Форум моладзевых ініцыятыў “ІнфаМІГ-2002”

У пэўнай ступені Фэстываль-Форум “ІнфаМІГ-2002”, што праходзіў 15-17 лістапада ў Гародні, – унікальны. Арганізатары здолелі сумясьціць практычна несумешчальнае: на кірмашы маладзёвых грамадзкіх аб’яднаньняў у метры адзін ад аднаго спакойна суіснавалі  піянерская арганізацыя і “Малады фронт”, а на канцэрце сярод “іракезаў” там-сям мільгацелі чынавецкія гальштукі. Сам Фэстываль-Форум атрымаўся адначасова забаўляльным і адукацыйным мерапрыемствам.

Арганізатары Фэстывалю ставілі перад сабой некалькі мэтаў. Да прыкладу, у шырокім коле абмеркаваць стратэгію рэалізацыі маладзёвай палітыкі на Гарадзеншчыне. Аўдыторыя для дыскусіі на гэтую тэму сабралася адпаведная: сябры 33 арганізацый і ініцыятываў, больш як два дзесяткі прадстаўнікоў ворганаў мясцовай улады, госьці з Польшчы і Расеі.

Па дадзеных, агучаных на Форуме, колькасць маладзёжных і дзіцячых грамадскіх аб’яднанняў у Беларусі ўвесь час расьце, але… Рост гэты выкліканы не адпаведным ростам актыўнасьці моладзі, а,хутчэй, тым, што маладзёвыя арганізацыі, як найпрасьцейшыя істоты, памнажаюцца шляхам дзяленьня і пачкаваньня. Таму яшчэ адной мэтай імпрэзы было знаёмства неасацыяванай моладзі з грамадзкімі аб’яднаньнямі і ініцыятывамі Гарадзеншчыны.

У рамках Фестываля-Форума праводзіліся і адукацыйныя мерапрыемствы – круглыя сталы, майстар-клясы і сэмінары. Асабліва прыцягнулі ўвагу ўдзельнікаў такія тэмы, як “Моладзь і культура”, “Моладзь і адукацыя”, “Вырашэньне канфліктаў”. Надзённым было правядзеньне  сэмінара па тэме “Прававое забясьпячэньне дзейнасьці грамадзкіх аб’яднаньняў”.

Па выніках Форума была прынята рэзалюцыя, якая дэкляруе імкненьне грамадзкіх і дзяржструктур аб’яднаць намаганьні ў справе разьвязаньня праблем моладзі. Сярод двух дзесяткаў пунктаў у рэзалюцыі ёсць і шэраг нечаканых. Цяжко было чакаць, да прыкладу, што прадстаўнікі ўладаў стануць публічна дэкляраваць сваё імкненьне дапамагчы зарэгістравацца маладзёвай газэце “Новы век”, якую гарадзенскія чыноўнікі да гэтага часу безпасьпяхова спрабавалі “задушыць”. Акрамя таго ўдзельнікі Форума прапанавалі стварыць ў Гародні маладзёвы цэнтр – Дом моладзі.

Зьміцер Ягораў, часопіс “Трэці сэктар” (№ 27, 2002 г.)

Фэстываль-Форум маладзёвых грамадзкіх аб’яднаньняў і ініцыятываў Гарадзеншчыны “ІнфаМІГ-2002”.

Арганізатары: Грамадзкае аб’яднаньне “Цэнтр “Трэці сектар”, Гародня, грамадзкае аб’яднаньне “Віт”, Гародня, Саюз маладзёвых і дзіцячых грамадзкіх аб’яднаньняў Беларусі “РАДА” пры падтрымцы Праграмы ТАСІС у Беларусі, а таксама адзелу па справах моладзі Упраўленьня адукацыі Гродзенскага аблвыканкама.

Удзельнікі: 49 прадстаўнікоў з 33 арганізацый і ініцыятываў, 6 гасьцей з іншых рэгіёнаў Беларусі, 4 госьця з Расеі і Польшчы, 23 прадстаўнікі ўладаў, 10 журналістаў, а таксама каля 700 маладзёнаў, якія наведалі канцэрт і творчыя прэзэнтацыі арганізацый-удзельніц Фэстувалю-Форума. Удзел у канцэрце бралі 10 гуртоў, СТЭМ, танцавальная група і два выканаўцы аўтарскай песьні.

