Дзейнасць

Асноўныя накірункі дзейнасці арганізацыі:

 

Інфармацыйная падтрымка грамадскіх ініцыятыў

 

Праграма распачалася ў 1997 годзе.
Прадугледжвае збор і распаўсюджванне звестак пра дзейнасць грамадскіх арганізацыяў, недзяржаўных СМІ Гродзенскай вобласці Беларусі, а таксама інфармацыі, карыснай для дзейнасці гэтых арганізацый (звесткі пра конкурсы грантаў, стажыроўкі, адукацыйныя праграмы, магчымасці навучання і г.д.).

Інфармацыя распаўсюджваецца ў выглядзе інфармацыйна-аналітычнага часопісу “Трэці сэктар”, электроннай “Кронікі грамадскага жыцця Гарадзеншчыны”, Публічнага інфармацыйнага Пункта, а таксама праз Інтэрнэт-пляцоўку арганізацыі й дошку абвестак у яе офісе.

Інфармацыйны грамадcка-аналітычнага часопіс “Трэці сэктар”.

Пачаў выдавацца ўзімку 1997 году ў выглядзе інфармацыйнага бюлетэню.

З восені 1999 г. выдаецца як інфармацыйна-аналітычны часопіс. Наклад – 299 асобнікаў.

Змяшчае інфармацыю і аналітычныя матэрыялы, якія тычацца дзейнасці грамадскіх арганізацыяў краіны, прэзэнтуе новыя арганізацыі, людзей, якія працуюць у трэцім сэктары, прадстаўляе інфармацыю, карысную для дзейнасці грамадскіх арганізацыяў і ініцыятываў.

Распаўсюджваецца ў Беларусі, Польшчы, Летуве, Расеі, Украіне.

Пазнаёміцца з асобнымі нумарамі часопіса можна тут.

Электронная рассылка “Кроніка грамадскага жыцця Гарадзеншчыны”.

Выдаецца з красавіка 1999 году і мае на мэце апэратыўнае распаўсюджванне інфармацыі, звязанай зь дзейнасцю грамадскіх арганізацыяў і ініцыятываў.

Дасылаецца па электроннай пошце больш чым на 350 адрасоў арганізацыяў і СМІ Беларусі, Літвы, Польшчы, Расіі і Ўкраіны. Выдаецца штотыднёва. Падпісацца на рассылку можна адразу на сайце!

Публічны Інфармацыйны Пункт (ПІП).

Створаны ў офісе арганізацыі ў 2004 г.

Уяўляе з сябе міні-бібліятэку, стэнд з літэратурай і выданнямі НГА, а таксама дошку абвестак.

Наведвальнікі офіса могуць атрымаць інфармацыю пра дзейнасці грамадскіх арганізацый Беларусі і іншых краін, пакарыстацца разнастайнай метадычнай і іншай літаратурай.

Конкурс “Будзь у Трэцім!”

Мэтай конкурсу з’яўляецца папулярызацыя дзейнасці грамадскіх арганізацый, ініцыятыў і асоб Гарадзеншчыны, якія робяць вялікі ўнёсак у вырашэнне важных мясцовых пытанняў. У конкурсе прымаюць удзел прадстаўнікі грамадскіх арганізацый і ініцыятыў Гарадзеншчыны, а таксама актыўныя асобы, якія займаюцца дабрачыннай дзейнасцю.

Інтэрнэт-пляцоўка

Першая інтэрнэт-пляцоўка арганізацыі (http://sektar.cjb.net) была створаная ў другой палове 2000 г. Пляцоўка з’яўлялася своеасаблівым электронным архівам грамадскага жыцця Гарадзеншчыны. На ёй можна было знайсці звесткі пра грамадскія арганізацыі Гарадзеншчыны, іх выданні, прачытаць абраныя артыкулы з часапісу “Трэці сэктар”.  З 1 студзеня 2011 г. працуе новая вэб-пляцоўка арганізацыі.

Грамадзянская адукацыя ў галіне журналістыкі

 

Праграма існуе з 1997 году.

Прадугледжвае падрыхтоўку штатных і пазаштатных карэспандэнтаў для недзяржаўных СМІ, а таксама выданняў НГА Гарадзеншчыны, прэс-сакратараў для НГА, павышэнне сацыяльнай актыўнасці моладзі, а таксама інфармаванасці насельніцтва.

Праграма рэалізуецца ў выглядзе штогадовых 6-7-мі месячных праектаў пад агульнай назвай “Школа маладога журналіста”.

