Набор у Акадэмію рэгіянальнага развіцця працягнуты да 31 сакавіка

Змяніць памер шрыфта Болей Меней Скінуць
Набор у Акадэмію рэгіянальнага развіцця працягнуты да 31 сакавіка

Падрыхтаваць сваіх трэнераў, палепшыць кваліфікацыю ў кіраванні арганізацыяй і кіраванні праектамі, навучыцца планаваць і рэалізоўваць медыяйныя спецпраекты і кампаніі і ўсё гэта – на карысць тваёй малой радзімы! Скарыстайся магчымасцю ўзяць удзел у комплекснай адукацыйнай праграме, распрацованай рэгіянальнымі грамадскімі арганізацыямі для такіх жа рэгіянальных арганізацый.

Каго запрашаем у Акадэмію рэгіянальнага развіцця:

Тых, хто займаецца нефармальнай адукацыяй, піша пра тое, што адбываецца ў яго мясцовасці, стварае праекты, накіраваныя на паляпшэнне якасці жыцця сваіх землякоў і на развіццё свайго рэгіёна.

З чаго складаецца праграма

Трэнінг для трэнераў

Адабраная каманда трэнераў пройдзе грунтоўнае навучанне па асноўным аспектам трэнерскага майстэрства, распрацуе праграму кожнай з трох Акадэмій і правядзе трэнінгі межах Акадэмій, карыстаючыся падтрымкай дасведчаных трэнераў-ментараў.

Рэгіянальная Акадэмія Адукатараў

Гэта курс, адрасаваны тым, хто займаецца альбо плануе займацца адукацыйнымі праграмамі для жыхароў розных узростаў у сваёй мясцовасці.

Курс складаецца з двух трэнінгаў і выканання дыстанцыйных заданняў у перапынку паміж імі.

У час курса ўдзельнікі пазнаёмяцца з рознымі падыходамі да планавання дызайну адукацыйных праграм, вызначэння іх мэтаў і задач з улікам патрэбаў мэтавых груп, структуравання зместу, а таксама з рознымі інтэрактыўнымі метадамі навучання і спосабамі ацэнкі эфектыўнасці навучання.

Удзельнікі распрацуюць уласныя адукацыйныя праграмы, якія будуць сфакусаваныя на пытаннях рэгіянальнага развіцця, развіцця мясцовых ініцыятываў, паляпшэння якасці жыцця жыхароў рэгіёну.

Рэгіянальная Акадэмія Першых

Да ўдзелу ў гэтым курсе запрашаем найперш лідэраў мясцовых грамадскіх арганізацый і ініцыятыў.

Курс таксама складаецца з двух трэнінгаў і выканання дыстанцыйных заданняў у перапынку паміж імі.

У час курса ўдзельнікі паглыбяць свае веды і ўменні, звязаныя з кіраваннем арганізацыяй (кіраванне камандай, стратэгічнае кіраванне, асновы маркетынга і сувязяў з грамадскасцю і гд), а таксама з кіраваннем праектамі, накіраванымі на рэгіянальнае развіццё і паляпшэнне якасці жыцця насельніцтва свайго рэгіёна.

Рэгіянальная МедыяАкадэмія

Удзельнікамі гэтага курса стануць рэдактары і журналісты мясцовых сайтаў і блогаў, якія пішуць пра жыццё свайго рэгіёну.

Курс будзе сфакусаваны на такіх пытаннях, як вызначэнне стратэгіі развіцця медыя, планаванне цікавага для мясцовай аўдыторыі кантэнта, яго «упакоўка» і распаўсюджанне з дапамогай розных медыяплатформ, усталяванне зваротнай сувязі са сваёй аўдыторыяй.

Удзельнікі курса распрацуюць таксама канцэпцыі спецпраектаў і медыякампаній, накіраваных на інфармаванне жыхароў рэгіёна пра важныя для іх пытанні.

Форум інавацыйных ідэй на карысць рэгіянальнага развіцця

Форум збярэ лепшых выпускнікоў Акадэміі рэгіянальнага развіцця, прадстаўнікоў уплывовых грамадскіх і міжнародных арганізацый, журналістаў.

На працягу двух дзён будуць адбывацца дыскусіі, звязаныя з пытаннямі рэгіянальнага развіцця, майстар-класы ад вядомых экспертаў у гэтай галіне, а таксама прэзентацыя і абмеркаванне лепшых выпускных праектаў удзельнікаў Акадэміі.

Умовы ўдзелу ў Акадэміі рэгіянальнага развіцця

Заяўкі на ўдзел у кожнай з Акадэмій прымаюцца да 31 сакавіка.