Інфармацыйная кампанія: 31 матэрыял у газэтах, на радыё і тэлебачаньні, а таксама на вэб-пляцоўках і ў электронных рассылках НГА краіны.

Рэзалюцыя

Фэстывалю-форуму маладзёвых грамадзкіх аб’яднаньняў

і ініцыятываў Гарадзенскай вобласьці “ІнфаМІГ- 2002”

Мы, удзельнікі Фэстывалю-форуму маладзёвых грамадзкіх аб’яднаньняў і ініцыятываў Гарадзенскай вобласьці “ІнфаМІГ-2002”, імкнучыся аб’яднаць намаганьні ўсіх зацікаўленых грамадзкіх і дзяржаўных структур у справе разьвязаньня маладзёвых праблем, прыцягненьня маладых людзей да разьвязаньня сацыяльна значных задач на мясцовым узроўні, лічым неабходнымі нашы сумесныя дзеяньні па наступных накірунках:

“Моладзь і адукацыя”

–         удасканаленьне сыстэмы сацыяльных гарантыяў і ўмоваў для сацыяльнай адаптацыі маладых спэцыялістаў;

–         стварэньне дадатковых умоваў для самаадукацыі маладога чалавека;

–         удасканаленьне сыстэмы падрыхтоўкі і павышэньня кваліфікацыі пэдагагічных кадраў з улікам інфармацыйна-мэтадычных магчымасьцяў грамадзкіх аб’яднаньняў;

–         увядзеньне на адпаведных спэцыяльнасьцях ВНУ спэцыялізацыі “работа з маладзёвымі і дзіцячымі арганізацыямі і ініцыятывамі”;

–         паглыбленьне інфарматызацыі навучальнага працэсу і пазанавучальнага жыцьця ўва ўстановах адукацыі;

–         разьвіцьцё супрацоўніцтва з замежнымі арганізацыямі і ўстановамі ў галіне адукацыі.

“Моладзь і культура”

–         распрацоўка нарматыўнай базы для стварэньня спрыяльных умоваў правядзеньня грамадзкімі арганізацыямі культурна-масавых мерапрыемстваў;

–         распрацоўка праграмы супрацоўніцтва мясцовых грамадзкіх і дзяржаўных структур у галіне культуры;

–         вывучэньне патрэбаў моладзі ў галіне культуры;

–         удасканаленьне якасьці арганізацыі грамадзкімі аб’яднаньнямі культурна-масавых мерапрыемстваў.

“Моладзь і здаровы лад жыцьця”

–         правядзеньне культурна-спартыўных мерапрыемстваў, накіраваных на ўкараненьне нормаў здаровага ладу жыцьця ў маладзёвым асяродзьдзі;

–         распрацоўка і распаўсюджваньне інфармацыйна-рэклямных матэрыялаў у галіне здаровага ладу жыцьця;

–         правядзеньне адукацыйных праграм у галіне здаровага ладу жыцьця па мэтаду “Роўны навучае роўнага”;

–         правядзеньне мультыплікатыўных праграм у галіне здаровага ладу жыцьця для настаўнікаў;

–         правядзеньне праграмы “Здаровы турызм”.

“Моладзь і інфармацыя”

–         стварэньне ў Гародні Маладзёвага цэнтру (Дому моладзі) як (у тым ліку і) інфармацыйнага цэнтра для моладзі;

–         стварэньне стэндаў маладзёвых выданьняў (газэт, бюлетэняў і інш.) у бібліятэках вобласьці;

–         стварэньне інтэрнэт-рэсурсаў для моладзі (сайты дзяржструктур па працы з моладзьдзю, маладзёвых і дзіцячых арганізацый, іншых адпаведных установаў);

–         стварэньне рубрыкі пра маладзёвыя і дзіцячыя арганізацыі вобласьці ў маладзёвым дадатку да газэты “Гродзенская праўда” (“Ступені”);

–         прыняцьце захадаў па рэгістрацыі маладзёвай газэты “Новый век”.

