Адбыўся чарговы выпуск студэнтаў “Школы сучаснай журналістыкі”

Змяніць памер шрыфта Болей Меней Скінуць
Адбыўся чарговы выпуск студэнтаў “Школы сучаснай журналістыкі”

Выпускная сустрэча ўдзельнікаў курса “Школа сучаснай журналістыкі” адбылася ў пачатку траўня ў Гродне. Выпускнікі Школы атрымалі пасведчанні аб яе паспяховым сканчэнні, а таксама падзяліліся сваімі ўражаннямі ад навучання.


Падчас заняткаў у Школе слухачы курса даведаліся як выбраць тэму, навесці «фокус» і выбраць фармат, пазнаёміліся з анлайн журналістыкай і мультымедыйным кантэнтам, даведаліся як “спакаваць” кантэнт для розных платформаў, як прыдумаць загаловак і як “прадаць” свой матэрыял у сацыяльных сетках, вывучалі лонгрыды і пазнаёміліся з этычнымі аспектамі працы журналіста.

Навучанне на курсе «Школа сучаснай журналістыкі» – гэта не толькі тэарэтычныя заняткі, але і практыка. Слухачы Школы стваралі сваю інфаграфіку, вучыліся браць інтэрв’ю, стваралі свае блогі і пісалі навіны і артыкулы. Акрамя гэтага слухачы наведалі майстар-класы, на якіх даведаліся асновы фота і відэарэпартажа.

Таксама ў межах навучання ў «Школе сучаснай журналістыкі» слухачы наведалі трэнінг па камунікацыі, падчас якога даведаліся, як правільна ўсталёўваць кантакт у розных сітуацыях зносін, як эфектыўна мець зносіны з рэспандэнтамі, а таксама адпрацавалі навыкі разумення іншых людзей і авалодалі навыкамі эфектыўнага слухання.

У якасці выкладчыкаў выступалі журналісты і рэдактары HrodnaLife, S13, Белсат Варшава, Белсат Мінск, Камсамольская праўда, Беларускі партызан.

Іна Максімчык, каардынатарка “Школы сучаснай журналістыкі”:
У Школе была магчымасць пазнаёміцца і павучыцца ў прафесіяналаў СЁННЯ, паспяховых і сучасных. Выкладчыкі былі не толькі з Гродна, але і з Мінска і Варшавы.

Удзельнікі за час курсу напісалі звыш 40 работ (не толькі на блогі). Сталі друкавацца. Зразумелі, што друкавацца магчыма, калі знайсці добрую нагоду і аформіць усё па плану.

Мы рады, што тры месяцы прыярытэты слухачоў курса былі накіраваны на школу, і яны паспяхова плавалі ў мультымедыйнай прасторы. Мы працягнем працаваць з кожным персанальна, а пакуль сустракайце новыя імёны ў журналістыцы!

Сваімі ўражаннямі ад вучобы на курсе «Школа сучаснай журналістыкі» падзяліліся ўдзельнікі курса:

Канстанцін Міхайлоўскі:

Школа сучаснай журналістыкі для мяне стала выдатнай крыніцай інфармацыі аб цяперашнім стане спраў у галіне. Навучанне ў практыкуючых прафесіяналаў, якія кожны дзень ствараюць медыйны прадукт, каштоўна само па сабе. Дадайце сюды кучу практычных навыкаў, падрыхтоўку разнажанравых матэрыялаў, публікацыю іх у СМІ, знаёмства з цікавымі людзьмі, сяброўскую атмасферу і Вы зразумееце, што такое ШСЖ.
Вялікі дзякуй за магчымасць паўдзельнічаць у такім карысным адукацыйным праекце.

Уладзімір Аплевіч:

Навучанне ў ШСЖ акрамя ведаў дае магчымасць паспрабавць сябе ў новай ролі. Больш таго, гэта выдатны шанец раскрыць сябе, курсы даюць магчымасць змяніць сваё жыццё. Выкладчыкі ШСЖ, людзі з вялікім досведам, якія працуюць як у рэгіянальных, так і ў агульна рэспубліканскіх медыа. Як высветлілась многія з іх былыя слухачы ШСЖ, што сведчыць аб высокай якасці курсаў. На занятках час мінае незаўважна, кожны выкладчык гэта асоба. Па стваральніках курса відаць, што для іх гэта не проста праца, а нешта большае. Яны як кажуць “гараць ідэяй” таму усё атрымоўваецца на вышэйшым узроўні!

Андрэй Піхун:

Мне спадабаліся заняткі ШСЖ. Сучасныя веды ў галіне журналістыкі, лекцыі прафесіяналаў, цікавы фармат заняткаў – усё гэта было цікава, а таксама я навучыўся пісаць невялікія артыкулы і браць інтэрв’ю.

Вадзім Гельвей:

“Студыя карысных кампетэнцый” здзівіла ў чарговы раз. Некалькі месяцаў навучання ў школе сучаснай журналістыкі за невялікія грошы.

