ЕВС-вакансія на праект у Германію

Змяніць памер шрыфта Болей Меней Скінуць
ЕВС-вакансія на праект у Германію

ГА “Цэнтр “Трэці сектар” разам з партнёрамі шукаюць валанцёра_ку на ЕВС-праект у Штральзундзе, Нямеччына.

Пачатак праекта: 1 кастрычніка 2017 г.

Праект будзе доўжыцца 1 год, і скончыцца 30 верасня 2018 г.

Валанцёр будзе працаваць у арганізацыі Jugendkunst e.V.

Jugendkunst e.V. , які ладзіць моладзевую мастацкую школу, займаецца сацыяльнай работай з моладзю і таксама працуе ў Музеі друку ў былым паравым млыне, які ўключаны ў спіс гістарычных будынкаў. Розныя працоўныя часткі заўсёды адкрытыя для грамадскасці, дзяцей і падлеткаў, якія прымаюць удзел у мерапрыемствах. Турысты прыходзяць сюды амаль кожны дзень.

Усе праекты ў арганізацыі плануюцца разам, і кожнае рашэнне прымаецца ўсёй камандай. Большая частка працы выконваецца маленькімі камандамі. Што тычыцца працягласці праектаў, матэрыялаў і інструментаў, да кожнай мэтавай групы свой падыход. Тут грае важную ролю ўзрост удзельнікаў і іх здольнасць да канцэнтрацыі.

Групы, з якімі працуе арганізацыя, адрозніваюцца памерам і ўзростам, і ў працы з імі выкарыстоўваюцца розныя тыпы мастацтва і рамёстваў, такія як трафарэтны друк цішотак, друк плакатаў, стварэнне і выраб настольных гульняў на такія тэмы, як маладосць, сяброўства, каханне ці іншыя, што прапануюцца самімі ўдзельнікамі.

У Jugendkunst e.V. таксама ёсць рэгулярныя групы, напрыклад, курсы моладзевай школы малявання альбо моладзевыя майстэрні. Моладзевыя майстэрні наведваюць розныя кірмашы і выставы ў рэгіёне.

Таксама ў будынку музея і моладзевай мастацкай школы знаходзіцца міжпакаленчы працоўны домік і моладзевы клуб для людзей з інваліднасцю, які арганізаваны Kreisdiakonisches Werk Stralsund
(рэгіянальны адзел дабрабыту і сацыяльных справаў), з якім наладжана супрацоўніцтва, плануюцца агульныя праекты. 

Валанцёрская праца ў Jugendkunst e.V. азначае працу з рознымі людзьмі ў вялікай камандзе  і рэалізацыю праектаў з групамі, якія адрозніваюцца ўзростам, сацыяльным становішчам, досведам і інш. У дадатак у Jugendkunst e.V. ты даведаешся шмат пра тэхнікі друку.

Штральзунд (каля 60 000 жыхароў) добра вядомы сваім старым горадам (сусветная спадчына ЮНЭСКА). Ён знаходзіцца ў паўночна-ўсходняй частцы Германіі, недалёка ад Балтыйскага мора і мяжы з Польшчай.

Негледзячы на тое, што горад невялікі, там праводзіцца шмат спартыўных, культурных і адукацыйных мерапрыемстваў. Сумна не будзе.

Патрабаванні

Да ўдзелу запрашаецца беларуская моладзь 18-30 гадоў, якая не прымала ўдзел у доўгатэрміновым ЕВС-праекце. Перавага пры адборы будзе нададзеная моладзі з Гарадзенскай вобласці.

Выдаткі

Праектам забяспечваецца даезд на месца праекта і назад, страхоўка, пражыванне і харчаванне, а таксама кішаньковыя грошы.

