Гарадзенскае грамадскае аб’яднанне аховы жывел «Адданае сэрца»

Добры дзень! Мы – Гарадзенскае грамадскае аб’яднанне абароны жывёл “Адданае сэрца”. Магчыма, некаторыя з вас ужо чулі пра нас ці нават дапамагалі нам у нашай дзейнасці. Афіцыйна наша арганізацыя паўстала ў красавіку 2011 г., хоць зааахоўны рух у Гродна ўзнік значна раней. Проста не адразу атрымалася структураваць ідэю ў пэўную форму і арганізаваць усіх ахвотнікаў.

Ідэйным натхніцелем стала актыўная зааахоўніца Эла Лассончык. Неўзабаве да яе далучыліся іншыя людзі, якія ўжо не адзін год дапамагалі бадзялым жывёлам у сваім раёне і захацелі аб’яднаць высілкі і вырашаць праблему разам. З часам да арганізацыі далучалася ўсё больш людзей, такіх жа энтузіястаў з добрым сэрцам, неабыякавых да праблемы бадзялых жывёл.

Сярэдні ўзрост арганізатараў – 26 год, усе людзі маюць вышэйшую адукацыю.

Нажаль, пакуль у Гродна, як і ў большасці іншых беларускіх гарадоў, няма прытулку для жывёл. І дамагчыся яго стварэння вельмі і вельмі нялёгка, хоць мы ўжо вядзём працу ў гэтым кірунку. Таму пакуль валанцёры трымаюць падабраных імі жывёл у сваёй хаце. Выходжваюць, лечаць, стэрылізуюць (каб прадухіліць далейшы рост колькасці бадзялых жывёл) і шукаюць адказных гаспадароў. Вяртаюць пакрыўджаным сабакам і коткам веру ў чалавечую дабрыню.

Варта асобна распавесці і пра тое, як мы знаходзім жывёлам новых гаспадароў. Галоўным чынам гэта адбываецца праз Інтэрнэт. Напрыклад, у нас ёсць галінка на Гарадзенскім форуме, дзе мы абмяркоўваем бягучыя справы, публікуем фатаграфіі нашых падапечных. Праўда, гэта больш для ўнутранага карыстання. Для патэнцыйных гаспадароў існуе асобная тэма, таксама на Гарадзенскім форуме. Вядома ж, падаём аб’явы і на рэкламныя сайты. А нядаўна мы вырашылі публікавацца і на гарадзенскіх блогах (http://fotogrodno.net/, http://s13.ru/). Зараз рыхтуем матэрыялы, пішам артыкулы, так што вельмі хутка (хутчэй за ўсё, ужо ў гэтым месяцы) нас і нашых жывёл можна будзе ўбачыць і там.

Важная частка нашай дзейнасці – стэрылізацыя бадзялых жывёл. Усе ўдзельнікі нашай арганізацыі добра разумеюць, што забойствам бадзялых жывёлаў немагчыма рэгуляваць іх колькасць і санітарна-эпідэмічную сітуацыю ў горадзе, таму адной з галоўных нашай мэтай з`яўляецца стэрылізацыя як мага большай колькасці жывёлаў.

Мы глыбока перакананы, што гэта адзіна магчымы гуманны спосаб рэгуляцыі іх колькасці. Менавіта такім чынам праблема была вырашана ў развітых заходніх краінах. У нас жа пакуль, як ні сумна, цэнтралізавана ўжываюцца толькі жорсткія метады:

жывёл адлоўліваюць і забіваюць, але колькасць іх з года ў год толькі расце. Нажаль, далёка не ва ўсіх яшчэ ёсць глыбокае ўсведамленне таго, што здрадамі і забойствамі праблему не вырашыць ніколі. Таму наша галоўная мэта – паляпшэнне стаўлення людзей да жывёл, усведамленне чалавекам сваёй адказнасці за братоў нашых меншых, пераадоленне абыякавасці і жорсткасці.

