Далучайцеся да акцыі “Зробім свет лепшым”!

Змяніць памер шрыфта Болей Меней Скінуць
Далучайцеся да акцыі “Зробім свет лепшым”!

Запрашаем далучыцца да сумеснай дабрачыннай акцыі, арганізаванай праграмай “Універсітэт Залатога Веку” і грамадскім аб’яднаннем “Гродзенскі дзіцячы хоспіс” з нагоды Міжнароднага Дня валанцёра.

24 лістапада ў межах акцыі адбудзецца майстар-клас па вырабе сувеніраў да выставы, які ладзіць ГА “Гродзенскі дзіцячы хоспіс”. Удзел у ім прымуць дзеці, бацькі, валанцёры і валанцёры арганізацыі. Слухачы УЗВ таксама могуць узяць удзел у майстар-класе і далучыцца да вырабу сувеніраў. Можна таксама прынесці ўжо гатовыя сувеніры. Сустрэча будзе праходзіць па адрасе вул. Курчатава, 41 (Дзевятоўка), Чырвоны Касцёл. Пачатак у 18.45.

Усе сувеніры, зробленыя ўдзельнікамі майстар-класа будуць выстаўленыя на дабрачыннай выставе-кірмашы “Зробім свет лепшым” 4 снежня, якая адчыніцца ў памяшканні лютэранскай кірхі (вул. 1 Мая, 5). Разам з выставай можна будзе паглядзець тэатральнае прадстаўленне, падрыхтаванае падапечнымі і валанцёрамі “Гродзенскага дзіцячага хоспіса”.

Праграма “Універсітэт Залатога Веку” супрацоўнічае з “Гродзенскім дзіцячым хоспісам” ужо некалькі год. Сталыя гарадзенцы рэгулярна бяруць удзел у дабрачынных акцыях гэтай арганізацыі. Сумесныя дабрачынныя кірмашы,на якіх збіраліся сродкі на патрэбы цяжка хворых дзяцей, ужо некалькі разоў праходзілі ў час Калядных вечарынаў і іншых мерапрыемстваў УЗВ.

Сусветны дзень валанцёра адзначаецца з 1985 г. па ініцыятыве Арганізацыі Аб’яднаных Нацый.

Аднымі з самых актыўных валанцёраў у свеце з’яўляюцца сталыя людзі. Слухачы УЗВ толькі падцвярджаюць гэты факт – штогод імі ладзіцца каля 10 дабрачынных валанцёрскіх акцый, накіраваных на дапамогу тым, хто апынуўся ў цяжкай сітуацыі. На базе праграмы дзейнічае валанцёрская група “Малодшы брат, малодшая сястра”. Зараз ідзе праца па стварэнні Цэнтра міжпакаленчага паразумення, які аб’яднае маладых і сталых гарадзенскіх валанцёраў.

Праект “Паляпшэнне якасці жыцця сталых людзей праз адукацыю, актывізацыю і валанцёрскую дапамогу” рэалізуецца грамадскім аб’яднаннем “Цэнтр “Трэці сектар” і прафінансаваны Фондам “Памяць, адказнасць і будучыня” (EVZ) у межах праграмы “Месца сустрэчы: дыялог”. Арганізатар праграмы ў Беларусі – міжнароднае грамадскае аб’яднанне “Узаемапаразуменне”.

Гэтая публікацыя не адлюстроўвае меркаванне фонда EVZ. Адказнасць за змест нясе аўтар/нясуць аўтары.

06 Лістапада 2015 | Няма каментароў | Пазнакі: ,

Дадаць каментар

  • Універсітэт Залатога Веку

    Універсітэт Залатога Веку

    Сайт праекта, скіраванага на сацыяльную і інтэлектуальную актывізацыю сталых людзей. Вучыцца ніколі не позна!

    Школа маладога журналіста

    Школа маладога журналіста

    Праект для тых, хто хоча паспрабаваць свае сілы ў журналістыцы. Працуе ў Гродне з 1997 г.! Далучайся!

Чытай

Чытаць навiны на hrodna.life
  • «Наш падарунак гораду». Каля хлебазавода адкрылі “Хлебнае дрэва”
    Скульптуру “Хлебнае дрэва” адкрылі 19 верасня на вуліцы Дзяржынскага ў Гродне. Помнік прымеркаваны да 80-годдзя “Гроднахлебпрама”. Аўтарамі скульптуры з’яўляюцца гродзенскія майстры Юрась Мацко і Генадзь Бергер. «”Хлебнаt дрэва” – гэта знак павагі хлебаробам, рукамі якіх робіцца гэты святы прадукт, – распавядае генеральны дырэктар “Гроднахлебпрама” Віктар Леановіч. – Гэта даніна павагі працаўнікам палёў, якія вырасцілі і […]
  • Выбары 2019: у цэнтры Гродна нагадалі пра нацыянальныя сімвалы
    19 верасня на Савецкай плошчы прайшоў чарговы перадвыбарчы пікет прэтэндэнта ў кандыдата ў дэпутаты Вадзіма Саранчукова. У час размовы з кандыдатам кожны мог сфатаграфавацца з нацыянальнымі сімваламі Беларусі, якія зацвердзілі роўна 28 гадоў таму. “У нас праходзіць пікет па зборы подпісаў і разам з тым мы вырашылі нагадаць гродзенцам і гасцям горада, што было 28 […]
  • Карпачо з марскога грабеньчыка і размарынавы шот. У Гродне адкрыўся рэстабар “Rozmarin”
    Рэстабар “Rozmarin” на Савецкай, 10 запрацаваў у тэставым рэжыме з суботы 14 верасня. За некалькі дзён у яго ўжо з’явіліся пастаянныя кліенты, якія ходзяць туды штодня. Уладальнікі пазіцыянуюць сваю ўстанову як “тэрыторыю добрай ежы і прыемнай атмасферы”. У меню будуць нязвыклыя для Гродна рыбныя далікатэсы і крафтавыя шоты. – Кухня ва ўстанове еўрапейская з італьянскімі […]
  • “Мы ў Беларусі не мігранты”. Палякі Гродзеншчыны праводзяць акцыю перад перапісам насельніцтва
    Прадстаўнікі польскага фонду “Młode Kresy” напярэдадні перапісу насельніцтва ў Беларусі праводзяць акцыю “Pamiętam Kim Jestem” (Памятаю хто я). Яна накіравана на тое, каб мясцовыя палякі менавіта так запісвалі сваю нацыянальнасць. Для гэтага актывісты ў бліжэйшы час пачнуць расклейваць плакаты і налепкі, якія нагадваюць пра надыходзячы перапіс насельніцтва. Трэці перапіс насельніцтва ў гісторыі незалежнай Беларусі пройдзе […]
© 2012 Грамадcкае аб'яднанне "Цэнтр інфармацыйнай падтрымкі грамадcкіх ініцыятыў "Трэці сектар"
Каталог TUT.BY