Адбыўся другі выпуск навучэнцаў Школы медыяменеджмента

Змяніць памер шрыфта Болей Меней Скінуць
Адбыўся другі выпуск навучэнцаў Школы медыяменеджмента

Карысная, натхняльная, практыка арыентаваная, максімальна набліжаная да рэальнасці, сістэмныя і адаптаваныя да нашых рэаліяў веды, высокі трэнерскі патэнцыял выкладчыкаў – гэта толькі некаторыя з водгукаў удзельнікаў другога набора Школы медыяменеджменту, якія сабраліся 27 студзеня на сваю выпускную сустрэчу.

З верасня да сярэдзіны студзеня 16 менеджэраў з розных медыйных праектаў знаёміліся з сакрэтамі стратэгічнага кіравання, стварэння і прасоўвання кантэнту, манетызацыі, працы ў камандзе.

Выпускнікі, трэнеры і арганізатары другога набору Школы медыяменеджмента

У час выпускной сустрэчы выпускнікі Школы прадставілі свае камандныя праекты, у межах якіх неабходна было распісаць канцэпцыю развіцця журналісцкага старт-апа.

TravelFree – так называўся праект, распрацаваны камандай навучэнцаў Школы (Анжэла Белуш, Андрэй Вышынскі, Анастасія Грабеннікава і Валерый Юдзін)

Грунтоўны аналіз мэтавых групаў, сваіх моцных і слабых бакоў, магчымасцяў і пагрозаў, кантэнт-план,  фінансавыя разлікі – з усімі гэтымі задачамі кожная з праектных груп справілася добра.

Другое месца ў конкурсе заняў праект Susedzi.by (Яніна Мельнікава, Дзяніс Васількоў, Аляксандра Забело, Лада Якоўчык)

Пераможцы конкурса вызначаліся як журы, у склад якого ўваходзілі трэнеры і арганізатары Школы, так і шляхам “народнага галасавання”, у якім удзельнічалі і самі выпускнікі Школы.

Першае месца па суме галасоў журы і “народнага галасавання” неспадзявана нават для сябе атрымала каманда распрацоўшчыкаў праекта TheFlash (Раман Раманаў, Ірына Пракопчык, Ганна Казакова і Дзіма Сакалоўскі)

У час выпускной сустрэчы навучэнцы Школы звярнуліся таксама да картак, на якіх у час самага першага трэнінга ў Львове фіксавалі свае чаканні і апасенні ад курса.

На здымку: удзельнікі Школы Раман Алешка і Аляксей Шота (абодва з Гродна), а таксама трэнеры Галіна Малішэўская і Зміцер Ягораў

Як высветлілася, для многіх Школа дала нават больш, чым яны чакалі. Больш таго, многія з удзельнікаў курса ўжо актыўна ўкараняюць атрыманыя веды ў сваіх рэдакцыях.

Вось толькі некалькі выказванняў выпускнікоў на гэты конт:

– Мы определили сегменты аудитории и стали осмысленнее с ними работать. Это привело к расширению аудитории и активизации её ядра, для наших масштабов довольно существенные;

– Мы стали больше времени уделять планированию, расширили список освещаемых тем и форматов материалов после проведения более детального анализа аудитории;

– Я прыпыніла руцінную працу, але выдаткавала час на асэнсаванне і планаванне. Распрацоўваю развіццё праекта ў новай камунікацыйнай і бізнэс-стратэгіі, на новых платформах (відэа – рыхтую пілотны-праект, і мэсэнджэры). Ёсць разуменне пра бізнэс-мадэль;

– Мы определились со своей миссией, стратегией, своей целевой аудиторией, с тональностью общения в социальных сетях. Стали думать над партнерскими проектами, возможностями монетизации нашей деятельности и оффлайн мероприятий.

Кульмінацыяй сустрэчы стала ўручэнне сертыфікатаў пра сканчэнне Школы.

Дзяніс Васількоў і Ганна Казакова – шчаслівыя выпускнікі Школы

Ужо на наступны дзень пасля выпускной сустрэчы арганізатары і трэнеры Школы сабраліся на сваю сустрэчу па ацэнцы і планаванні дзейнасці.

Ідзе падрыхтоўка праграмы вэбінараў для Школы медыяменеджменту

Праца трэцяга набору Школы распачнецца ўжо 16 лютага.

