Адкрыты другі набор у «E-School: Школа медыяменеджменту»

Змяніць памер шрыфта Болей Меней Скінуць
Адкрыты другі набор у «E-School: Школа медыяменеджменту»

ГА “Цэнтр “Трэці сектар” і Установа “Цэнтр дадатковай адукацыі дарослых “Студыя карысных кампетэнцый” (Гродна) сумесна з Магістарскай праграмай па медыякамунікацыях Украінскага каталіцкага ўніверсітэта (Львоў, Украіна) і Школай журналістыкі Мінскага міжнароднага адукацыйнага цэнтра імя Ё. Раў, пры падтрымцы Deutsche Welle Akademie аб’яўляюць другі набор слухачоў у «E-School: Школа медыяменеджменту»

Заняткі ў Школе пачнуцца ў верасні  2017 года і будуць складацца з чатырох модуляў, кожны з 3-дзённай вочнай сесіі і дыстанцыйнай працы на платформе Moodle.

Праграма Школы разлічана на чатыры месяцы і мае на мэце павышэнне кваліфікацыі менеджараў беларускіх медыя і медыйных праектаў НГА.

Трэнеры Школы – медыяпрафесіяналы з Беларусі, Украіны, Славакіі, якія маюць вялікі практычны досвед працы і прайшлі папярэдняе навучанне па спецыфіцы змяшанага навучання і метадалогіі інтэрактыўнага навучання.

Да ўдзелу ў праграме запрашаюцца менеджары журналісцкіх і грамадскіх медыяпраектаў (рэдактары, намеснікі рэдактароў, кіраўнікі аддзелаў), матываваныя на атрыманне інавацыйных ведаў і ўкараненне іх у сваіх рэдакцыях.

Навучанне ў Школе бясплатнае. Усе ўдзельнікі, якія паспяхова пройдуць курс навучання, атрымаюць Сертыфікат пра заканчэнне Школы.

Арганізатары забяспечваюць удзельнікаў Школы харчаванне і пражываннем падчас стацыянарных сесій Школы, а таксама кампенсуюць праезд да месца правядзення Школы.

Больш падрабязна даведацца пра трэнераў, расклад заняткаў, праграму Школы, а таксама пачытаць водгукі выпускнікоў Першай Школы можна па спасылцы.

Там жа можна пакінуць заяўку на ўдзел у Школе. Крайні тэрмін падачы заявак – 1 жніўня.

Арганізатары Школы звяжуцца з папярэдне адабранымі кандыдатамі да 5 жніўня і ўзгадняць даты правядзення сумоўя, на аснове якога будзе вызначаны афіцыйны спіс удзельнікаў Школы.

Дадатковую інфармацыю можна таксама атрымаць па E-mail – mediamanagementbelarus@gmail.com

05 Ліпеня 2017 | Няма каментароў |

Дадаць каментар

  • Універсітэт Залатога Веку

    Універсітэт Залатога Веку

    Сайт праекта, скіраванага на сацыяльную і інтэлектуальную актывізацыю сталых людзей. Вучыцца ніколі не позна!

    Школа маладога журналіста

    Школа маладога журналіста

    Праект для тых, хто хоча паспрабаваць свае сілы ў журналістыцы. Працуе ў Гродне з 1997 г.! Далучайся!

Чытай

Чытаць навiны на hrodna.life
  • «Горад майго юнацтва». 94-гадовая жыхарка Слупска ўспамінае Гродна і чаму пакінула яго
    Леакадзіі Узнаньскай 94 гады, але ўсе называюць яе нібы дзяўчынку – паменшаным імём Лёдзя. Яна жыве ў Слупску, на польскім Памор’і. Журналіст Hrodna.life пазнаёміўся з ёй у час экспедыцыі ў пошуках сталых гродзенцаў, якія пасля Другой сусветнай з’ехалі за мяжу. Яе гісторыя увойдзе ў другую кнігу ўспамінаў, выхад якой запланаваны на канец года. Лёдзя Станіславаўна […]
  • Колькасць бязвізавых турыстаў у Гродне і ваколіцах з пачатку года ўзрасла на 60%
    З пачатку года ў Гродне і Гродзенскім раёне пабывалі звыш 65 тыс. бязвізавых турыстаў – на 60% больш, чым за аналагічны перыяд мінулага года. Аб гэтым карэспандэнту БЕЛТА паведамілі ва ўпраўленні спорту і турызму Гродзенскага аблвыканкама. “Адзначаем рост цікавасці замежнікаў да наведвання Гродна і раёна. Часта каталізатарам такога росту становяцца яркія падзейныя мерапрыемствы. Напрыклад, за […]
  • Міністэрства па надзвычайных сітуацыях задумалася пра рэгуляванне салютаў
    На сайце Petitions.by апублікаваны адказ прадстаўніка Міністэрства ўнутраных справаў на зварот з прапановай забараніць фаервэркі ў населеных пунктах, які падпісалі паўтысячы карыстальнікаў, піша svaboda.org. Часовы выканаўца абавязкаў начальніка галоўнага ўпраўленьня міліцыі грамадзкай бясьпекі Алег Каразей не падтрымаў ідэю з забаронай, але паведаміў: цяпер Міністэрства надзвычайных сытуацыяў разам зь іншымі дзяржаўнымі органамі «прапрацоўвае пытаньне стварэньня нарматыўнага праўнага акту, які рэгулюе правадачыненьні […]
  • У Навагрудку запусцілі новы турыстычны маршрут па месцах Адама Міцкевіча
    Ён уключае адразу пяць аб’ектаў раёна, звязаных з імем паэта эпохі рамантызму: акрамя самога Навагрудка, касцёл, у якім хрысцілі маленькага Адама, а таксама месцы, якія апісваў класік у сваіх творах, і дзе Міцкевіч тварыў, піша grodnonews.by са спасылкай па tvr.by. Капліца маёнтка Чамброў – архітэктурны аб’ект, аднаўленне якога стала міжнароднай справай. Тут адсутнічаў дах і […]
© 2012 Грамадcкае аб'яднанне "Цэнтр інфармацыйнай падтрымкі грамадcкіх ініцыятыў "Трэці сектар"
Каталог TUT.BY