ЕВС-валанцёры прыехалі працаваць у Гродна

Змяніць памер шрыфта Болей Меней Скінуць
ЕВС-валанцёры прыехалі працаваць у Гродна

У пачатку верасня ў Гродна прыехалі ЕВС-валанцёрка з Польшчы Эвеліна Пачка і ЕВС-валанцёр з Францыі Аксель Груссон. Напрацягу 9 месяцаў яны будуць працаваць у ГА “Цэнтр “Трэці сектар”.

Эвеліна будзе весці клуб польскай мовы і таксама дапамагаць выкладаць польскую мову ва “Універсітэце Залатога Веку”, будзе весці польскі столік на Tandem evenings in Hrodna, а таксама рабіць воркшопы на тэатральную тэматыку.

Аксель будзе ладзіць воркшопы па фотамайстэрстве, лекцыі на тэму гісторыі фота, кінаклуб “Вакол свету”, таксама будзе дапамагаць з выкладаннем французскай мовы ва УЗВ і на Tandem evenings.

Валанцёры пражылі ў Гродна ўжо больш за тыдзень і дзеляцца сваімі ўражаннямі:

Аксель:

“Мне было цікава наведаць месца, якое не карыстаецца папулярнасцю сярод заходніх еўрапейцаў. Для французаў Беларусь – дастаткова невядомая краіна. Таму яна падалася мне вельмі прываблівым месцам.

Мае першыя ўражанні ад Гродна вельмі добрыя, горад выглядае дынамічным у дачыненні да культурнага і мастацкага жыцця, мясцовыя жыхары вельмі ветлівыя.

Калі я прыехаў, акрамя відавочнага моўнага бар’ера, я адчуў некаторыя адрозненні паміж Заходняй Еўропай і Беларуссю, а таксама адрозненні ў архітэктуры. Тут менш савецкіх будынкаў, чым я чакаў, і вельмі шмат старых цэркваў, якія былі нядаўна адрэстаўраваны.

Гродна – вельмі зялёны горад, у ім шмат паркаў, нават у самым цэнтры, што робіць яго спакойным горадам, і гэта вельмі прыкметна.

Я выбраў Гродна з-за яго геаграфічнай блізкасці да Польшчы і Літвы, Гродна –  скрыжаванне моваў і культур, з-за яго важную ролю ў гісторыі Беларусі. Гэты старажытны горад мне, як аматару гісторыі, вельмі цікавы. Гродна – добрае месца, каб пачаць знаёмства з Беларуссю.”

Эвеліна:

“Сёння праходзіць 14 дзён з пачатку майго валанцёрства ў арганізацыі “Цэнтр “Трэці сектар” у Гродне. Паміма таго, што Беларусь – гэта адна з краінаў-суседзяў Польшчы, а адлегласць паміж Варшавай і Гродна складае няпоўных 300 кіламетраў, у гэтым горадзе я ўпершыню. Але гэта не абазначае, што калі я прымала рашэнне сюды прыехаць, я нічога не ведала пра гэтую краіну ці ў мяне не было ніякіх уяўленняў адносна горада і людзей, якія тут жывуць. На меркаванне большасці палякаў, з-за таго, што ў нас шмат агульнага ў культуры і гісторыі, Беларусь з’яўляецца самай блізкай да Польшчы краінай.

У цягніку з Кракава ў Варшаву я ўзгадала момант, калі ўпершыню сутыкнулася са словам “Беларусь”. Гэта было ў ранніх 90-ых гадах, мне было можа 4-5 гадоў і, як штогод, я праводзіла лета ў бабулі і дзядулі на вёсцы, “дапамагаючы” збіраць ураджай. Назва “Беларусь”, якая знаходзілася на трактары, была адным з першых словаў, якое атрымалася ў мяне самастойна прачытаць. Я памятаю таксама, што трактар, выраблены ў Мінску, з’яўляўся першым аўтамабілям, на якім (пад пільным вокам дзеда) я спрабавала сваі сілы як кіроўцы.

Другі з успамінаў, нашмат пазнейшы, звязаны з часамі майго студэнцтва і пражывання ў адным з кракаўскіх інтэрнатаў. На працягу амаль што пяці гадоў маім суседам быў Максім, родам з Гродна, паклоннік гурта Дзецюкі. У сувязі з тым, што сцены ў інтэрнатах не з’яўляюцца самымі тоўстымі, тэксты песень на беларускай мове слухала палавіна нашага інтэрнату.