Асаблівасцю Школы-3 будзе ўзбагачэнне дыстанцыйнага кампаненту навучання за кошт вэбінараў з удзелам лепшых украінскіх і беларускіх экспертаў.

Спіс удзельнікаў новага набору Школы будзе сфармаваны да 9 лютага.

Праграма Школы медыяменеджменту распрацаваная прадстаўнікамі грамадскага аб’яднання “Цэнтр “Трэці сектар”, установы “Цэнтр дадатковай адукацыі дарослых “Студыя карысных кампетэнцый“, Магістэрскай праграмы па медыякамунікацыях Украінскага каталіцкага ўніверсітэту (Львоў) і Мінскага міжнароднага адукацыйнага цэнтру імя Ё. Раў пры падтрымцы Deutsche Welle Akademie.

Фота Валерыя Юдзіна, Дзяніса Васількова, Вітаўта Рудніка

 

30 Студзеня 2018 | Няма каментароў | Пазнакі:

Дадаць каментар

  • Універсітэт Залатога Веку

    Універсітэт Залатога Веку

    Сайт праекта, скіраванага на сацыяльную і інтэлектуальную актывізацыю сталых людзей. Вучыцца ніколі не позна!

    Школа маладога журналіста

    Школа маладога журналіста

    Праект для тых, хто хоча паспрабаваць свае сілы ў журналістыцы. Працуе ў Гродне з 1997 г.! Далучайся!

Чытай

Чытаць навiны на hrodna.life
  • Над былым зняволеным усталявалі нагляд. Ён можа страціць працу і жытло
    Станіслаў Цыбінскі адбыў 16 гадоў у месцах пазбаўлення волі. Ён выйшаў на волю ў 2017 годзе і змог знайсці працу і жыллё. А цяпер дапамагае іншым зняволеным сацыялізаваныя. 6 снежня суд устанавіў над Станіславам прэвентыўны нагляд. Цяпер ён можа страціць працу, жыллё і магчымасць займацца актывізмам. Першы суд быў яшчэ ў жніўні 2019 года. Тады […]
  • Кавалевіч працягнуў кантракт з “Нёманам”. Многія заўзятары незадаволеныя
    Афіцыйны сайт “Нёмана” паведаміў 8 снежня аб працягу супрацоўніцтва з Ігарам Кавалевічам. Новы кантракт з 51-гадовым спецыялістам разлічаны да канца наступнага сезона. Ігар Кавалевіч ўзначаліў гродзенскі клуб летам 2016 года. За гэты час жоўта-зялёныя пад яго кіраўніцтвам правялі ў рамках чэмпіянату 108 матчаў: перайгралі суперніка 42 разы, 25 разоў разышліся мірам і 41 раз прайгралі. […]
  • Даступнае асяроддзе, вандроўкі і сацыялізацыя: як у Гродне людзі з інваліднасцю разам вырашаюць праблемы
    Дзевяць гадоў удзельнікі валанцёрскай групы “Крок насустрач” працуюць з бардзюрамі і прыступкамі, ствараюць супольнасць неабыякавых людзей і кажуць аб праблемах, у якіх разбіраюцца лепш за ўсіх – таму што адчуваюць іх на сабе кожны дзень. “Крок насустрач” з’явіўся, калі ўдзельнікі наведалі інтэграцыйны лагер “Круглае возера”. Потым яны вырашылі стварыць у Гродне сваю валанцёрскую групу, каб […]
  • «Дастаць нажы»: смелы дэтэктыў з жанравымі сюрпрызамі і зорнай камандай акцёраў
    У Галівудзе бываюць рэжысёры, якіх не залічыш да жывых геніяў (накшталт Крыстафера Нолана), але іх талент, майстэрства і ўнікальная стылістыка не дазваляюць згубіцца ў натоўпе разнамасных кінематаграфістаў. Адным з такіх з’яўляецца Раян Джонсан – аўтар усяго толькі 5 не падобных адзін да аднаго фільмаў. Джонсана вылучае змешванне жанраў і стварэнне сваёй непаўторнай атмасферы: у 2005 […]
© 2012 Грамадcкае аб'яднанне "Цэнтр інфармацыйнай падтрымкі грамадcкіх ініцыятыў "Трэці сектар"
Каталог TUT.BY