Буйная міжнародная канферэнцыя па пытаннях старэння пройдзе ў Гродна

Змяніць памер шрыфта Болей Меней Скінуць
Буйная міжнародная канферэнцыя па пытаннях старэння пройдзе ў Гродна

Эксперты з сямі краін абмяркуюць у Гродна пытанні, звязаныя з распрацоўкай нацыянальных і рэгіянальных планаў дзеянняў па пытаннях старэння.

У 2030 г. каля 30% насельніцтва Беларусі будзе знаходзіцца ў пенсійным узросце.

Некаторыя рэгіёны краіны па суадносінах дзяцей ва ўзросце ад 0 да 14 гадоў і людзей ва ўзросце ад 50 гадоў і вышэй (16,1% і 36% у Гродзенскай вобласці) ужо цяпер належаць да рэгрэсіўнага тыпу. Толькі Гродзенская вобласць да 2032 г. страціць больш за 40% працоўнага патэнцыялу сельскага насельніцтва.

Гэта запатрабуе сур’ёзнага рэфармавання сістэмы сацыяльнага абслугоўвання, медыцынскай і іншых сфераў жыцця краіны.
Ужо цяпер у грамадстве ідзе актыўная дыскусія на тэму падвышэння пенсійнага ўзросту.

Аднак пенсійнае забеспячэнне з’яўляецца толькі адным з важных пытанняў, якія датычацца стварэння ўмоў для годнага жыцця людзей усіх пакаленняў.

Канцэпцыя Нацыянальнай стратэгіі ўстойлівага развіцця Рэспублікі Беларусь на перыяд да 2030 г. прадугледжвае задавальненне інтарэсаў сталых людзей, пераарыентацыю сістэмы сацыяльнай абароны на адаптацыю да жыцця ў сучасным грамадстве, павышэнне якасці сацыяльных паслуг, стварэнне ўмоваў для пашырэння ўдзелу ва ўсіх сферах жыцця грамадства.

У краіне наспеў час для распрацоўкі нацыянальнага і мясцовых планаў дзеянняў па рашэнні пытанняў, звязаных з старэннем грамадства.

Як “запусціць” распрацоўку такога планавання, якім зместам напоўніць гэтыя планы, на які беларускі і замежны досвед абапірацца – усе гэтыя пытанні будуць абмяркоўвацца на канферэнцыі “Паляпшэнне якасці жыцця сталых людзей: на шляху да распрацоўкі планаў дзеянняў па пытаннях старэння”, якая адбудзецца 8 -9 красавіка ў Гародні.

Удзел у ёй прымуць навукоўцы, прадстаўнікі дзяржаўных, грамадскіх і міжнародных арганізацый з Беларусі, Літвы, Казахстана, Кыргызстана, Польшчы, Расіі і Украіны.

Сярод удзельнікаў канферэнцыі – намеснік Прадстаўніка Фонду ААН па народанасельніцтве (ЮНФПА) у Беларусі Алена Касько, дырэктар Даследчага цэнтра Інстытута прыватызацыі і менеджменту (ІПМ), член Кансультатыўнага савета пры Нацыянальным банку Рэспублікі Беларусь Аляксандр Чубрык, прэзідэнт Федэрацыі ўніверсітэтаў трэцяга ўзросту Ніжняй Сілезіі (Польшча) Аляксандр Кабылярек.

Удзел у канферэнцыі таксама прыме доктар медыцынскі навук, прафесар Кірыл Прашчаеў – першы беларускі навукоўца, які абараніў доктарскую дысертацыю па спецыяльнасці «геранталогія і герыятрыя». Ён з’яўляецца дырэктарам Навукова-даследчага медыцынскага цэнтра «Геранталогія» у г. Маскве, а таксама першым намеснікам Старшыні Беларускага рэспубліканскага геранталагічнага грамадскага аб’яднання.

Загадчыца лабараторыі сацыяльнай геранталогіі Інстытута геранталогіі НАМН Украіны, віцэ-прэзідэнт Лігі паліятыўнай дапамогі Украіны, доктар медыцынскіх навук, прафесар Вера Чайкоўская вядомая далёка за межамі Украіны. Менавіта яна арганізавала ва Украіне інфармацыйна-кансультатыўныя цэнтры для сталых, інвалідаў і членаў іх сем’яў, стварыла ў Казахстане Навуковую школу геранталогіі.

Казахстан на канферэнцыі прадставіць Баян Ахметжанова – прэзідэнт грамадскага аб’яднання “Ардагер” (Астана, Казахстан), адна з ініцыятарак стварэння Нацыянальнай сеткі арганізацый, якія працуюць у інтарэсах сталых людзей Казахстана.

З поўным спісам экспертаў, а таксама з праграмай канферэнцыі можна пазнаёміцца на вэб-старонцы conference.edustudio.by

Канферэнцыя не выпадкова праводзіцца ў Гродне. Горад ужо даўно з’яўляецца адным з лідэраў у Беларусі ў сферы працы па паляпшэнню якасці жыцця сталых людзей.

