Конкурс артыкулаў Вікіпедыі «Вікі Вясна»

Змяніць памер шрыфта Болей Меней Скінуць

На працягу трох месяцаў вясны ў Вікіпедыі адбываецца конкурс артыкулаў пра краіны цэнтральнай і ўсходняй Еўропы «Вікі Вясна». Ідэя конкурсу – пашырыць інфармацыю пра краіны рэгіёну, прыцягнуць увагу да асаблівасцяў гэтых краін, павялічыць камунікацыі  паміж актыўнымі вікіпедыйнымі рэдактарамі.

У конкурсе ўдзельнічаюць два беларускія раздзелы Вікіпедыі (класічным і афіцыйным  правапісамі). Раздзел класічным правапісам на сёння прымае больш актыўны ўдзел.

Арганізацыя Фаланстэр, адзін з праектаў якой накіраваны на развіццё беларускай Вікіпедыі («Вікіфікацыя»), забяспечвае прыз самаму актыўнаму ўдзельніку. Актывісты арганізацыі гатовы дапамагаць хуткай вікі-дапамогай усім жадаючым прыняць удзел: садзейнічаць па пытаннях працы з Вікіпедыяй і вікі-разметкай.

Правілы ўдзелу ў конкурсе

  • Афіцыйныя даты правядзення конкурсу: 21 сакавіка — 31 траўня.
  • Для ўдзелу трэба дадаць сябе ў табліцу ўдзельнікаў конкурсу (у Вікіпедыі  класічным або афіцыйным правапісам).
  • Кожнай краіне рэгіёна прызначаецца тыдзень, на працягу якога рэдактары ўсіх моўных раздзелаў Вікіпедыі мусяць пісаць пра яе.
  • Тэмы артыкулаў можна абіраць любыя, датычна той ці іншай краіны, але кожны моўны раздзел прапаноўвае самыя актуальныя пра сваю краіну.
  • На працягу чэрвеня будуць падводзіцца вынікі, вызначацца пераможцы, лакальна ў кожным моўным раздзеле.
  • Міжнародныя каардынатары конкурсу вырашаюць даты і месца правядзення Вікі Лагера для самых актыўных удзельнікаў у канцы ліпеня.

Хто яшчэ сумняваецца ў сваіх сілах, смела звяртайцеся па дапамогу да вікіпедыстаў і чытайце парады для пачынаючых.

Kaarel_Vaidla

Каарэль Вайдла (Эстонія) – каардынатар конкурсу Вікі вясна Цэнтральнай і Ўсходняй Еўропы 2015:

“Мы вельмі няшмат ведаем пра суседнія краіны і таму здаемся такімі далёкімі адзін адному. Падчас падрыхтоўкі конкурсу будзе стварацца шмат адкрытых ведаў пра вашы краіны. У выніку павялічыцца веданне і ўзаемаразуменне розных краін, для будучых  больш устойлівых камунікацыі і будучай супрацы ў нашым рэгіёне.

Галоўная матывацыя — гэта вывучэнне, пазнанне. Ёсць шмат спосабаў вучыцца, Вікіпедыя прапаноўвае напісанне і пераклад. Вікіпедыя — гэта адкрытая платформа, і любую створаную інфармацыю вы можаце свабодна выкарыстоўваць.

Што параіць пачаткоўцу? Перш за ўсё прачытаць агульны дапаможнік па прынцыпах Вікіпедыі. Трэба ведаць 5 слупоў Вікіпедыі. Па-другое, шукайце спасылкі на крыніцы інфармацыі, якую дадаяце.  Па-трэцяе, кантактуйце з іншымі вікіпедыстамі.

raman-patapchuk

Раман Патапчук (Беларусь), удзельнік раздзелу клясычным правапісам:

“Бывае, што перш чым наведацца кудысьці, сам шукаеш інфармацыю пра цікавыя мясьціны і шкадуеш, што вось гэтага ці іншага няма па-беларуску. А па вяртаньні дадому ўсё ж адчуваеш, што варта гэтым падзяліцца, асабліва калі гэта можна падмацаваць фоткамі.

Для пачаткоўцаў раю ня бегчы за колькасьцю, каб галоўнаю мэтай было не ахапіць усё, што можна, у кароткі пэрыяд, прысьвечаны краіне, а пісаць якасна, каб умоўным «правяральнікам» заставалася меней працы і болей вольнага часу :)”

olya-sitnik

Вольга Сітнік (Беларусь), адміністратар раздзелу афіцыйнага правапісу:

“У конкурсе будуць шырока прадстаўлены ўдзельнікі з іншых краін, і для Беларусі важна паказаць, што мы таксама ў Еўропе і агульныя тэндэнцыі нас тычацца і цікавяць.

Мае парады такія. Не баяцца папрасіць дапамогі ў супольнасці. Памятаць, што беларуская Вікіпедыя не толькі пра беларускае, але пра ўсё на беларускай мове.  Трымаць баланс колькасці і якасці, каб і болей артыкулаў ствараць, і да ладу даводзіць кожны.”

Vira-Motorko

Вера Маторка (Украіна):

“Цэнтральна-Усходняя Еўропа — не чужыя людзі. Даведацца больш пра суседзяў у той час, калі яны будуць пісаць пра нас — гэта класна!

Пасля наведвання кінаклуба, дзе паказвалі цікавы для мяне фільм Ясмілы Жбаніч «Na putu», я стварыла пра яе артыкул, бо не знайшла яе біяграфію. Цяпер, калі кажу пра гэту рэжысёрку маім сябрам, я магу накіраваць іх на гэтую старонку.