Заяўка

Каб падаць заяўку на ўдзел у праекце, патрэбна не пазней за 20 жніўня (пажадана раней) даслаць матывацыйны ліст і рэзюме з наступнай інфармацыяй на адрас 3sektaryia@gmail.com, з пазнакай “Валанцёрства ў Штральзундзе”:

• Імя, Прозвішча
• Пол і Дата нараджэння
• Месца нараджэння
• Адрас у Беларусі
• E-Mail
• Нумар тэлефону і скайп або вайбер лагін
• Валоданне мовамі (European Reference Framework): Нямецкая, Ангельская, Іншыя
• Чым зараз займаешся (вучоба/праца)

• Які ўнёсак у праект ты можаш зрабіць (досвед, інтарэсы, навыкі, веды)?
• Што для нас важна ведаць пра цябе?
• Якую маеш матывацыю да ўдзелу ў праекце?
• Ці ёсць нейкія абставіны ці абавязкі, якія змогуць перашкодзіць табе паехаць на праект на 12 месяцаў з кастрычніка 2017 года?

Праект ладзіцца ГА “Цэнтр “Трэці сектар” разам з  Kultur- und Initiativenhaus e.V  у межах адной з акцый праграмы Еўразвяза “Эразмус плюс” – Еўрапейская валанцёрская служба (EVS).

Дадаць каментар

  • Універсітэт Залатога Веку

    Універсітэт Залатога Веку

    Сайт праекта, скіраванага на сацыяльную і інтэлектуальную актывізацыю сталых людзей. Вучыцца ніколі не позна!

    Школа маладога журналіста

    Школа маладога журналіста

    Праект для тых, хто хоча паспрабаваць свае сілы ў журналістыцы. Працуе ў Гродне з 1997 г.! Далучайся!

Чытай

Чытаць навiны на hrodna.life
  • Адсочваць чэргі на мяжы можна будзе праз мабільную прыладу
    Ініцыятарам праекта выступіў Дзяржаўны мытны камітэт. Праект ўжо адобраны Саветам міністраў, але дакладнай даты запуску пакуль не называюць, перадае TUT.BY. Падобная прылада ўжо ёсць у Беларусі, але інфармацыя ў ёй абнаўляецца па меры актыўнасці карыстальнікаў. Асаблівасць новага дадатка ў тым, што ў рэжыме рэальнага часу можна будзе даведацца пра чэргі на кожным пункце пропуску, працэдурах […]
  • Дзе спаў Баторый і што знайшлі археолагі: у Гродне чарговы раз абмеркавалі будучыню Старога замка
    Круглы стол, прысвечаны актуальным праблемам рэканструкцыі Старога замка, прайшоў у Гродне 15 кастрычніка. Нагода для сустрэчы спецыялістаў – набліжэнне да канца першай чаргі будаўніцтва на замку. Цяпер улады прыступаюць да стварэння дэтальнага праекта другой чаргі – уласна палаца Стэфана Баторыя. Яго праект таксама намаляваны Уладзімірам Бачковым, аднак будзе яшчэ ў дэталях прапрацаваны архітэктарамі і інжынерамі. Зачыняюць замак каб правесці даследаванні Улады прынцыпова адкрытыя ў справе […]
  • У Гродне адкрываецца бясплатная тэхна-выстава «Сусвет інтэрнэту»
    Упершыню ў Гродне пройдзе выстава «Сусвет інтэрнэту», на якой можна будзе «прагуляцца» па віртуальнай «планеце» і даведацца, як правільна паводзіць сябе ў інтэрнэце. Ролю экспанатаў будуць выконваць генератар надзейных пароляў, kinect-экраны для барацьбы з вірусамі, сэнсарная сцяна і інш. Першую экскурсію для дзяцей і СМІ правядзе Георгій Калдун. «Сусвет інтэрнэту» – гэта сумесны праект Міністэрства […]
  • У Гродне пачалі працы па пабудове вялікага кальца
    Вялікае кальцо вакол Гродна плануюць пабудаваць да 2030 года. Будаўніцтва разбіта на пяць этапаў. Першы з іх – рэканструкцыю былога чыгуначнага маста пад аўтамабільны з выхадам на М6 – ужо ўзялі ў працу, паведамляе «Гродзенская праўда». Цяпер адначасова працуюць над чатырма аб’ектамі пабудовы аб’язной дарогі. На трох з іх задзейнічаны ААТ «Дарожна-будаўнічы трэст №6 г. […]
© 2012 Грамадcкае аб'яднанне "Цэнтр інфармацыйнай падтрымкі грамадcкіх ініцыятыў "Трэці сектар"
Каталог TUT.BY