У Гродна я прыехала, калі лета набліжалася да канца. Усюдыісныя ў горадзе коцікі ляніва грэліся ў апошніх праменнях сонца. Лістота на дрэвах у недалёкім лесе паступова змяняла свае фарбы, з зялёных станавілася залатой і інтэнсіўна чырвонай. Набліжалася восень. Паніжэнне тэмпературы і дождж не перашкодзілі мне ў шпацырах пешкі па цэнтры і перыферыях горада. Сам горад зрабіў на мяне вялікае ўражанне. Падчас першых двух тыдняў, праведзеных у Гродне, у мяне была магчымасць наведваць шматлікія цікавыя месцы, як Стары і Новы замкі, Драматычны тэатр. Па праўдзе кажучы, кожны дзень адкрываю Гродна нанова.

Калі я наведваю гарады, якіх не ведаю, традыцыйна стараюся не карыстацца мапамі, пра дарогу пытаюся ў пешаходаў. Першапачаткова я баялася размаўляць у Гродне з мясцовымі – толькі пачынаю вучыць беларускую мову, а на рускай размаўляю з выразным польскім акцэнтам. Аднак пазітыўна здзіўляюць рэакцыі беларусаў, якія з’яўляюцца не толькі вельмі зычлівымі, калі патрэбная дапамога знайсці дарогу, але таксама вельмі адкрытымі да іншаземцаў. Мне здаецца, што гэта адна з рысаў характару, якой мы, палякі, павінны вучыцца ад нашых усходніх суседзяў.”

У кастрычніку да каманды ЕВС-валанцёраў  ГА “Цэнтр “Трэці сектар” далучыцца валанцёрка з Германіі.

Фота: Аксель Груссон

Дадаць каментар

  • Універсітэт Залатога Веку

    Універсітэт Залатога Веку

    Сайт праекта, скіраванага на сацыяльную і інтэлектуальную актывізацыю сталых людзей. Вучыцца ніколі не позна!

    Школа маладога журналіста

    Школа маладога журналіста

    Праект для тых, хто хоча паспрабаваць свае сілы ў журналістыцы. Працуе ў Гродне з 1997 г.! Далучайся!

Чытай

Чытаць навiны на hrodna.life
  • #прашчальнаесловапрэзідзента. Як гродзенцы смяюцца з прэзідэнта
    Беларусы прагназуюць, што б пра іх сказаў Лукашэнка, калі б яны памерлі ад каранавіруса. Допісы пачалі з’яўляцца пасля таго, як Лукашэнка нетактоўна выказаўся пра дзве смерці ад COVID-19. Беларусы палічылі гэта абуральным і запусцілі флэшмоб. Глядзіце, што пішуць гродзенцы. Да херня вапрос. Баба. Пісят лет. Чэво дальшэ жыць та? Ні ана цібе дзіцей ні радзіт большэ, […]
  • Вербніца ў час пандэміі. Гродзенскія католікі прышлі на святочную імшу ў Фарным касцёле
    У нядзелю 5 красавіка  каталікі адзначылі уваход гасподні ў Іерусалім – Пальмовую, ці Вербную, нядзелю. У сувязі з эпідэміялагічным становішчам вернікам Гродна прапанавалі паўдзельнічаць у набажэнствах анлайн. Але многія гродзенцы вырашылі ўсё-такі наведаць храмы. Як праходзіла святочнае набажэнства ў гродзенскім Фарным касцёле, глядзіце ў рэпартажы БЕЛТА.  The post Вербніца ў час пандэміі. Гродзенскія католікі прышлі […]
  • У Беларусі – 562 выпадкі каранавіруса. 8 чалавек памерла
    Міністэрства аховы здароўя Беларусі апублікавала новыя лічбы колькасці заражаных і памерлых ад каранавіруса. Агульная колькасць пацверджаных выпадкаў інфекцыі вырасла на 28% за дзень. У Беларусі па стане на 05.04.2020 на стацыянарным лячэнні з каранавіруснай інфекцыяй знаходзяцца 502 чалавекі. У большай часткі пацыентаў захворванне працякае ў лёгкай ці сярэдняй форме. Ачунялі 52 чалавекі. 8 пацыентаў памерлі. Як […]
  • Што здарылася з кафэ і барамі Гродна з-за каранавіруса: зніжкі, скарочаны час і нават закрыцці
    Рэстараны, кафэ і бары ў Гродне абмяжоўваюць час працы або часова зачыняюцца. Дыскатэкі працуюць да 23.00, дзейнасць кальянных абмежаваная. Тым часам многія заклікаюць падтрымаць лакальны бізнес і любімыя месцы, каб пасля каранціну вы зноў маглі хадзіць туды. Установы, у сваю чаргу, уводзяць зніжкі ці інакш імкнуцца прыцягнуць наведвальнікаў. Кавярні “Наша Кава” і “Справа” Кавярня працуе […]
© 2012 Грамадcкае аб'яднанне "Цэнтр інфармацыйнай падтрымкі грамадcкіх ініцыятыў "Трэці сектар"
Каталог TUT.BY