Новая праграма Еўрасаюза Erasmus+

Змяніць памер шрыфта Болей Меней Скінуць
Новая праграма Еўрасаюза Erasmus+

Аб праграме Erasmus+

Erasmus+ (Эразмус Плюс) – гэта новая праграма Еўрасаюза па пытаннях адукацыі, прафесійнай падрыхтоўкі, моладзі і спорту. Яна разлічана на 2014-2020 гады. Мэты праграмы – развіццё навыкаў і павышэнне працаздольнасці, а таксама мадэрнізацыя адукацыі, прафесійнай падрыхтоўкі і моладзевай працы. Бюджэт праграмы на 7 год складае  14.7 мільярдаў еўра.

Праграма Erasmus+ прыйшла на замену некалькім ранейшым праграмам Еўрасаюза (“Навучанне праз усё жыццё” – у прыватнасці, Erasmus, Leonardo da Vinci, Comenius i Grundtvig; Jan Monnet; “Моладзь у дзеянні”; Erasmus Mundus, Tempus і некаторыя іншыя).

Прыярытэты

Акцэнт у новай праграме зроблены на сістэму фармальнай і нефармальнай адукацыі, якая дапаможа развіць навыкі студэнтаў, выкладчыкаў і супрацоўнікаў і палепшыць іх становішча на рынку працы.

На практыцы, праграма Erasmus + прапаноўвае міжнародную мабільнасць: адукацыйныя выезды (напрыклад, навучальныя абмены, стажыроўкі, або валанцёрства) для навучэнцаў, студэнтаў, педагагічных кадраў і моладзевых работнікаў, а таксама падтрымлівае стварэнне партнёрскіх адносін паміж універсітэтамі, каледжамі і школамі, прадпрыемствамі і некамерцыйнымі арганізацыямі з мэтай умацавання інавацый і засваення новых ведаў.

Структура

Праграма Erasmus+ складаецца з трох вялікіх блокаў:

  • Акцыя 1: адукацыйная мабільнасць,
  • Акцыя 2: супрацоўніцтва з мэтай інавацый і абмену добрымі практыкамі,
  • Акцыя 3: увядзенне рэформ у галіне адукацыі.

А таксама дзве спецыяльныя акцыі: Jean Monnet i Sport.

Удзельнікі праграмы

У праграме Erasmus+ могуць удзельнічаць наступныя краіны:

  • 28 краін-членаў Еўрасаюза,
  • краіны-ўдзельніцы EFTA (Еўрапейскай Асацыяцыі Вольнага Гандлю): Ісландыя, Ліхтэнштэйн, Нарвегія,
  • краіны-кандыдаты на членства ў ЕС: Турцыя, Македонія.

Некаторыя з акцый праграмы (моладзевыя абмены, Еўрапейская валантэрская служба, некаторыя іншыя) даступныя таксама для арганізацый з партнэрскіх краін (у тым ліку Беларусі). У такіх праектах хаця б адзін з партнёраў павінен быць прадстаўніком праграмнай краіны, каб падаць заяўку ў сваю Нацыянальную агенцыю.

Больш інфармацыі пра магчымасці можна знайсці ў правадніку па праграме.

EU flag-Erasmus+_vect_POS

ГА “Цэнтр “Трэці Сектар” у праграмах “Моладзь у дзеянні” і Erasmus+

З 2009 па 2014 арганізацыя з’яўлялася актыўным удзельнікам праграмы Еўрапейскай Камісіі “Моладзь у дзеянні”.

Прадстаўнікі арганізацыі прымалі ўдзел у моладзевых абменах, трэнінгах, стажыроўках.

Арганізацыя прымала (14 валанцёраў з Польшчы і Аўстрыі) і дасылала валанцёраў Еўрапейскай валанцёрскай службы EVS.

З 2014 года арганізацыя бярэ ўдзел у праграме Erasmus +.

У рамках праграмы беларуская моладзь можа паўдзельнічаць у наступных падзеях:

  • Моладзевыя абмены ў Беларусі і за мяжой (сачыце за абвесткамі на сайце і старонках сацсеткак арганізацыі);
  • Міжнародныя трэнінгі, адукацыйныя візіты, стажыроўкі (сачыце за нашымі абвесткамі, а таксама шукайце праекты на сайце Salto-Youth і звязвайцеся з намі);
  • Еўрапейская валанцёрская служба (cачыце за абвесткамі, або самі шукайце праект у базе дадзеных  і звязвайцеся з намі).