  • Заяўляцца могуць прадстаўнікі беларускіх некамерцыйных арганізацый, а таксама рэдакцый, якія створаныя і дзейнічаюць па-за межамі Мінска.
  •  Адзін чалавек можа заявіцца не больш, чым на 2 Акадэміі.
  •  Вітаюцца камандныя заяўкі (2 чалавекі ад арганізацыі) на кожную Акадэмію.
  •  Вітаюцца заяўкі прадстаўнікоў арганізацыі на ўдзел у розных Акадэміях (напрыклад, 2 чалавекі ад арганізацыі заяўляюцца на Акадэмію Адукатараў, яшчэ 2 – на Акадэмію Першых, яшчэ 1 – на МедыяАкадэмію).

Заявіцца

Дзе атрымаць дадатковую інфармацыю пра Акадэмію і як заявіцца?

Глядзіце блог Акадэміі рэгіянальнага развіцця, дзе змешчана больш падрабязная інфармацыя пра кожную з нашых адукацыйных прапановаў, пра даты правядзення мерапрыемстваў.

Там жа вы знойдзеце формы заявак.

Хто арганізуе Школу

Рэгіянальныя арганізацыі з вялікім досведам адукацыйнай, сацыяльнай і культурніцкай працы ў сваіх мясцовасцях:

Дадаць каментар

  • Універсітэт Залатога Веку

    Універсітэт Залатога Веку

    Сайт праекта, скіраванага на сацыяльную і інтэлектуальную актывізацыю сталых людзей. Вучыцца ніколі не позна!

    Школа маладога журналіста

    Школа маладога журналіста

    Праект для тых, хто хоча паспрабаваць свае сілы ў журналістыцы. Працуе ў Гродне з 1997 г.! Далучайся!

Чытай

Чытаць навiны на hrodna.life
  • «Лічбы бесстароннія». «Хейтары» адказалі на інсінуацыі аб махлярстве ў «Мазгабойні»
    21 лютага 2019 мы апублікавалі артыкул ““Не ўзяў за руку – не кажы: злодзей”. У гродзенскай “Мазгабойні” скандал: адну з каманд абвінавацілі ў несумленнай гульні”. У ім ішла гаворка аб спрэчцы сярод гульцоў у папулярны квіз “Мозгобойня”. Адну з каманд – “Хейтары” – некаторыя гульцы падазравалі ў несумленнай гульні. Арганізатары не знайшлі падстаў верыць у […]
  • Загаварыў праз тры дні, інфармацыю на девайсах аднавілі. СК аб трагедыі ў Стоўбцах
    Перад нападам на школу ў Стоўбцах падазраваны дзесяцікласнік выдаліў усе запісы з тэлефона і кампутара. Але іх удалося аднавіць, як і амаль усю карціну падзей у той дзень. Пра гэта заявіў кіраўнік Следчага камітэта Іван Наскевіч на нарадзе ў прэзідэнта, паведамляе TUT.BY са спасылкой на газету «Звязда». «Па гэтай справе ўжо праведзены вялікі аб’ём следчых дзеянняў. Карціна […]
  • Турыстычны комплекс для габрэйскіх паломнікаў узводзіцца ў Воранаўскім раёне
    Пачалося будаўніцтва турыстычнага комплексу для габрэйскіх паломнікаў у гарадскім пасёлку Радунь Воранаўскага раёна. Рэалізуе праект кампанія “Ор Мэір”. Комплекс размесціцца на плошчы ў некалькі гектараў: праектам прадугледжваецца будаўніцтва гасцініцы на 200 месцаў, сінагогі, рэстарана, традыцыйнага басейна для амывання, іншых неабходных збудаванняў, піша БЕЛТА. Цікавасць да Радуні не выпадковая. Калісьці менавіта гэтае мястэчка было цэнтрам еўрапейскага […]
  • «Гродногаз» запускае свой YouTube-канал – там будуць адказваць на пытанні анлайн
    Як бяспечна карыстацца газам у побыце, а таксама абараніць сябе і сваіх блізкіх спецыялісты ВУ «Гродногаз» раскажуць падчас першага прамога эфіру на сваім YouTube-канале. Анлайн-трансляцыя, дзе будуць адказваць на самыя актуальныя пытанні, звязаныя з газазабеспячэння, пройдзе ў пятніцу, 1 сакавіка, піша “Вячэрні Гродна”. У ходзе прамога эфіру любы жадаючы зможа задаць пытанне. Пытанні будуць мадэраваць, […]
© 2012 Грамадcкае аб'яднанне "Цэнтр інфармацыйнай падтрымкі грамадcкіх ініцыятыў "Трэці сектар"
Каталог TUT.BY