5 разнастайных магчымасцяў EVS-валанцёрства ў Гдыні (Польшча)

Змяніць памер шрыфта Болей Меней Скінуць
5 разнастайных магчымасцяў EVS-валанцёрства ў Гдыні (Польшча)

Хочаш працаваць з дзецьмі? З сеньёрамі? З мясцовай супольнасцю рознага ўзросту? А, можа, дапамагаць у бібліятэцы і арганізоўваць розныя мерапрыемствы? Табе цікава ідэя валанцёрства, ёсць жаданне атрымаць карысны досвед і веды? Знаёмся з прапановамі EVS-валанцёрства на балтыйскім узбярэжжы, у Гдыні (Польшча) – можа, знойдзеш нешта для сябе!

Праект у дзіцячым садку

Пачатак праекта: 1 верасня 2018 (адно месца), 1 кастрычніка 2018 (другое месца) ( праект 12 месяцаў)

Валанцёр_ка будзе працаваць у дзіцячым садку ў Гдыні. Установа мае доўгую гісторыю і багатыя традыцыі. Іх галоўнай мэтай з’яўляецца дапамога здаровым і хворым дзецям у працэсе развіцця ўласных адносін са светам, развіццё іх самабытнасці і высокай самаацэнкі, а таксама падрыхтоўка да пачатковай школы.

Валанцёр_ка EVS мае магчымасць свабоднага і паступовага паглыблення ў працу арганізацыі. Прыклады задач для валанцёр_ак:
– актыўны ўдзел у працы арганізацыі на працягу ўсяго працоўнага дня,
– падтрымка дзяцей-інвалідаў у групе
– арганізацыя забаваў з дзецьмі
– догляд за дзецьмі і іх паводзінамі
– арганізацыя розных тэматычных мерапрыемстваў пад кіраўніцтвам настаўнікаў,
– прэзентацыя ўласных хобі ці ўласнай краіны і культуры,
– дапамога і арганізацыя івэнтаў
– арганізацыя забаваў, паказаў, спектакляў, выставаў, навучанне вершам, рэлаксацыйным тэхнікам, роднай мове валанцёра.

Праект “Бібліятэка з захапленнем”

Пачатак праекта: 1 верасня 2018 (12 месяцаў)

Бібліятэка займаецца арганізацыяй рознага тыпу івэнтаў: выставак, летніх біблятэк на пляжы, музычных канцэртаў, спектакляў, лекцый, спатканняў з аўтарамі і чытанняў, мастацкіх заняткаў і шмат іншага.

Валанцёрства ў арганізацыі дае магчымаць атрымання досведу ў арганізацыі культурных мерапрыемстваў, нефармальнай адукацыі і паглыблення ў тэму – як гэта – працаваць у бібляіэцы.

Бібліятэка складаецца з 23 філіялаў, якія размешчаны па ўсёй Гдыні, але валанцёр_ка будзе працаваць у асноўным у адным з іх. Валанцёр_ка будзе працаваць з людьмі рознага ўзросту і нацыянальнасці. Будзе падтрымліваць працаўнікоў бібліятэцы ў іх штодённай працы, напрыклад:
– Вядзенне моўных курсаў (ангельская, па магчымасці і родная мова валанцёр_кі)
– Прэзентацыя пра краіну валанцёр_кі
– Падрыхтоўка і дапамога ў арганізацыі летняй “Біблятэкі на пляжы”
– Фота і / або відэа для бібліятэкі
– Уласныя аўтарскія праекты валанцёр_кі
– Узаемадзеянне з мясцовай моладдзю – наведвальнікамі бібліятэкі

Асацыяцыя для дзяцей і моладі “Вітава”

Пачатак праекта: 1 верасня 2018 (12 месяцаў)

Асацыяцыя займаецца працай з дзецьмі (8-13 гадоў) з “праблемных” сем’яў. Да ўдзелу ў праекце запрашаюцца валанцёр_кі з мэтай даваць дзецям магчымасць сустрэцца з прадстаўні_цамі іншых краінаў і тых, хто размаўляе на замежнай мове. Дзякуючы штодзённай супрацы з прафесійнымі псіхолагамі і педагогамі, у валанцёраў будзе магчымасць
вучыцца ў іх і атрымліваць досвед. Яны атрымаюць досвед арганізацыі майстар-класаў і падзей для дзяцей і моладзі. Галоўнай задачай валанцёраў будзе дапамога ў працы персанала і падтрымка дзяцей у штодзённых занятках Асацыяцыі.

Валанцёр_ка павінен / павінна быць зацікаўленым_ай у працы з дзецьмі, павінен/на быць адкрытым/ай, дзяліцца сваёй культурай. У яго/яе павінна быць жаданне развіваць навыкі і ўменні. Павінен/на мець нейкае хобі /зацікаўленне, якім можа дзяліцца з дзецьмі падчас спецыяльна зарганізаваных варкшопаў.

Асацыяцыя св. Мікалая ў Гдыні

Пачатак праекта: 1 верасня (12 месяцаў)

Асноўнай мэтай Асацыяцыі святога Мікалая з’яўляецца падтрымка развіцця чалавечага патэнцыялу ў адпаведнасці з Евангеллем і правіламі каталіцкага сацыяльнага вучэння, у асноўным яна дапамаге дзецям, моладзі, сталым людзям і сем’ям у складанай жыццёвай сітуацыі. Рэгулярныя мерапрыемствы арганізацыі ўключаюць у сябе супольны сацыяльна-тэрапеўтычны пакой, моладзевы клуб і клуб сталых людзей. Акрамя таго, арганізацыя праводзіць розныя імпрэзы для актывізацыі мясцовай супольнасці, фестывалі і сямейныя мерапрыемствы.

