ЕВС у Нямеччыне: “Гэта адчыняе перад табой новыя перспектывы мыслення”

Змяніць памер шрыфта Болей Меней Скінуць
ЕВС у Нямеччыне: “Гэта адчыняе перад табой новыя перспектывы мыслення”

З 11 верасня валанцёрка ГА “Цэнтр “Трэці сектар” Аліна Курнасевіч знаходзіцца на гадавым ЕВС-праекце ў Вюрцбурзе, Нямеччына. Аліна распавядае пра свой праект, дзеліцца сваімі ўражаннямі і думкамі:

Калі нехта запытвае, чым я тут займаюся, а адказваю: “Дапамагаю ўцекачам вывучаць нямецкую мову і культуру”. На гэта людзі рэагуюць па-рознаму. Хтосьці кажа: “Гэта, напэўна, вельмі цяжка”, а нехта проста кажа “Зразумела”, але думае “няўжо нічога лепей не знайшла?” (але такіх, на шчасце, не так ужо і шмат). Шчыра кажучы, перад пачаткам праекта я і сама не разумела, крута гэта ці не, цяжка ці не вельмі, але зараз я магу сказаць, што так, гэта няпроста і патрабуе шмат цярпення і самааддачы, але затое гэта вельмі цікава і адчыняе перад табой новыя перспектывы мыслення.

Працую я ў школе прафесійнай адукацыі імя Дона Боска, і школа гэтая няпростая. Гэта вельмі сучасная школа, абсталяваная па апошнім слове тэхнікі, якая навучае маладых людзей розным прафесіям па нямецкай дуальнай сістэме (гэта калі навучэнцы два ці тры разы на тыдзень наведваюць школу і вывучаюць тэорыю і базавыя практычныя навыкі, а ў астатні час працуюць і ўжываюць навыкі на рэальнай практыцы). Але выключнасць гэтай школы заключаецца ў тым, што працуе яна з асаблівай моладдзю, а менавіта з тымі, хто знаходзіцца ў неспрыяльнай сацыяльнай сітуацыі або мае асаблівасці ў развіцці. Акрамя таго, яна займаецца інтэграцыяй уцекачоў, у чым я прымаю актыўны ўдзел.

А ці не страшна табе было ехаць менавіта на такі праект?

Насамрэч, асноўнай маёй матывацыяй паехаць менавіта на гэты праект было жаданне праверыць на трываласць стэрэатып пра тое, што ўцекачы – гэта «ўтрыманцы, што прыехалі жыць за кошт паслухмяных падаткаплацельшчыкаў і не жадаюць працаваць». Прабыўшы на праекце ўжо амаль тры месяцы, я зразумела, адкуль у гэтага стэрэатыпу растуць ногі, але ён далёка не адпавядае рэчаіснасці. Больш за тое, стэрэатып пра тое, што ўсе ўцекачы – гэта сірыйцы, таксама з’яўляецца памылковым (прынамсі не ў школе, дзе я працую). Куды больш уцекачоў з Афганістана і з Ірана. Таксама вельмі шмат уцекачоў з краін Афрыканскага кантынента: Малі, Самалі, Эрытрэі і іншых. І калі паслухаеш, як людзі на працягу года або некалькіх на розных відах транспарту, пешкі і ўплаў, з адной часткі свету ў другую, часцей за ўсё праз Турцыю, суткамі без ежы і вады, начуючы «пад мостам», пакінуўшы сям’ю і родных , а хтосьці нават страціўшы іх назаўсёды, спрабуюць дабрацца да Нямеччыны ў пошуках лепшага жыцця, хочаш-не хочаш, а пачынаеш глядзець на іх жыццё, ды і на сваё таксама, зусім па-іншаму.

Ці моцна адрозніваецца нямецкая школа ад беларускай?

Адрозніваецца значна, але і падобныя моманты таксама ёсць: тут таксама ёсць свае праблемы, нязгоды з міністэрствам адукацыі, шмат бюракратыі (хаця яна нашмат больш апраўданая). З адрозненняў першае, што кінулася ў вочы, гэта зусім іншая атмасфера ў школе, як сярод навучэнцаў, так і настаўнікаў: лёгкая і нязмушаная. Хоць і з нямецкім менталітэтам таксама прыйшлося сутыкнуцца: вельмі ж яны любяць прытрымлівацца правілаў, таму давялося прыкласці трохі высілкаў, каб знайсці агульную мову.

Ну а акрамя працы ёсць чым заняцца?