Наш профіль у базе дадзеных EVS праектаў.

Партнёры па праектах “Моладзь у дзеянні” і “Erasmus+”:  Centrum Współpracy Młodzieży (Гдыня, Польшча), InfoEck-Jugendinfo Tirol (Інсбрук, Аўстрыя), NaturKultur (Брэмен, Нямеччына), Family Planning Association of Moldova|FPAM (Кішынёў, Малдова), Leppe-ganespalteforeningen i Norge (Альта, Нарвегія),  Association “Georgian Youth For Europe” (Руставі, Грузія),  Youth Aid Center Association (Любляна, Славенія), Youth Association DRONI (Тбілісі, Грузія), Academy for Peace and Development (Тбілісі, Грузія), Таварыства “АНАВОЙ” (Міхалова, Польшча)

 

Ёсць пытанні? Пішыце на 3sektaryia@gmail.com 

 

25 Лістапада 2014 | Няма каментароў |

Дадаць каментар

  • Універсітэт Залатога Веку

    Універсітэт Залатога Веку

    Сайт праекта, скіраванага на сацыяльную і інтэлектуальную актывізацыю сталых людзей. Вучыцца ніколі не позна!

    Школа маладога журналіста

    Школа маладога журналіста

    Праект для тых, хто хоча паспрабаваць свае сілы ў журналістыцы. Працуе ў Гродне з 1997 г.! Далучайся!

    Кроніка

    Кроніка грамадзкага жыцця

    Падпішыцеся на рассылку Кронікі грамадзкага жыцця Гарадзеншчыны.

Чытай

Чытаць навiны на hrodna.life
  • 150 словаў пра эСэСэСэР. Як выбіралі малако ў краме
    Малако звычайна прадавалі ў шкляных бутэльках з шырокай гарлавінай і покрыўкамі з фальгі з адціснутай на ёй датай. На малаку заўсёды былі срэбныя покрыўкі, на кефіры – сінія ці зялёныя, вяршкі, якія з’яўляліся час ад часу, былі з паласатымі покрыўкамі. Покрыўкі часта зляталі з бутэлек. І звычайна малако выбіралі намацваючы ці добра трымаецца покрыўка. А […]
  • Студэнты ГрДУ глядзяць пасланне прэзідэнта стоячы
    У ГрДУ імя Янкі Купалы прайшла трансляцыя штогадовага паслання Лукашэнкі да народу і парламента. Супрацоўнікаў, выкладчыкаў і студэнтаў сабралі глядзець прамову ў холе галоўнага корпуса ўніверсітэта, піша grsu.by. Студэнты глядзелі выступ прэзідэнта стоячы. The post Студэнты ГрДУ глядзяць пасланне прэзідэнта стоячы appeared first on Hrodna.life.
  • «Адкрыты Кубак Гродна — 2017» па спартовым арыентаванні праходзіць у горадзе і ваколіцах нягледзячы на кепскае надвор’е
    У Гродне і яго ваколіцах з 20 па 25 красавіка праходзіць «Адкрыты Кубак Гродна — 2017» па спартовым арыентаванні. У спаборніцтвах прымае ўдзел больш за 500 чалавек не толькі з Беларусі, але і з розных краін Еўропы, а нават з Кітая. У гэтым годзе спаборніцтвы па арыентаванні юбілейныя і праходзяць у 40-ы раз. Узрост удзельнікаў ад […]
  • Гродзенка Вікторыя Кушнір у складзе зборнай Беларусі стала срэбраным прызёрам чэмпіянату свету па эстафетах
    У горадзе Насаў на Багамскіх астравах у нядзелю 23 красавіка зборная Беларусі, у складзе якой была і бягунка з Гродна Вікторыя Кушнір, фінішавала другой у эстафетным забегу 4х800 метраў на чэмпіянаце свету па эстафетах. Перамогу ж атрымалі спартсменкі з ЗША, бронза дасталася Аўстраліі. Дар’я Барысевіч, Ілона Усовіч, Марына Арзамасава і гродзенка Вікторыя Кушнір, прынеслі Беларусі […]
© 2012 Грамадcкае аб'яднанне "Цэнтр інфармацыйнай падтрымкі грамадcкіх ініцыятыў "Трэці сектар"
Каталог TUT.BY DATE.BY | поиск, новости, работа, погода, фото | Беларусь, Минск Rating All.BY