Маладыя людзі праходзяць курс “Асновы журналістыкі”, стажыруюцца ў рэдакцыях мультымедыйнага парталу “Твой стыль”.

З 1997 году ўдзел у праекце “Школа маладога журналіста” ўзяло больш 300 чалавек.

Амаль кожны чацьвёрты выпускнік «Школы маладога журналіста» дагэтуль звязаны з дзейнасцю СМІ альбо НГА Беларусі і іншых краін.

У межах праграмы ладзяцца таксама Фестывалі маладзёвай журналістыкі “Твой стыль” (2007, 2010, 2012, 2014), навучальныя візіты для маладых журналістаў у іншыя беларускія гарады, а таксама ў суседнія краіны.

Універсітэт Залатога Веку: інтэлектуальная, сацыяльная і фізічная актывізацыя сталых людзей

 

Праграма распачалася са студзеня 2010 г. і мае сваёй мэтай павышэнне якасці жыцця сталых людзей. Дзейнічае ў выглядзе сямімесячных акадэмічных курсаў, якія пачынаюцца ў кастрычніку і сканчаюцца ў красавіку. Удзел у праграме ўзялі ўжо больш за 200 сталых гарадзенцаў ва ўзросце ад 55 год і вышэй.

Пра мерапрыемствы, секцыі інтэграцыйныя мерапрыемствы, навучэнцаў і іх дасягненні можна прачытаць на блогу Універсітэту Залатога веку, які ў снежні 2012 г. быў прызнаны лепшым беларускім сайтам у сферы нефармальнай адукацыі, а таксама на сайце Праграмы.

Развіццё мясцовых супольнасцей і сацыяльнай анімацыі

 

У межах праграмы дзейнічала “Адкрытая школа мясцовай супольнасці” (2003-2008) – трэнінгі і навучальныя візіты для грамадскіх актывістаў з розных гарадоў і мястэчак Беларусі, кансультацыі па стварэнні і развіцці сайтаў мясцовых супольнасцей. Намі быў выдадзены дапаможнік “Сацыяльны аніматар”. Змест і асобныя матэрыялы дапаможніка ты знойдзеш тут

З ліпеня 2010 г. быў рэалізаваны праект “Фарбы жыцця”, накіраваны на сацыяльную адаптацыю і інтэграцыю дзяцей з дзіцяга дома г. Гродна і валанцёраў з ініцыятыўнай групы “Ружовы слон”, а таксама на іх знаёмства з беларускай гісторыяй і культурай. Больш  падрабязна можна пазнаёміцца тут і тут

Культура і спадчына

 

Праграма скіравана на захаванне культурнай і гістарычнай спадчыны Гарадзеншчыны і беларускага памежжа. Здзяйсняецца  ў выглядзе выдавецкіх праектаў (“Песьня пра Зубра”, “Легенды і міфы”: ад Нёмана да Буга”, “Традыцыйная кухня Беласточчыны і Гарадзеншчыны”), міжнародных культурніцкіх праектаў (“У пошуках скрыжаванняў культур” і інш.), іншых праектаў на мясцовым узроўні (Захаванне і папулярызацыя гістарычнай і культурнай спадчыны Гродна, Гарадзеншчыны і Беларусі (праекты “Захаваем “Новы свет”, “Постаці” і інш.). Наш відэаблог “Постаці” атрымаў дыплом на 4-м Фестывалі нефармальнай адукацыі ў Мінску (7-9 снежня 2012 г.).

Яшчэ адной адметнай імпрэзай арганізацыі ў гэтым накірунку з’яўляюцца Гарадзенскія паэтычныя слэмы.

Развіццё транспамежнага супрацоўніцтва паміж грамадскімі арганізацыямі і ініцыятывамі

 

Праграма распачалася ў 2002 г. Найбольш адметнымі яе мерапрыемствамі былі Форум НГА (Гродна, 2002) Еўрарэгіёна “Нёман”, міжнародныя летнікі і Школы “IDEA for Youth”ПоЛіБелКа (2003, 2006, 2010), праект “Зялёныя лёгкія Еўропы” (2008), абмен валантэрамі ў межах праграмы “Моладзь у дзеянні” і г.д. У межах гэтага накірунку мы таксама актыўна працуем у межах Праграмы “Моладзь у дзеянні” (бярэм удзел у міжнародных моладзевых семінарах і летнікаў, прымаем валанцёраў з іншых краін).