Перыядычна мы арганізоўваем тэматычныя мерапрыемствы. Найбліжэйшае адбудзецца 20 жніўня – акцыя, прымеркаваная да Міжнароднага дня абароны бадзялых жывёл. Мы запрашаем і вас прыняць удзел у гэтум мерапрыемстве, калі вы салідарныя з нашай дзейнасцю і, магчыма, жадалі б далучыцца і неяк дапамагчы (ці хоць бы даведацца пра нас больш, пазнаёміцца асабіста). Акцыя будзе праходзіць на пляцоўцы для выгулу сабак на вуліцы Болдзіна (недалёка ад лазні) з 12 гадзін дня да вечара. Падрабязнае апісанне праграмы з’явіцца праз некалькі дзён на Гарадзенскім форуме, на блогах і ў газетах.

У “Адданае сэрца” памкнуліся людзі з самымі рознымі заняткамі, інтарэсамі, талентамі. Напрыклад, у нас ёсць выдатная дзяўчына Аксана – майстар на ўсе рукі – яна сама робіць асноўную тэхнічную працу ў арганізацыі, майструе вальеры, чыніць, калі штосьці зламалася. Ёсць у нас і дызайнер Юля, якая распрацоўвае плакаты і ўлёткі. Вядома ж, валанцёры, якія ахвяруюць свой час дзеля добрай справы, а таксама людзі, якія даюць часовы прытулак кінутым жывёлам і выкормліваюць знойдзеных нованароджаных шчанюкоў, якіх хтосьці жорстка адняў у маці. Тыя ж, каму не дазваляе жылплошча ўзяць на ператрымку жывёлу, дапамагаюць матэрыяльна, купляюць ежу жывёлам.

І, вядома ж, мы хочам сказаць проста велізарнае дзякуй тым людзям і арганізацыям, якія па меры сіл нам дапамагаюць самымі рознымі спосабамі: перадаюць лекі і сілкаванне, выратоўваюць транспартам, даюць грошы на ўтрыманне жывёл. Цешыць тое, што людзі адгукаюцца. Так, не ўсё, вядома ж, становяцца валанцёрамі: у кагосьці няма такой магчымасці, а камусьці проста бракуе жадання.

Але, калі ў адказны момант яны не застаюцца абыякавымі і працягваюць руку дапамогі, яны, усведамляючы гэта ці не, робяць вялікую справу. Без іх дапамогі нічога б не атрымалася.

Было б няправільна і несумленна сказаць, што “Адданае сэрца” ў сілах самастойна вырашыць набалелую для грамадства праблему бадзялых жывёл. Рэсурсы нашай невялікай арганізацыі не дазваляюць гэтага зрабіць. За некалькі месяцаў нашага існавання мы выратавалі некалькі дзясяткаў жывёл, але гэта кропля ў моры. Мы імкнемся, але патрэбныя і высілкі кожнага неабыякавага чалавека.

Таму мы жадаем вам сказаць: калі вы адчуваеце ў сабе жаданне дапамагаць, калі ў вас б’ецца добрае, неабыякавае сэрца, ні ў якім разе не дазвольце мітусні і праблемам заглушыць яго голас.

P.S: Хацелася б пакінуць нашыя кантакты і даць некалькі асноўных спасылак:

http://www.predannoeserdce.net – толькі нядаўна створаны сайт і пакуль яшчэ не запоўнены; цяпер вядуцца бурныя дэбаты наконт таго, якім яму быць. Вы можаце далучыцца да гэтага абмеркавання!

http://vkontakte.ru/club7810024 Гэтая суполка ў межах Кантакта была створаная летам 2009 года. Асноўнай мэтай, як тады так і зараз, з’яўляецца пошук гаспадара бяздомным жывёлам. У межах суполкі існуюць альбомы з фотаздымкамі жывел, якім патрэбен гаспадар, шчаслівыя гісторыіі, зніклі/знойдзены, фотаздымкі з мерапрыемстваў ды папросту любімых пітомцаў удзельнікаў. Таксама дзейнічае сцяна з аб’явамі ды тэмы-разважанні, якія цікавяць удзельнікаў.

