Гарадзенскія Майстэрні Ведаў запрашаюць вядучых

Змяніць памер шрыфта Болей Меней Скінуць

Калі Вы маеце веды і ўменні, якімі хочаце падзяліцца з іншымі, калі хочаце паспрабаваць сябе ў ролі вядучага ці выкладчыка, заяўляйцеся на Гарадзенскія Майстэрні Ведаў!

Што такое Гарадзенскія Майстэрні Ведаў?
Гэта праграма нефармальнай адукацыі, накіраваная на абмен карыснымі ведамі і ўменнямі для прафесійнага і асабістага развіцця, а таксама працы на карысць грамадству. Гарадзенскія Майстэрні Ведаў — цыкл майстар-класаў, прэзентацый, трэнінгаў (працягласцю да 2 гадзін) на самую розную тэматыку, якія праходзяць на розных пляцоўках у горадзе.
Чарговыя Гарадзенскія Майстэрні Ведаў адбудуцца 2 снежня.

Майстэрні: як гэта працуе?
Спачатку мы шукаем і адбіраем выкладчыкаў, якія прапаноўваюць свае тэмы заняткаў у межах Майстэрняў, дапамагаем выкладчыкам падрыхтаваць цікавую абвестку пра свае заняткі.
Затым мы складаем праграму заняткаў Майстэрняў Ведаў і прапануем гарадзенцам заявіцца на ўдзел у гэтых занятках. Фінальная версія праграмы Майстэрняў фармуецца людзьмі, якія заяўляюцца ў якасці ўдзельнікаў заняткаў: калі група збіраецца — заняткі таго альбо іншага выкладчыка ўключаюцца ў праграму, калі не — заняткі адкладаюцца да лепшых часоў:)
Выкладчыкі праводзяць свае заняткі бясплатна. Удзельнікі таксама нічога не плацяць за ўдзел у занятках.

Як усё пачыналася?
Арганізатарам Гарадзенскіх Майстэрняў Ведаў з’яўляецца установа “Цэнтр дадатковай адукацыі дарослых “Студыя карысных кампетэнцый”.
Праграма пачала сваю працу ў Гродне ўвосень 2016 г. З таго часу былі арганізаваныя чатыры Майстэрні, у межах якіх адбыліся 32 розныя майстар-класы і заняткі. Тэмы заняткаў самыя розныя: экалогія, інфаграфіка, гендар, правы чалавека, журналістыка, псіхалогія, танцы і інш. Іх удзельнікамі сталі каля 250 чалавек рознага ўзросту і розных інтарэсаў.

Як заявіцца ў якасці вядучага на Майстэрні Ведаў?
Каб прапанаваць майстар-клас, трэнінг альбо прэзентацыю — запоўніце да 16 лістапада заяўку. Мы звяжамся з Вамі да 17 лістапада і ўзгоднім далейшыя дзеянні па падрыхтоўцы заняткаў.
Мы прадстаўляем бясплатна памяшканне, забяспечваем рэкламу і набор групы.
Маеце пытанні? Затэлефануйце альбо напішыце нам!
+ 375 33 634 10 41  edustudio.hrodna@gmail.com

Дадаць каментар

  • Універсітэт Залатога Веку

    Універсітэт Залатога Веку

    Сайт праекта, скіраванага на сацыяльную і інтэлектуальную актывізацыю сталых людзей. Вучыцца ніколі не позна!

    Школа маладога журналіста

    Школа маладога журналіста

    Праект для тых, хто хоча паспрабаваць свае сілы ў журналістыцы. Працуе ў Гродне з 1997 г.! Далучайся!

Чытай

Чытаць навiны на hrodna.life
  • “Мая Гародня”. Адкрылася выстава Наталлі Дораш пра штодзённае жыццё 70-х
    Здымкі 1970-1979 гадоў можна пабачыць у “Цэнтры гарадскога жыцця” – там 13 лістапада адкрылася фотавыстава Наталлі Дораш “Мая Гародня”. На вернісажы старэйшыя гродзенцы настальгіравалі, угадвалі месцы і казалі, што частка той даўняй атмасферы яшчэ засталася ў горадзе. На выставу трапілі самыя раннія здымкі Наталлі Дораш, калі яна толькі зацікавілася фатаграфіяй. 45 гадоў таму ад бацькі […]
  • Гродзенец, якога будуць судзіць за экстрэмізм і нацызм ў сацсетках: “Я ў шоку”
    Міліцыя склала два пратаколы на гродзенца, якога падазраюць у распаўсюдзе нацысцкіх сімвалаў і матэрыялаў з «экстрэмісцкага» спісу ў сацсетках. Сам мужчына абураны і настойвае: пасты, наадварот, асуджалі і высмейвалі фашысцкую ідэалогію, піша TUT.BY. Нагадаем, 5 лістапада міліцыя склала на Аляксандра Горбача два пратаколы – за нацысцкую сімволіку і экстрэмісцкую інфармацыю на яго старонцы ва «Вконтакте». Пагражае […]
  • Маці асуджаных паводле наркатычных артыкулаў гатовыя аднавіць галадоўку
    Прадстаўніцы руху «Маці-328», які аб’ядноўвае сваякоў тых, хто трапіў за краты паводле арт. 328 Крымінальнага кодэксу (незаконны абарот наркотыкаў), працягваюць настойвайць на асабістай сустрэчы з Аляксандрам Лукашэнкам і змякчэнні крымінальнага заканадаўства. Яны не выключаюць, што могуць зноў абвесціць галадоўкі пратэсту, піша Белсат. Як заявіла «Белсату» кіраўніца грамадскай ініцыятывы «Маці-328» Ларыса Жыгар, першым пунктам іх патрабаванняў […]
  • Папраўкі ў заканадаўства. За рэабілітацыю нацызму – пазбаўленне волі, за партрэт фюрэра – штраф
    У Палату прадстаўнікоў паступіў законапраект па пытанні ўзмацнення барацьбы з прапагандай нацызму і экстрэмізму. У ім прадугледжана крымінальная адказнасць за рэабілітацыю нацызму, а таксама адміністрацыйная – за захоўванне або набыццё ў мэтах распаўсюджвання нацысцкай, экстрэмісцкай і тэрарыстычнай сімволікі і атрыбутыкі, піша TUT.BY. Дакумент (ёсць у распараджэнні рэдакцыі TUT.BY) падрыхтаваны Саветам міністраў і пераданы на разгляд у парламент. Чакаецца, […]
© 2012 Грамадcкае аб'яднанне "Цэнтр інфармацыйнай падтрымкі грамадcкіх ініцыятыў "Трэці сектар"
Каталог TUT.BY