 

Умацаванне патэнцыялу грамадскіх ініцыятываў

 

Праграма распачалася ад моманту заснавання арганізацыі (1997).  Складаецца з навучальных візітаў, трэнінгаў, кансультацыі па планаванні дзейнасці, сувязях з грамадскасцю, распрацоўцы праектаў, арганізацыйным развіцці, распрацоўцы навучальных праграм, выкарыстанні новых медыяў і г.д.

У межах гэтага кірунку з нашым удзелам праводзіліся Форумы моладзёвых ініцыятыў Гарадзеншчыны “ІнфоМІГ” (1999, 2002), Фестывалі нефармальнай адукацыі (2006, 2008, 2010, 2012).

Паслугамі экспертаў нашай арганізацыі скарысталіся прадстаўнікі больш як 300 грамадскіх арганізацый і ініцыятыў з Беларусі і іншых краін.

Скарыстайцеся таксама і Вы!

  • Універсітэт Залатога Веку

    Універсітэт Залатога Веку

    Сайт праекта, скіраванага на сацыяльную і інтэлектуальную актывізацыю сталых людзей. Вучыцца ніколі не позна!

    Школа маладога журналіста

    Школа маладога журналіста

    Праект для тых, хто хоча паспрабаваць свае сілы ў журналістыцы. Працуе ў Гродне з 1997 г.! Далучайся!

    Кроніка

    Кроніка грамадзкага жыцця

    Падпішыцеся на рассылку Кронікі грамадзкага жыцця Гарадзеншчыны.

Чытай

Чытаць навiны на hrodna.life
  • Самы незвычайны шлем і яркі касцюм вызначаць на вясновым свяце веласіпедыстаў GrodnoRovarFest
    Веласіпедны сезон афіцыйна адкрыецца ў Гродне 7 мая. «ВелаГродна» запрашае да ўдзелу ў свяце ўсіх веласіпедыстаў горада. Акрамя велапрабегу ў праграме будуць майстар-класы, музычная і конкурсная праграмы. Самыя маленькія гродзенскія раварысты прымуць удзел у Дзіцячым велазаезде. Дасведчаныя кіроўцы экалагічнага транспарту правераць свае сілы ў веласіпедным лабірынце і будуць змагацца ў велаболе. Пасля фінішу адбудзецца конкурс […]
  • 150 словаў пра эСэСэСэР. Пра любоў да савецкага
    Маральны кодэкс будаўніка камунізма п.1. «…любовь к социалистической Родине, к странам социализма».   У савецкай, другой эканоміцы свету тых часоў, не хапала якаснай тканіны. Да таго не хапала дызайнераў, краўцоў, прадаўцоў… А можа гэта ўсё было? Але прыстойнай адзежы было вобмаль. Крута лічылася “натрапіць” на сукенку польскай, паліто чэшскай, боты югаслаўскай вытворчасці. А ўжо буржуйскія […]
  • На БелАЭС у Астраўцы прайшлі антытэрарыстычныя вучэнні
    27 красавіка 2017 года на тэрыторыі будаўнічай пляцоўкі Беларускай АЭС быў праведзены комплекс мерапрыемстваў па рэагаванні на магчымыя пагрозы тэрарыстычнага характару. Былі задзейнічаны падраздзяленні КДБ, МУС, Памежнага камітэту, МНС і іншых дзяржаўных органаў, інфармуе прэс-служба КДБ. Гэта было адно з планавых мерапрыемстваў у сферы бяспекі станцыі. Асноўнай мэтай вучэнняў бола забеспячэнне гатоўнасці сіл і сродкаў дзяржаўных органаў […]
  • Поўныя аўтобусы літоўцаў едуць у Гродна за таблеткамі і алкаголем: чаго шукае ў Гродне большасць бязвізавых “турыстаў”?
    4-5 раз у тыдзень з цэнтра Вільнюса ў бок Беларусі едуць поўныя літоўцаў аўтобусаў. Нягледзячы на ​​тое, што аўтобусы называюцца турыстычнымі, на самай справе немалая частка турыстаў, якія цікавяцца спадчынай ВКЛ, вяртаюцца з поўнымі торбамі беларускіх лекаў, трыкатажу і алкагольных напояў, паведамляе Delfi са спасылкай на LNK. «Лекі і алкаголь там танней, чым у Польшчы», […]
© 2012 Грамадcкае аб'яднанне "Цэнтр інфармацыйнай падтрымкі грамадcкіх ініцыятыў "Трэці сектар"
Каталог TUT.BY DATE.BY | поиск, новости, работа, погода, фото | Беларусь, Минск Rating All.BY