Неверагодны ўзровень арганізацыі, дзе была задзейнічана вялікая колькасць настаўнікаў. Што ні занятак, то майстар-клас з карыснай і цікавай інфармацыяй. Часам мне здавалася, што я ўсяго гэтага не варты і працягваў патрабаваць з сябе і развівацца.

Цалкам прачуў прафесію журналіста, складаную, часам няўдзячную працу. Вельмі спадабаліся заняткі, калі выкладчыкі давалі не тэорыю, а распавядалі пра тое, як яны працуюць, з чаго складаецца іх працоўны дзень.

Увесь матэрыял дубляваўся ў агульную групу, а ўсе дадатковыя пытанні вырашаліся па тэлефоне ў любы час. Школа сучаснай журналістыкі апынулася шматдзённым марафонам, да фінішу якога дабег не кожны, а толькі той, хто сапраўды быў у гэтым зацікаўлены і вельмі прыемна, што на фінішы нас чакалі кіраўнікі з прэстыжнымі граматамі.

Самым складаным заняткам апынуўся выпускны, дзе ты разумеў, што ўсё сканчаецца, але ў той жа час прыемна цешыла тое, што ты быў часткай гэтага крутога праекта!

Ліза Індушка:

Навучанне ў “Школе сучаснай журналістыкі” пакінула ў мяне найлепшыя ўражанні. За гэтыя тры месяцы арганізатары і выкладчыкі навучылі мяне правільна выказваць свае думкі, а таксама дазволілі даведацца ўсе аспекты журналістыкі, вартасці і недахопы дадзенай прафесіі, як трэба і не трэба падаваць матэрыял. Я даведалася шмат новых фарматаў падачы інфармацыі – лонгрыды, storytelling, і г.д. Парадавала таксама тое, што акрамя тэорыі, у нас таксама была практыка, дзе мы на час маглі адчуць сябе журналістамі, ужываючы атрыманыя веды. Дзякуй арганізатарам і выкладчыкам!

Дадаць каментар

  • Універсітэт Залатога Веку

    Універсітэт Залатога Веку

    Сайт праекта, скіраванага на сацыяльную і інтэлектуальную актывізацыю сталых людзей. Вучыцца ніколі не позна!

    Школа маладога журналіста

    Школа маладога журналіста

    Праект для тых, хто хоча паспрабаваць свае сілы ў журналістыцы. Працуе ў Гродне з 1997 г.! Далучайся!

Чытай

Чытаць навiны на hrodna.life
  • Гэта вам не Гродна. У Мінску затрымалі Вольскага, Вайцюшкевіча, Варашкевіча і Аракеляна
    Музыканты хацелі даць канцэрт у цэнтры Мінску, але іх затрымалі. Пра гэта ў фэйсбуку паведамляе Эдуард Пальчыс. “Улады вельмі добра адпрацоўваюць загад Лукашэнкі ад 1-ага сакавіка на “вялікай размове” – “Бангалор і ніякай актыўнасці ў цэнтры горада, – піша Эдуард. – Толькі што ў бус ціхары суправадзілі Вольскага, Вайцюшкевіча, Варашкевіча і Аракеляна, якія хацелі сыграць […]
  • “Стаць ценем мастака”. Гродзенскі майстар рэстаўруе карціну з Брыгіцкага манастыра
    Аляксей Навумчык з Гродзенскага гісторыка-археалагічнага музея ўжо 8 гадоў рэстаўруе старадаўнія карціны і іконы. Зараз майстар працуе над палатном 17 стагоддзя, якое калісьці вісела ў брыгіцкім манастыры, але было схавана ў часы Савецкага саюза. Гэтай карцінай Аляксей Навумчык пачаў займацца пасля выставы «Сакральная спадчына Панямоння» ў Новым замку. На ёй выстаўлялі палотны, знойдзеныя ў сутарэннях […]
  • У Гродне з’явіцца арачны пешаходны мост
    Мост арачнай канструкцыі злучыць праз Нёман дзве зоны адпачынку. Як распавёў галоўны інжынер праекта, мост будзе шырынёй 4,75 метра, веладарожка зойме два з паловай метры, а пешаходны тратуар – 2,25 метра. Праектам прадугледжана таксама магчымасць перамяшчэння па мосце інвалідам-калясачнікам і бацькам з дзіцячымі вазкамі, паведамляе “Гродзенская праўда”. Пешаходны мост нашмат скароціць шлях з горада да […]
  • У Гродне з-за непатушанага акурка згарэў балкон
    Інцыдэнт адбыўся ўчора на вуліцы Белуша ў 12.15 ў Гродне. У выніку пажару ніхто не пацярпеў, але балкон быў моцна пашкоджаны агнём. Як распавялі “Гродзенскай праўдзе” у гарадскім аддзеле па надзвычайных сітуацыях, жанчына выйшла на балкон, каб папаліць. У нейкі момант у яе зазваніў тэлефон, яна вярнулася ў кватэру. Цыгарэта засталася непатушанай. З-за чаго загарэліся […]
© 2012 Грамадcкае аб'яднанне "Цэнтр інфармацыйнай падтрымкі грамадcкіх ініцыятыў "Трэці сектар"
Каталог TUT.BY