Даведайся пра Польшчу – Get to know about Poland

Змяніць памер шрыфта Болей Меней Скінуць
Даведайся пра Польшчу – Get to know about Poland

Запрашаем да ўдзелу ў праекце “Get to know about Poland” – даведацца пра Польшчу, навучыцца метадам нефармальнай адукацыі і абмяняцца ведамі з іншымі маладымі людзьмі з Польшчы, Арменіі, Азербайджану, Беларусі, Чэхіі, Грузіі, Венгрыі, Малдовы, Румыніі, Славакіі і Украіны.

Інстытут усходніх ініцыятыў пры падтрымцы Міністэрства замежных спраў Рэспублікі Польшча арганізоўваюць доўгатэрміновы адукацыйны праект “Get to know about Poland” (“Даведайся пра Польшчу”) у сакавіку-лістападзе 2015.

Займацца першасным адборам і падрыхтоўкай беларускіх удзельнікаў будзе ГА “Цэнтр “Трэці сектар”, партнёр у гэтым праекце.

Мэта – распавесці пра культуру і добрыя практыкі Польшчы і спрыяць развіццю міжкультурнага дыялога паміж удзельнікамі з краінаў ЕС, Вышэградскай групы (Чэхія, Славакія, Венгрыя, Польшчы) і краін Усходняга партнёрства (Беларусь, Украіна, Малдова, Грузія, Арменія, Азербайджан).

Арганізатары праекта ставяць сабе задачы:

-Падзяліцца метадамі нефармальнай адукацыі.

-Падтрымаць выкладчыкаў і працаўнікоў з моладдзю, якія будуць распавядаць пра Польшчу ў сваёй працы.

-Абмяняцца досведам працы з моладдзю, наладзіць сувязі паміж арганізацыямі, якія будуць прадстаўляць удзельнікі.

Праект будзе складацца з дзвюх галоўных частак:

1. Летняя школа для культурніцкіх менеджараў у Кракаве (18-26 ліпеня)

Інтэнсіўная праграма, якая дазволіць удзельнікам – моладзевым лідарам і працаўнікам, прадстаўнікам культурніцкіх і адукацыйных устаноў, грамадскім актывістам, студэнтам і культурніцкім менеджарам з Арменіі, Азербайджану, Беларусі, Чэхіі, Грузіі, Венгрыі, Малдовы, Румыніі, Славакіі і Украіны – пазнаёміцца з польскай гісторыяй і культурай, эканомікай і самакіраваннем, даведацца пра метады нефармальнай адукацыі (адмысловы падручнік і кароткаметражныя фільмы). У праграме будзе некалькі экскурсій.

2. Польская вечарына ў Беларусі (жнівень-верасень)

Удзельнікі летняй школы з усіх краін будуць арганізоўваць польскія культурніцка-адукацыйныя вечарыны ў сваіх краінах, дзе змогуць падзяліца набытымі ведамі пра Польшчу і навыкамі выкарыстоўвання метадаў нефармальнай адукацыі.

Умовы: Афіцыйная мова падзеі – ангельская. Выдаткі на пражыванне і харчаванне аплочваюцца цалкам, на дарогу для беларускіх удзельнікаў прадугледжана да 800 злотых (грошы вяртаюцца па фактычных квітках). Удзельнікам без візы будзе аказаная візавая падтрымка, але ў выпадку адмовы консульства выдаць бескаштоўную візу, плата за візу будзе з’яўляцца дабрачынным унёскам удзельніка. ГА “Цэнтр “Трэці сектар” будзе займацца падрыхтоўкай беларускіх удзельнікаў і падтрымкай вечарыны, зарганізаванай удзельнікамі па вяртанні ў Беларусь.

Профіль удзельнікаў: ад кожнай краіны будзе адабрана 2 удзельнікі (моладзевыя лідары і працаўнікі, прадстаўнікі культурніцкіх і адукацыйных устаноў, грамадскія актывісты, студэнты або культурніцкія менеджары) ва ўзросце ад 18 да 30 год, зацікаўленыя ў Польскай культуры і прымяненні здабытых ведаў, свабодна валодаючыя ангельскай мовай (афіцыйная мова праекта), а таксама тыя, хто ўжо мае досвед арганізацыі сваіх уласных ініцыятыў і падзей.

