Конкурс “Падзея года ў нефармальнай адукацыі”

Змяніць памер шрыфта Болей Меней Скінуць

Мэта конкурсу:

Прызнанне грамадскай карыснасці разнастайных практык нефармальнай адукацыі.

Задачы конкурсу:

– прадэманстраваць разнастайнасць падзей і тэм у сферы нефармальнай адукацыі, іх вынікі і грамадскую карысць;
– павысіць цікавасць шырокай грамадскасці да праграм і мерапрыемстваў у сферы нефармальнай адукацыі, а таксама да Фестывалю нефармальнай адукацыі;
– актывізаваць правайдэраў паслуг нефармальнай адукацыі ў публічным прадстаўленні сваіх праграм і мерапрыемстваў.

У конкурсе могуць прымаць удзел падзеі (любыя дзеянні, паслугі, праграмы, мерапрыемствы, прадукты ў сферы нефармальнай адукацыі) за 2015-2016 гады, якія садзейнічалі вырашэнню актуальных грамадскіх праблем, развівалі сацыяльныя, грамадзянскія, асабістыя, прафесійныя кампетэнцыі ва ўдзельнікаў і праходзілі ў Рэспубліцы Беларусь з удзелам жыхароў краіны.

Падзеі, заяўленыя на конкурс, будуць ацэньвацца як журы, так і шляхам народнага галасавання ў некалькіх намінацыях:

1. Прыз глядацкіх сімпатый. Яго ўладальнік будзе вызначаны з дапамогай народнага галасавання, якое будзе праводзіцца онлайн з 20 чэрвеня па 17:00 5 ліпеня 2016 на сайце adukatar.net.

2. Прызы экспертнага журы. Экспертнае журы вызначыць уладальніка гран-пры конкурсу, а таксама ўладальнікаў першага, другога і трэцяга месцаў. На гран-пры конкурсу зможа прэтэндаваць падзея, якая мае найбольшы эфект з пункту гледжання грамадскай карысці.

Асноўнымі крытэрыямі ацэнкі заяўленых на Конкурс падзей з’яўляюцца:

– грамадская карысць: важнасць і выніковасць падзеі, уклад у вырашэнне грамадскай праблемы;
– прывабнасць: наколькі тэма і форма падзеі цікава ўдзельнікам і публіцы;
– інавацыйнасць (навізна тэмы, падыходу, формы і інш.) будзе ўлічвацца, але не будзе служыць вызначальным крытэрыем;
– сацыяльнае партнёрства: дзеянні сацыяльных партнёраў па стварэнні падзеі.

Да галасавання і ацэньвання журы будуць дапушчаны толькі матэрыялы, якія адпавядаюць заяўленым крытэрыям.

Арганізатарам конкурсу з’яўляецца арганізацыйны камітэт VI Фестывалю нефармальнай адукацыі.

Да ўдзелу ў Конкурсе неабходна да 6 чэрвеня 2016 г. запоўніць анлайн-заяўку.

Падвядзенне вынікаў Конкурсу і цырымонія ўзнагароджання пераможцаў адбудзецца 8 ліпеня 2016 г. у рамках VI Фестывалю нефармальнай адукацыі.

Падрабязную інфармацыю пра VI Фестываль нефармальнай адукацыі можна знайсці на сайце.

12 Красавіка 2016 | Няма каментароў | Пазнакі:

Дадаць каментар

  • Універсітэт Залатога Веку

    Універсітэт Залатога Веку

    Сайт праекта, скіраванага на сацыяльную і інтэлектуальную актывізацыю сталых людзей. Вучыцца ніколі не позна!

    Школа маладога журналіста

    Школа маладога журналіста

    Праект для тых, хто хоча паспрабаваць свае сілы ў журналістыцы. Працуе ў Гродне з 1997 г.! Далучайся!

Чытай

Чытаць навiны на hrodna.life
  • Ці гатовы гродзенцы сустрэць каронавірус? Hrodna.life правёў апытанку (відэа)
    Пасля паведамлення аб першым хворым на каронавірус на тэрыторыі Беларусі, 28 лютага, журналісты Hrodna.life вышлі на вуліцы горада з апытанкай. Ці  рыхтуюцца гараджане да магчымага распаўсюду захворвання?  Ці ведаюць людзі аб мерах перасцярогі? Ці можна купіць маскі ў  нашым горадзе? Адказы – у відэа. Чытай больш: Каронавірус у Літве, прэзідэнт на карантыне і заражэнне сабакі. […]
  • Фотафакт: Па Гродне шпацыраваў мужчына ў ахоўным касцюме
    Увечары 28 лютага ў цэнтры Гродна быў заўважаны мужчына ў ахоўным касцюме. Хто ён і навошта апрануў гэты касцюм – загадка. Ад каментароў хлопец адмовіўся. Мінакі з усмешкай сустракалі мужчыну, некаторыя падыходзілі і фатаграфаваліся. 28 лютага стала вядома аб пацверджаных выпадках каранавіруса ў Беларусі. Інфікаваным апынуўся іранскі студэнт, які прыбыў у Мінск самалётам з Баку. […]
  • Не ешце фастфуд і не скупляйце маскі. Як пазбегнуць каранавірусу
    Доктар з Гродна Уладзімір Пруднікаў падзяліўся парадамі, як пазбегнуць каронавірусу. Расказваем, чаму пакуль не варта есці фасфуд, чаму маскі патрэбныя не ўсім, што рабіць, калі адчулі сябе дрэнна. І галоўнае – не панікуйце!  The post Не ешце фастфуд і не скупляйце маскі. Як пазбегнуць каранавірусу appeared first on Hrodna.life.
  • Стала вядома, калі адкрыецца ГЦ “Kazzarma Mall”
    У суботу, 7 сакавіка, у Гродне адкрыецца ГЦ «Kazzarma Mall» па адрасе вул. Шчорса, 11а. У праграме – выступленне духавога аркестра, раздача кветак, бясплатная ўпакоўка падарункаў, розыгрышы сертыфікатаў і мноства прыемных падарункаў. Святочная праграма адкрыцця пачнецца ў 12:00. У праграме мерапрыемства таксама інтэрактыўная праграма з наведвальнікамі і розыгрыш падарункаў. Для дзяцей – забаўляльная праграма з […]
© 2012 Грамадcкае аб'яднанне "Цэнтр інфармацыйнай падтрымкі грамадcкіх ініцыятыў "Трэці сектар"
Каталог TUT.BY