Кандыдат_ка павінен/на быць адкрытым_ай, цярелівым_ай, накіраваным_ай на дасягненне мэтаў і адносіцца з пашанай да каталіцкіх каштоўнасцяў.

Дом сацыяльнай дапамогі ў Гдыні

Пачатак праекта: 1 кастрычніка 2018 (12 месяцаў)

Задачай Дому сацыяльнай дапамогі ў Гдыні з’яўляецца догляд за яго жыхарамі на працягу ўсяго дня  і задавальненне іх базавых патрэбаў – жыццёвых і лячэбных, а таксама забеспячэнне падтрымкі ў адпаведнасці з дзеючымі стандартамі, дапамога  жыхарам у правільным карыстанні паслугамі аховы здароўя.

Задачы валанцёраў могуць змяняцца залежна ад бягучых патрэбаў:
– выкарыстанне розных відаў тэрапіі: арт-тэрапія, музыкатэрапія, бібліятэрапія і г.д. У гэтай галіне валанцёр можа падтрымліваць розныя мерапрыемствы і тэматычныя групы, арганізуючы, напрыклад, майстэрні, чытанне кніг або танцавальныя класы;
– магчыма рэабілітацыйная падтрымка жыхароў дома;
– таксама, магчыма, арганізацыя можа прапанаваць працу на кухні ці ў агародзе, догляд за кветкамі і дрэвамі.

Заяўка на праекты

Каб паўдзельнічаць у адборы, неабходна даслаць заяўку (рэзюмэ і кароткую матывацыю) па-ангельску або па-польску і даслаць яе да 24 траўня на электронную пошту 3sektaryia@gmail.com з пазначэннем, на які з 5-ці праектаў хочаце паехаць (магчыма пазначыць больш за адзін праект).

Таксама, у выпадку дадатковых пытанняў, звяртайцеся па нумары +375292557914 (Вольга)

Фінансавыя ўмовы

Усе выдаткі на праект, улічваючы транспарт, візавую падтрымку, пражыванне і харчаванне, аплочваюцца арганізатарамі.

Праект рэалізуюцца ў межах адной з акцый праграмы Еўразвяза “Эразмус плюс” – Еўрапейская валанцёрская служба (EVS).

Дадаць каментар

  • Універсітэт Залатога Веку

    Універсітэт Залатога Веку

    Сайт праекта, скіраванага на сацыяльную і інтэлектуальную актывізацыю сталых людзей. Вучыцца ніколі не позна!

    Школа маладога журналіста

    Школа маладога журналіста

    Праект для тых, хто хоча паспрабаваць свае сілы ў журналістыцы. Працуе ў Гродне з 1997 г.! Далучайся!

Чытай

Чытаць навiны на hrodna.life
  • «Які каранавірус? У нас рамонт не скончылі!» Жыхары Гагарына выйшлі на вуліцу з прэтэнзіямі
    Не ўклаліся ў тэрміны, перабоі з гарачай вадой і брудныя пад’езды. З такімі прэтэнзіямі 30 сакавіка выйшлі ў свой двор жыхары вуліцы Гагарына. Яны выказалі незадаволенасць будаўнічым і гарадскім службам, якія робяць капрамонт іх дамоў. Дамы №25 і №27 паставілі на капітальны рамонт у 2019 годзе. Скончыць яго павінны былі ў пачатку 2020 года, але […]
  • У Гродне кіроўцы перастануць прадаваць талоны ў транспарце
    Кіроўцы грамадскага транспарту не будуць прадаваць талоны часова. Цяпер іх можна купіць толькі на прыпынках. Гэта водзіцца ў адпаведнасці з Планам мерапрыемстваў па зніжэнні распаўсюджвання ВРВІ і каранавірусу (CAVID-19), паведамляе ap1.by. Минздрав подтвердил вторую смерть от коронавируса. На лечении – 157 человек The post У Гродне кіроўцы перастануць прадаваць талоны ў транспарце appeared first on […]
  • Прапанову фанатаў “Нёмана” прыпыніць сезон падтрымаў галоўны трэнер
    Галоўны трэнер “Нёмана” Ігар Кавалевіч падтрымаў фанатаў клуба, якія 31 сакавіка заявілі, што не будуць наведваць матчы каманды. Ён таксама раскрытыкаваў кіраўніцтва АБФФ, якая, на яго думку, павінна спыніць выкарыстоўваць падвойныя стандарты. Чытайце таксама: Фанаты футбольного “Немана” перестают посещать матчи и призывают остановить чемпионат – Вядома, падтрымліваю фанатаў. Мы, па-першае, гуляем для гледачоў. І акрамя […]
  • «Самаізаляцыя – гэта калі ёсць на што жыць». Як пачуваецца дробны бізнес ва ўмовах крызісу?
    Вялікая частка малога і сярэдняга бізнесу ў Горадні прывязаная да пакупніцкай здольнасці як замежных турыстаў, гэтак і мясцовых жыхароў. А як зараз, з улікам эканамічнага фактару ды самаізаляцыі? Карэспандэнты Belsat.eu прайшліся па горадзе ды пагутарылі з прадстаўнікамі прыватных фірмаў. Найперш завіталі ў вялікі офісны будынак на Будзёнага 48, побач з консульствам Польшчы. Тут традыцыйна месціліся фірмы, якія […]
© 2012 Грамадcкае аб'яднанне "Цэнтр інфармацыйнай падтрымкі грамадcкіх ініцыятыў "Трэці сектар"
Каталог TUT.BY