Сустрэчы пройдуць:

– 26 ліпеня з 11:00 да 15:00 у Мінску;

– 27 ліпеня з 12:30 да 16:00 у Гродне.

Праграма мерапрыемстваў уключае:

– Інфармацыю пра Конкурс праектаў Праграмы падтрымкі Беларусі Федэральнага ўрада Германіі.

– Знаёмства з досведам нямецкіх арганізацый-удзельніц;

– Абмеркаванне магчымасцей супрацоўніцтва і г.д.;

Працоўныя мовы сустрэчы – ангельская і руская.

У кожнай з сустрэч плануецца ўдзел 7-8 прадстаўнікоў нямецкіх арганізацый, якія працуюць у наступных сферах:

– Сацыяльна-псіхалагічная дапамога і рэабілітацыя людзей, якія пакутуюць ад алкагольнай, наркатычнай і іншых залежнасцяў;
– Ахова прыроды, устойлівае развіццё і рацыянальнае выкарыстанне зямельных рэсурсаў;
– Падтрымка прадпрыемстваў малога і сярэдняга бізнесу, садзейнічанне ўкараненню новых тэхналогій і бізнес-інавацый;
– Арганізацыя канструктыўнага дыялогу, накіраванага на негвалтоўнае вырашэнне канфліктаў паміж асобнымі сацыяльнымі групамі;
– Прафесійнае навучанне людзей з інваліднасцю і моладзі;
– Прафесійнае навучанне і кансультаванне.

Зацікаўленыя мусяць да 24:00 22-га ліпеня 2016 года даслаць заяўку-ліст на е-мэйл:maksim@odb-office.eu.

У заяўцы-лісце, калі ласка, пазначце:

  1. Імя, прозвішча;
  2. Назву сваёй арганізацыі або ініцыятывы;
  3. Кантактны тэлефон і е-мэйл;
  4. Сціслае апісанне задумкі (ідэі) праекта (максімум 200 слоў);
  5. Горад, дзе жадаеце ўдзельнічаць у мерапрыемстве (Мінск або Гродна адпаведна).

Запрашэнні на ўдзел будуць дасланы абраным кандыдатам не пазней за 23 ліпеня.

Па дадатковых пытаннях, калі ласка, звяртайцеся на е-мэйл: maksim@odb-office.eu, па тэл.: (044) 761 31 51 (Вэлком), (029) 560 30 50 (МТС) (спадар Максім Падбярозкін).

08 Чэрвеня 2016 | Няма каментароў | Пазнакі:

Дадаць каментар

  • Універсітэт Залатога Веку

    Універсітэт Залатога Веку

    Сайт праекта, скіраванага на сацыяльную і інтэлектуальную актывізацыю сталых людзей. Вучыцца ніколі не позна!

    Школа маладога журналіста

    Школа маладога журналіста

    Праект для тых, хто хоча паспрабаваць свае сілы ў журналістыцы. Працуе ў Гродне з 1997 г.! Далучайся!

Чытай

Чытаць навiны на hrodna.life
  • «Пнеўманій мінімум у 2–3 разы больш», — каранавірус у Віцебску вачыма доктаркі
    Доктарка аднаго зь віцебскіх шпіталяў расказала для “Радыё Свабода” пра сытуацыю ў горадзе ва ўмовах пандэміі каранавірусу. Віцебскі гарвыканкам зацьвердзіў надзвычайны плян дадатковых мерапрыемстваў па прафіляктыцы і зьніжэньні распаўсюду каранавірусу і іншых рэсьпіраторных інфэкцый. Суразмоўніца “Свабоды” папрасіла захаваць ананімнасьць, але рэдакцыі вядомыя яе прозьвішча і месца працы. «У нас усё пачалося з таго, што работнікі абутковых фабрык […]
  • «Кухар у курылцы» і «чалавек з нажом». Шэф з Гродна стаў пісьменнікам і прадставіў першую кнігу
    Кнігу «Кухар у курылцы» 31 сакавіка прадставіць гродзенцам шэф-повар кафэ «Веранда» Сяргей Махаўцоў. Гэта шчыры аповяд пра тое, як уладкована кухня, што стаіць за радкамі меню і ветлівымі ўсмешкамі персаналу. «Кухар ў курылцы» – пісьменніцкі дэбют Сяргея. Кніга больш пра эмоцыі і адносіны. Сяргей распавёў Hrodna.Life, што цяпер працуе над другой кнігай, якая будзе кулінарнай […]
  • Еўрасаюз выдзяляе Беларусі грошы на барацьбу з каранавірусам
    У рамках сваіх глябальных дзеяньняў у адказ на ўспышку каранавірусу Эўрапейская камісія гатовая падтрымліваць краіны Усходняга партнэрства і пераразьмеркавала 140 мільёнаў эўра на самыя непасрэдныя патрэбы, у тым ліку і на патрэбы Беларусі, паведамляе Прадстаўніцтва ЭЗ у Беларусі, піша Свабода. Акрамя таго, Эўрапейская камісія перанакіруе сродкі існуючых інструмэнтаў на суму да 700 мільёнаў эўра, каб […]
  • «Выносілі з інсультам, дзядоў, бабак». Што адбываецца ў Іўі, дзе пацьвердзілі выпадак каранавірусу
    У Горадзенскай вобласьці пацьвердзілі чацьвёрты выпадак каранавірусу. Са шпіталя ў горадзе Іўе, дзе ляжыць мужчына, пачалі масава выпісваць пацыентаў, піша Свабода. Як стала вядома Свабодзе, мужчына паходзіць з Івейскага раёну, мае бізнэс, займаецца мэбляй і перавозкамі па Беларусі. Ёсьць жонка і малыя дзеці. Як сказаў газэце «Вечерний Гродно» галоўны дзяржаўны санітарны ўрач Горадзенскай вобласьці Мікалай Кендыш, 50-гадовы прадпрымальнік […]
© 2012 Грамадcкае аб'яднанне "Цэнтр інфармацыйнай падтрымкі грамадcкіх ініцыятыў "Трэці сектар"
Каталог TUT.BY