“Да мяне прыйшло адчуванне, што я раблю штосьці значнае” – ЕВС-валанцёрка ў Гдыні

Змяніць памер шрыфта Болей Меней Скінуць
“Да мяне прыйшло адчуванне, што я раблю штосьці значнае” – ЕВС-валанцёрка ў Гдыні

У сакавіку на праект ЕВС у Фундацыю сацыяльных зменаў „Крэатыўні” ў Гдыню (Польшча) паехала валанцёрыць гарадзенка Воля Ткачык. Сёння яна дзеліцца з Вамі сваімі развагамі пра ЕВС-жыццязманяльны досвед і ўражаннямі ад валанцёрскай працы.

Мне заўсёды здавалася, што трапіць у EVS-праект звычайнаму чалавеку немагчыма. Я ўяўляла EVS-валанцёра нейкім супергероем са звышздольнасцямі, які валодае ўсімі існуючымі талентамі ў сукупнасці. Супермэнам я сябе ніколі не лічыла, таму доўгі час я проста чытала розныя артыкулы на EVS-тэматыку і нават не марыла аб тым, што я аднойчы буду часткай такога праекта. Але лёс склаўся інакш.

Часам сапраўды адбываецца так, што ўсе змены ў тваім жыцці, нават самыя на твой погляд непрыемныя, у выніку прыводзяць да лепшага. Так было ў маім выпадку. Бо калі я ўпершыню ўбачыла на сайце ”Трэцяга Сектара” артыкул аб тым, што яны шукаюць валанцёра ў Гдыню, я знаходзілася ў тупіковым стане наконт таго, што мне рабіць далей са сваім жыццём. І такая дробязь, як гэты артыкул, стала для мяне надзеяй і пазней выратаваннем ад смутку і нявызначанасці.

Я разглядала шмат праектаў, але наконт праекта ў Гдыні было добрае прадчуванне, што гэта тое, што мне патрэбна. Канешне, былі і сумневы, бо ўсё кідаць і выязджаць трэба было хутка, мая польская мова была не на вельмі добрым узроўні, у мяне не было канкрэтных прапаноў для майго праекта, я ніколі не працавала з людзьмі з сацыяльнымі праблемамі, але цікаўнасць, жаданне паспрабаваць новае і апынуцца ў нязвыклым і незнаёмым для мяне асяроддзі былі мацнейшымі.

Так я апынулася ў невялікай, але ўтульнай і спакойнай Гдыні на ўзбярэжжы Балтыйскага мора. Працую я ў Фундацыі сацыяльных зменаў “Kreatywni”, якая праз розныя мерапрыемствы і актыўнасці імкнецца аб’яднаць і актывізаваць мясцовую супольнасць сацыяльна складанага раёна Гдыні. У большасці гэта праца з дзецьмі і сталымі людзьмі, якія прыходзяць у Фундацыю, каб пабавіць час, сустрэцца са сваімі суседзямі і сябрамі, навучыцца чаму-небудзь новаму альбо зрабіць што-небудзь карыснае для свайго раёна. Наша задача – дапамагаць ім ва ўсіх пачынаннях, арганізоўваць цікавыя варкшопы, гульні, мерапрыемствы, урокі ангельскай ці іншай мовы і ўвогуле вырашаць штодзённыя задачы Фундацыі.

Вельмі важным для мяне момантам быў удзел нашай арганізацыі ў раздачы ежы для бедных у касцёле на Вялікдзень. У той дзень у касцёл прыйшло каля тысячы чалавек, у мерапрымстве ўдзельнічаў мэр Гдыні. Толькі тут да мяне прыйшло сапраўднае адчуванне, што я раблю штосьці значнае. Падрыхтоўваць пакункі з ежай нам дапамагалі нашыя дзеці з Фундацыі. Яны ўвогуле робяць усё магчымае, каб атрымаць насупраць свайго прозвішча надпіс “валанцёр”.

У палякаў, дарэчы, зусім іншае стаўленне да валанцёрства. Тут усе імкнуцца быць валанцёрамі: і дзеці, і падлеткі, і дарослыя. Яны з велізарным энтузіазмам дапамагаюць іншым, і ніхто не скардзіцца, што ў іх няма на гэта часу. У прытулках для жывёл няма свабодных месцаў для валанцёраў. Сапраўды ідэальнае грамадства.