Тут дзейнічае створаны ў 2010 г. першы беларускі «Універсітэт Залатога Веку» (у нацыянальнай справаздачы Рэспублікі Беларусь аб выкананні Мадрыдскага міжнароднага плана па праблемах старэння насельніцтва названы ў якасці прыкладу арганізацыі працы са сталымі людзьмі ў Беларусі; ў 2014 годзе быў прызнаны «Падзеяй года» у галіне нефармальнай адукацыі ў Беларусі), штогод праходзіць дэкада «Залаты Узрост», на базе ТЦСАН актыўна працуюць клубы і іншыя формы працы са сталымі грамадзянамі, актыўна працуюць абласны і гарадскі саветы ветэранаў і іншыя грамадскія арганізацыі.

З 2014 г. у горадзе рэалізуецца грамадская кампанія, накіраваная на далучэнне Гродна ў якасці першага беларускага горада да міжнароднай Сеткі гарадоў і супольнасцяў, прыязных да сталых людзей.

Канферэнцыя арганізуецца пры падтрымцы Прадстаўніцтва Фонду ААН па народанасельніцтве (UNFPA) у Беларусі, Агенцтва по міжнародным развіцці ЗША (USAID), Фонда «Памяць, адказнасць і будучыня» (Германія), Прадстаўніцтва зарэгістраванага аб’яднання «Deutscher Volkshochschul-Verband eV» DVV International, Міжнароднай геранталагічнай сеткі праводзяць установа «Цэнтр дадатковай адукацыі дарослых «Студыя карысных кампетэнцый» і Міжнароднае грамадскае аб’яднанне «Узаемапаразуменне«.

Дадатковую інфармацыю аб канферэнцыі можна атрымаць па тэл. +375 29 288 47 00 (Лана Руднік, дырэктар установы “Цэнтр дадатковай адукацыі дарослых” Студыя карысных кампетэнцый “, кіраўнік праграмы ” Універсітэт Залатога Веку »), а таксама на вэб-старонцы канферэнцыі – conference.edustudio.by.

05 Красавіка 2016 | Няма каментароў | Пазнакі:

Дадаць каментар

  • Універсітэт Залатога Веку

    Універсітэт Залатога Веку

    Сайт праекта, скіраванага на сацыяльную і інтэлектуальную актывізацыю сталых людзей. Вучыцца ніколі не позна!

    Школа маладога журналіста

    Школа маладога журналіста

    Праект для тых, хто хоча паспрабаваць свае сілы ў журналістыцы. Працуе ў Гродне з 1997 г.! Далучайся!

Чытай

Чытаць навiны на hrodna.life
  • Віртуальны шпацыр па Гродне: Крэйдавыя горы
    З-за пандэміі каранавіруса многія не рызыкуюць сваім здароўем і сядзяць дома ў ізаляцыі. З гэтай нагоды разам з гісторыкам Андрэем Чарнякевічам мы вырашылі зрабіць для чытачоў віртуальны пшпацыр па Гродне.  Пачалі з Крэйдавых гор ва ўрочышчы Пышкі. “Мы пачынаем падарожжа з наваколляў Мелавых (Крэйдавых) гор. Шмат для каго з гарадзенаў гэтае месца вядомае, але яно цікавае […]
  • Мільён долараў супраць каранавірусу. ЗША выдзялілі Беларусі грошы на барацьбу з пандэміяй
    Беларусь атрымае ад Злучаных Штатаў Амерыкі гуманітарную грашовую дапамогу ў памеры  1,3 млн долараў. Сродкі выдзелены для барацьбы супраць распаўсюду каранавіруснай інфекцыі, паведаміў  27 сакавіка сайт Дзярждэпартаменту ЗША. У пастанове адзначана, што сродкі могуць быць выкарыстаны, у прыватнасці, для падрыўтоўкі лабараторнай сістэмы, актывізацыі пошукаў захварэўшых, на эпідэмічны надзор і кантроль сітуацыі, тэхнічную дапамогу экспертным арганізацыям, […]
  • Сямён Шапіра расказаў, як стаў гаспадаром дзвюх элітных кватэр коштам каля $250 тысяч
    Былы кіраўнік Мінскай вобласці Сямён Шапіра стаў гаспадаром дзвюх суседніх кватэр у адным з дамоў у «Алімпік Парку» — жыллёвым комплексе каля заказніка «Лебядзіны», піша nn.by. Як стала вядома «Нашай Ніве», яму належаць двое суседніх апартаментаў плошчай 100 м2 і 63 м2 адпаведна. Агульны рынкавы кошт гэтага жылля складае каля $250 тысяч. «Я ўпершыню ў жыцці пабудаваў […]
  • Калі ў Беларусі абвесцяць эпідэмію і варта хадзіць у кафэ? Мінздароўя адказала на хвалюючыя пытанні
    Міністэрства аховы здароўя тлумачыць, што цяпер сітуацыя з каранавірусам пад кантролем і няма неабходнасці ўводзіць больш жорсткія меры. Аднак медыкі даюць пэўныя рэкамендацыі, якіх варта цяпер прытрымлівацца, і адказваюць на хвалюючыя пытанні, піша Onliner.by. Як блізка Беларусь знаходзіцца да эпідэміялагічнага парога? – Вельмі складана сказаць, наколькі мы блізкія да парога. Пакуль сітуацыя кантралюемая за кошт […]
© 2012 Грамадcкае аб'яднанне "Цэнтр інфармацыйнай падтрымкі грамадcкіх ініцыятыў "Трэці сектар"
Каталог TUT.BY