Для таго, каб паўдзельнічаць у конкурсе, неабходна па-ангельску запоўніць заяўку і даслаць на электронную скрыню 3sektaryia@gmail.com з пазнакай Get to know about Poland да 15 красавіка 2015 г.

З 23 красавіка да 15 траўня тыя кандыдаты, што пройдуць у другі тур адбору, будуць праходзіць скайп-сумоўі з польскімі арганізатарамі. Фінальныя вынікі адбору будуць вядомыя 18 траўня.

 

Больш інфармацыі пра ўсе стадыі праекта можна пачытаць у падрабязным апісанні. Падзея ў Фэйсбуку.

Дадаць каментар

  • Універсітэт Залатога Веку

    Універсітэт Залатога Веку

    Сайт праекта, скіраванага на сацыяльную і інтэлектуальную актывізацыю сталых людзей. Вучыцца ніколі не позна!

    Школа маладога журналіста

    Школа маладога журналіста

    Праект для тых, хто хоча паспрабаваць свае сілы ў журналістыцы. Працуе ў Гродне з 1997 г.! Далучайся!

Чытай

Чытаць навiны на hrodna.life
  • У Гродне шукаюць дзяўчыну, якая магла з’ехаць у Маскву (абноўлена)
    У Кастрычніцкі РАУС з заявай звярнуўся мужчына. Ён паведаміў аб знікненні яго дачкі – Жукоўскай Веранікі Сяргееўны 2001 года нараджэння. Слядоў крымінальнага знікнення не выяўлена, паведамляе grodno.mvd.gov.by. Дзяўчына знойдзена. Яе знайшлі супрацоўнікі міліцыі ў Пінску. З ёй усё добра. Прыкметы: на выгляд 18-19 гадоў, рост 165-170 см, хударлявага целаскладу, валасы цёмныя трохі ніжэйшыя за плечы […]
  • У Гродне зафіксавалі выпадак малярыі
    Завазны выпадак малярыі зарэгістравалі ў Гродне. У Гродзенскую абласную інфекцыйную клінічную бальніцу звярнуўся 26-гадовы гродзенец. Першапачаткова ў мужчыны дыягнаставалі вострую рэспіраторную інфекцыю і ліхаманку невядомай этыялогіі. Калі ён паведаміў, што днямі вярнуўся з Афрыкі, было праведзена адпаведнае абследаванне па выкрыцці ўзбуджальніка, паведамляе tvgrodno.by. Як аказалася, гродзенец знаходзіўся на Мальдывах і па працы выехаў у Анголу – небяспечную […]
  • Стала вядома, калі ў Гродне пройдзе Фестываль нацыянальных культур
    XIII Рэспубліканскі фестываль нацыянальных культур у Гродне пройдзе 5-6 чэрвеня, паведаміла журналістам дырэктар Рэспубліканскага цэнтра нацыянальных культур Вольга Антаненка, перадае БЕЛТА. На фестывалі будуць прадстаўлены 35 нацыянальнасцей. Зараз збіраецца матэрыял ад дыяспар, каб стварыць кнігу аб нацыянальных культурных грамадскіх аб’яднаннях з Беларусі, якія пастаянна ўдзельнічаюць у фестывалі. Ад кіраўнікоў дыяспар паступіла прапанова правесці на палях […]
  • Мікалай Салянік заплаціць штраф за непавагу да суда
    Актывісту прысудзілі 15 базавых за непавагу да суда. Мікалай абскарджваў рашэнне суда Кастрычніцкага раёна, які прысудзіў яму агулам 45 базавых за акцыю за незалежнасць. Падчас паседжання ў знак пратэсту ён прыкаваў сябе ланцугом да бар’ернай стойкі ў залі суда і адмовіўся пакідаць памяшканне. Супрацоўнікам дэпартамента аховы прыйшлося выклікаць МНС, каб вызваліць актывіста ад ланцуга,  і хуткую, каб […]
© 2012 Грамадcкае аб'яднанне "Цэнтр інфармацыйнай падтрымкі грамадcкіх ініцыятыў "Трэці сектар"
Каталог TUT.BY