Для забесьпячэньня эфэктыўнага ўзаемадзеяньня грамадзкіх і дзяржаўных структур мы лічым мэтазгодным стварэньне пры Гарадзенскім аблвыканкаме і ўсіх гар-/ райвыканкамах вобласьці каардынацыйных саветаў па справах моладзі з удзелам прадстаўнікоў усіх маладзёвых і дзіцячых грамадзкіх аб’яднаньняў, што дзейнічаюць у адпаведных адміністрацыйна-тэрытарыяльных адзінках.

Мы ўпэўненыя, што канструктыўныя сумесныя дзеяньні грамадзкіх і дзяржаўных структур па ўзгаданых вышэй накірунках прынясуць добры плён для нашай гарадзенскай моладзі, для ўсяго нашага грамадзтва, нашай Радзімы.

Пра Фестываль моладзевых ініцыятыў Гарадзеншчыны “ІнфаМІГ-1999” чытайце тут

  • Універсітэт Залатога Веку

    Універсітэт Залатога Веку

    Сайт праекта, скіраванага на сацыяльную і інтэлектуальную актывізацыю сталых людзей. Вучыцца ніколі не позна!

    Школа маладога журналіста

    Школа маладога журналіста

    Праект для тых, хто хоча паспрабаваць свае сілы ў журналістыцы. Працуе ў Гродне з 1997 г.! Далучайся!

Чытай

Чытаць навiны на hrodna.life
  • Сяргей Саладоўнікаў вяртаецца ў “Нёман”
    Пресс-служба гродненского клуба сообщила о возвращение в Гродно Сергея Солодовникова.  С 21 января специалист назначен директором СДЮШОР “Неман”, он в прошлом сезоне возглавлял перволиговую “Лиду”. Сергей Витальевич в отдельном представлении не нуждается. Достаточно сказать, что в качестве игрока Солодовников сыграл за наш клуб 396 официальных игр, а в качестве главного тренера провёл 355 матчей. Возглавлявший СДЮШОР с […]
  • #10yearchallenge: што і як змянілася ў Беларусі за 10 год, а што засталося без змен
    У сеціве набірае папулярнасць #10yearchallenge: людзі выкладваюць свае сучасныя здымкі і здымкі 10-гадовай даўніны. Hrodna.life параўнаў, як змянілася за гэты перыяд Беларусь. Заробкі Сярэдні заробак па краіне ў 2009 годзе складаў 357$. Дакладна сказаць, якой будзе сярэдня зарплата у 2019 годзе, пакуль немагчыма. Паводле дадзеных за 2018 год – 465$. Згодна з абяцанкамі кіраўніцтва краіны, сёлета заробкі будуць прыкладна на […]
  • Пад Гродна машына пераехала мужчыну, які ляжаў на дарозе
    20 студзеня, а палове на сёмую вечара, у вёсцы Табала кіроўца Renault наехаў на  соракапятилетнего мужчыну, які ляжаў на праезнай частцы. Ад атрыманых траўмаў ён памёр на месцы, паведамляе ДАІ Гродзенскай вобласці. На дадзены момант складана сцвярджаць, ці быў пешаход у стане алкагольнага ап’янення. Мужчына быў апрануты ў цёмную вопратку, на якой меліся святлаадбівальныя элементы. Следчыя яшчэ […]
  • Стала вядома, калі адкрыюць М6 у Гродзенскай вобласці
    На М6 гэтай вясной увядуць яшчэ 120-кіламетровы ўчастак з рухам па чатырох палосах. Ужо цяпер на выпадак недахопу тэхнікі падчас моцных снегападаў і завей РУП «Гродноавтодор» заключыла дамовы з дарожна-будаўнічым трэстам №6 г. Гродна, прадпрыемствамі меліярацыйных сістэм аб дапамозе тэхнікай. Яе рэзерв складае 51 адзінку, піша grodnonews.by. У ходзе абнаўлення аўтамагістралі рэканструявалі дзве вытворча-тэхналагічныя пляцоўкі. […]
© 2012 Грамадcкае аб'яднанне "Цэнтр інфармацыйнай падтрымкі грамадcкіх ініцыятыў "Трэці сектар"
Каталог TUT.BY