Ну вядома! Вюрцбург – хоць і невялікае мястэчка, але затое вельмі прыгожы і ўтульны. Я не стамляюся атрымліваць асалоду ад віду на замак, ратушу і кафедральны сабор, кожны дзень праходзячы праз стары мост на Майне, ідучы з прыпынку на працу. Да таго ж вечаровую праграму для сябе таксама можна арганізаваць: можна пайсці на моўны абмен і пагутарыць на розных мовах, у тэатр, клуб або бар. Усё залежыць ад інтарэсаў. А можна ўзяць і паехаць на выходныя ў Нюрнберг або Бамберг. Дарэчы, у снежні па ўсёй Нямеччыне праходзяць калядныя кірмашы, на якіх можна купіць шмат розных рэчаў і падарункаў на Каляды, ці проста пахадзіць і палюбавацца, ну і выпіць глінтвейну, вядома.

Ці параіла б ты іншым паехаць на ЕВС?

Вядома! Гэта зусім новы і незвычайны досвед, са сваім цяжкасцямі, узлётамі і падзеннямі, але які дазваляе шмат чаго даведацца як аб іншай краіне і культуры, так і пра сябе.

Здымкі аўтаркі

Дадаць каментар

  • Універсітэт Залатога Веку

    Універсітэт Залатога Веку

    Сайт праекта, скіраванага на сацыяльную і інтэлектуальную актывізацыю сталых людзей. Вучыцца ніколі не позна!

    Школа маладога журналіста

    Школа маладога журналіста

    Праект для тых, хто хоча паспрабаваць свае сілы ў журналістыцы. Працуе ў Гродне з 1997 г.! Далучайся!

Чытай

Чытаць навiны на hrodna.life
  • «Кухар у курылцы» і «чалавек з нажом». Шэф з Гродна стаў пісьменнікам і прадставіў першую кнігу
    Кнігу «Кухар у курылцы» 31 сакавіка прадставіць гродзенцам шэф-повар кафэ «Веранда» Сяргей Махаўцоў. Гэта шчыры аповяд пра тое, як уладкована кухня, што стаіць за радкамі меню і ветлівымі ўсмешкамі персаналу. «Кухар ў курылцы» – пісьменніцкі дэбют Сяргея. Кніга больш пра эмоцыі і адносіны. Сяргей распавёў Hrodna.Life, што цяпер працуе над другой кнігай, якая будзе кулінарнай […]
  • Еўрасаюз выдзяляе Беларусі грошы на барацьбу з каранавірусам
    У рамках сваіх глябальных дзеяньняў у адказ на ўспышку каранавірусу Эўрапейская камісія гатовая падтрымліваць краіны Усходняга партнэрства і пераразьмеркавала 140 мільёнаў эўра на самыя непасрэдныя патрэбы, у тым ліку і на патрэбы Беларусі, паведамляе Прадстаўніцтва ЭЗ у Беларусі, піша Свабода. Акрамя таго, Эўрапейская камісія перанакіруе сродкі існуючых інструмэнтаў на суму да 700 мільёнаў эўра, каб […]
  • «Выносілі з інсультам, дзядоў, бабак». Што адбываецца ў Іўі, дзе пацьвердзілі выпадак каранавірусу
    У Горадзенскай вобласьці пацьвердзілі чацьвёрты выпадак каранавірусу. Са шпіталя ў горадзе Іўе, дзе ляжыць мужчына, пачалі масава выпісваць пацыентаў, піша Свабода. Як стала вядома Свабодзе, мужчына паходзіць з Івейскага раёну, мае бізнэс, займаецца мэбляй і перавозкамі па Беларусі. Ёсьць жонка і малыя дзеці. Як сказаў газэце «Вечерний Гродно» галоўны дзяржаўны санітарны ўрач Горадзенскай вобласьці Мікалай Кендыш, 50-гадовы прадпрымальнік […]
  • На Гродзеншчыне – новыя заражэнні каронавірусам. Абласны скурвендыспансер зачынілі на каранцін
    Былую чыгуначную больніцу на вуліцы Будзёнага, у якой апошнім часам месціўся Гарадзенскі абласны клінічны скурвендыспансер, зачынілі, уваход абмежаваны. Паводле неафіцыйных звестак, туды завозяць хворых на COVID-19. Адміністрацыя каментаваць адмаўляецца, піша Белсат. Паводле інфармацыі ад нашых чытачоў, яшчэ 27 сакавіка ў лякарню завезлі хворага з падазрэннем на каронавірус. Папярэдне ва ўстанове адмыслова мінімізавалі колькасць пацыентаў са […]
© 2012 Грамадcкае аб'яднанне "Цэнтр інфармацыйнай падтрымкі грамадcкіх ініцыятыў "Трэці сектар"
Каталог TUT.BY