Для пачаткоўцаў параю выбраць сабе тэму, тое што цікава чытаць сваёй мовай. Паглядзець, як выглядае добры артыкул, напісаць яго і ў падобным стылі аформіць. Папрасіць таго, хто ўжо рэдагаваў Вікіпедыю, прачытаць і штосьці выправіць. Звычайна атрымліваецца толькі разам напісаць добры артыкул.”

liashko

Максім Лепушэнка (Беларусь), адміністратар раздзелу афіцыйнага правапісу:

“Удзел у конкурсе — гэта пашырэнне магчымасцяў свабоднага доступу да ведаў, што на карысць усім, пагатоў мовам, якія як беларуская знаходзяцца ў не самым лепшым становішчы.

Для навічкоў параю доўга не думаць над афармленнем, назвай і г.д. перад тым як нешта напісаць. Усё гэта можна змяніць і выправіць пазней, галоўнае — змест. Пісаць, калі гэта не трывія, толькі на аснове крыніц, на якія ў напісаным і спаслацца, хоць бы гэта былі і газеты або інтэрнет-рэсурсы.

Вікіпедыя не месца для кантактаў, а энцыклапедыя, дзе і пабочных размоў тэарэтычна не мусіць быць.”

tomel-bladyniec

Томаш Блядынец (Польшча):

“Вікіпедыяй карыстаюцца журналісты, палітыкі, якія рэальна ўплываюць на нашае жыццё. Калі ў іх будзе добрая інфармацыя, тады яны будуць рабіць лепшыя рашэнні. Гэта таксама шанец для нас развівацца, ведаць больш. Для мяне галоўным матыватарам з’яўляецца пачуццё, што сваёй справай я мяняю свет у лепшы бок.

Трэба быць ветлівым і цярплівым. Зразумець, што ў Вікіпедыі ёсць свае правілы і іх варта выконваць. Іншыя ўдзельнікі могуць часам выдаліць або змяніць тое, што вы напісалі, але не таму што яны нядобрыя людзі, але таму што ваша праца не адпавядала крытэрам Вікіпедыі. Размаўляйце, шукайце разумення і кампрамісу. Тады дасягнеце поспеху і разам створыце найбольш поўную і аб’ектыўную інфармацыю.”

 

24 Сакавіка 2015 | Няма каментароў | Пазнакі: ,

Дадаць каментар

  • Універсітэт Залатога Веку

    Універсітэт Залатога Веку

    Сайт праекта, скіраванага на сацыяльную і інтэлектуальную актывізацыю сталых людзей. Вучыцца ніколі не позна!

    Школа маладога журналіста

    Школа маладога журналіста

    Праект для тых, хто хоча паспрабаваць свае сілы ў журналістыцы. Працуе ў Гродне з 1997 г.! Далучайся!

Чытай

Чытаць навiны на hrodna.life
  • Адсочваць чэргі на мяжы можна будзе праз мабільную прыладу
    Ініцыятарам праекта выступіў Дзяржаўны мытны камітэт. Праект ўжо адобраны Саветам міністраў, але дакладнай даты запуску пакуль не называюць, перадае TUT.BY. Падобная прылада ўжо ёсць у Беларусі, але інфармацыя ў ёй абнаўляецца па меры актыўнасці карыстальнікаў. Асаблівасць новага дадатка ў тым, што ў рэжыме рэальнага часу можна будзе даведацца пра чэргі на кожным пункце пропуску, працэдурах […]
  • Дзе спаў Баторый і што знайшлі археолагі: у Гродне чарговы раз абмеркавалі будучыню Старога замка
    Круглы стол, прысвечаны актуальным праблемам рэканструкцыі Старога замка, прайшоў у Гродне 15 кастрычніка. Нагода для сустрэчы спецыялістаў – набліжэнне да канца першай чаргі будаўніцтва на замку. Цяпер улады прыступаюць да стварэння дэтальнага праекта другой чаргі – уласна палаца Стэфана Баторыя. Яго праект таксама намаляваны Уладзімірам Бачковым, аднак будзе яшчэ ў дэталях прапрацаваны архітэктарамі і інжынерамі. Зачыняюць замак каб правесці даследаванні Улады прынцыпова адкрытыя ў справе […]
  • У Гродне адкрываецца бясплатная тэхна-выстава «Сусвет інтэрнэту»
    Упершыню ў Гродне пройдзе выстава «Сусвет інтэрнэту», на якой можна будзе «прагуляцца» па віртуальнай «планеце» і даведацца, як правільна паводзіць сябе ў інтэрнэце. Ролю экспанатаў будуць выконваць генератар надзейных пароляў, kinect-экраны для барацьбы з вірусамі, сэнсарная сцяна і інш. Першую экскурсію для дзяцей і СМІ правядзе Георгій Калдун. «Сусвет інтэрнэту» – гэта сумесны праект Міністэрства […]
  • У Гродне пачалі працы па пабудове вялікага кальца
    Вялікае кальцо вакол Гродна плануюць пабудаваць да 2030 года. Будаўніцтва разбіта на пяць этапаў. Першы з іх – рэканструкцыю былога чыгуначнага маста пад аўтамабільны з выхадам на М6 – ужо ўзялі ў працу, паведамляе «Гродзенская праўда». Цяпер адначасова працуюць над чатырма аб’ектамі пабудовы аб’язной дарогі. На трох з іх задзейнічаны ААТ «Дарожна-будаўнічы трэст №6 г. […]
© 2012 Грамадcкае аб'яднанне "Цэнтр інфармацыйнай падтрымкі грамадcкіх ініцыятыў "Трэці сектар"
Каталог TUT.BY