Але жыццё EVS-валанцёра – гэта не толькі праца ў сваёй арганізацыі. Гэта яшчэ і цікавыя трэнінгі, сустрэчы з іншымі валанцёрамі з усёй Еўропы, вывучэнне іншых моў і культур, удзел у іншых цікавых мерапрыемствах і г.д. Тут няма часу сумаваць, бо заўсёды дзе-небудзь можа спатрэбіцца твая дапамога і ўдзел. І тут ты без праблем можаш знайсці для сябе дадатковыя заняткі на свой густ.

Хфця я знаходжуся яшчэ на пачатку свайго EVS-падарожжа, але і зараз магу сказаць, што ўдзел у такім праекце – гэта не толькі досвед валанцёрства,  гэта і магчымасць спазнаць самога сябе, раскрыць свае творчыя здольнасці, і  – самае галоўнае – гэта магчымасць быць часткай вялікай інтэрнацыянальнай EVS-сям’і, якая заўсёды падтрымае і будзе побач.

Дадаць каментар

  • Універсітэт Залатога Веку

    Універсітэт Залатога Веку

    Сайт праекта, скіраванага на сацыяльную і інтэлектуальную актывізацыю сталых людзей. Вучыцца ніколі не позна!

    Школа маладога журналіста

    Школа маладога журналіста

    Праект для тых, хто хоча паспрабаваць свае сілы ў журналістыцы. Працуе ў Гродне з 1997 г.! Далучайся!

Чытай

Чытаць навiны на hrodna.life
  • Вытокі натхнення
    Ад 3 да 22 сакавіка пройдзе выстава майстроў народнай творчасці і майстакоў “Вытокі натхнення”. Урачыстае адкрыццё пройдзе 3 сакавіка ў 17:30 Разьба па дрэве, вышыўка, кераміка, кавальства, жывапіс i шмат іншых накірункаў мастацтва прадстаўлены на выставе “Вытокі натхнення” Народнага аматарскага аб’яднання майстроў народнай творчасці і майстакоў ”Гарадзенскі каларыт”. З натхненнем і майстэрствам ў выставе прынялі […]
  • Галерэя аднаго дня: маладыя мастакі выставіліся ў пустой кватэры ў цэнтры Гродна
    У пачатку 2020 года бацькі гродзенскай мастачкі Эміліі Кервяк купілі кватэру ў цэнтры Гродна. Да таго, як зрабіць там рамонт, яны дазволілі творчай моладзі выставіць або стварыць там свае працы. Кватэра ператварылася на суткі ў нефармальную галерэю. Ніякай цэнзуры і рамак: хто хоча, той і выстаўляецца, кажуць арганізатары. Выстава маладых мастакоў адкрылася 22 лютага ў […]
  • Па крэдытах КБМ і “Гродзенскага шклозавода” заплацяць з бюджэта краіны
    Беларускі ўрад дазволіў тром беларускім цэментным заводам перакласці працэнты па сваіх крэдытах у 2020 годзе на рэспубліканскі бюджэт, піша euroradio.fm. Адпаведная пастанова Саўміна тычыцца “Беларускага цэментнага завода”, “Крычаўцэментнашыфера” і “Краснасельскбудматэрыялаў”, а таксама “Гродзенскага шклозавода”. Дзяржава будзе выплачваць працэнты па крэдытах цэментных заводаў у беларускіх рублях 3 у памеры стаўкі па крэдыце, але не больш за […]
  • Як паддашша стала «пасткай» для 88-гадовай бабулі і не толькі
    Тры кватэры на паддашшы дамка 1926-га году пабудовы ў Гродне ўлады не спяшаюцца ані рассяляць, ані рэмантаваць. Людзі засялілі страху пасля вайны – часова. Так і жывуць дагэтуль, піша belsat.eu. Дамок на вуліцы Шчаснага, 6 у Горадні мала адрозніваецца ад суседніх. Звычайны стары будынак, які некалі будаваўся для адной сям’і. Хто б мог падумаць, што […]
© 2012 Грамадcкае аб'яднанне "Цэнтр інфармацыйнай падтрымкі грамадcкіх ініцыятыў "Трэці сектар"
Каталог TUT.BY