http://forum.grodno.net/index.php?board=161.0 – наша ветка “Дапамога бадзялым жывёлам”

http://forum.grodno.net/index.php?topic=632972.0 – тэма “Патрэбы падабраных бадзялых жывёл”

http://forum.grodno.net/index.php?topic=721143.0 – каталог нашых жывёл

ГГААЖ “Адданае сэрца”

Старшыня: Шчыманіца Елена Вітальеўна 6856759 (MTC)

Намеснік старшыні: Высоцкая Алеся Сяргееўна 9104718 (Velcom)

І ваш пакорлівы слуга валанцёр Долбік Дзіна 8822174 (MTC)

Дадаць каментар

  • Універсітэт Залатога Веку

    Універсітэт Залатога Веку

    Сайт праекта, скіраванага на сацыяльную і інтэлектуальную актывізацыю сталых людзей. Вучыцца ніколі не позна!

    Школа маладога журналіста

    Школа маладога журналіста

    Праект для тых, хто хоча паспрабаваць свае сілы ў журналістыцы. Працуе ў Гродне з 1997 г.! Далучайся!

Чытай

Чытаць навiны на hrodna.life
  • Міністр эканомікі патлумачыў, чаму дакументы аб інтэграцыі не публікуюць, а Мінфін пачаў працу над адзіным Падаткавым кодэксам
    Дэпутатка Палаты прадстаўнікоў Алена Анісім апублікавала адказ міністра эканомікі Беларусі Дзмітрыя Крутога наконт праграмы інтэграцыі, узгодненай прэм’ерамі Расіі і Беларусі. Ён патлумачыў, чаму дакумент не можа быць апублікаваны. Тым часам Мінфін ужо пачаў працу над адзіным з Расіяй Падатковым кодэксам, а ў сеціве стварылі грамадскую кампанію супраць паглыблення інтэграцыі. Алена Анісім пісала прэм’ер-міністру Беларусі Сяргею Румасу, што […]
  • Гродзенскіх закаханых падлеткаў, якія зноў уцяклі з дома, знайшлі
    Закаханыя падлеткі – уцекачы, якіх тыдзень таму абвесцілі ў вышук, знайшліся. Яны ўцякаюць з дома ўжо другі раз. Мінулы раз, у жніўні, 15-гадовая гарадзенка Дыяна Кавалёва і 17-гадовы Яўген Рукша прыйшлі самі, пасля таго, як больш за тыдзень хаваліся ў лесе. У інтэрв’ю яны распавялі, што збіраліся хавацца да таго часу, пакуль дзяўчынцы ня споўніцца 18. Тады яны […]
  • Маці, якая біла сваё немаўля, далі сем гадоў калоніі
    Гродзенку, якая збівала маленькага сына, асудзілі на 7 гадоў калоніі агульнага рэжыму. Прысуд вынес суд Кастрычніцкага раёну Гродна 16 верасня. Ён яшчэ не набыў законнай моцы, піша svaboda.org. Як расказалі ў судзе Кастрычніцкага раёну Гродна, 20-гадовая жанчына нарадзіла сына сёлета ў лютым. Калі дзіцяці было 2-3 месяцы, маці сістэматычна яго біла. Суд прызнаў жанчыну вінаватай […]
  • Амаль тысячу пачкаў беларускіх цыгарэт адправілі ў Вялікабрытанію поштай
    Амаль 1000 пачкаў цыгарэт з беларускімі акцызамі адправілі пад выглядам цацак з Беластока ў Вялікабрытанію. Польшча не заўсёды з’яўляецца канчатковай кропкай нелегальна перапраўленай з Беларусі кантрабанды цыгарэт. Чым далей ад Беларусі на Захад, тым цыгарэты ў цане робяцца даражэй, піша euroby.info. У час адной з праверак, праведзеных у першай палове верасня на пошце ў польскім […]
© 2012 Грамадcкае аб'яднанне "Цэнтр інфармацыйнай падтрымкі грамадcкіх ініцыятыў "Трэці сектар"
Каталог TUT.BY