Фестываль дакументальнага кіно WATCH DOCS Belarus едзе ў Гродна!

Змяніць памер шрыфта Болей Меней Скінуць
Фестываль дакументальнага кіно WATCH DOCS Belarus едзе ў Гродна!

4 фестывальныя дні і  4 дакументальныя фільмы пра правы чалавека можна будзе пабачыць у Цэнтры гарадскога жыцця з 18 па 21 кастрычніка. Уваход на ўсе прагляды свабодны!

18 кастрычніка, 19.00 – чэшская дакументалка “Белы свет вачыма Даліборэка” (Чэхія, рэж. Віт Клусак)

Фільм –  рэдкае і моцнае спалучэнне дакументалістыкі і камедыйнага жанру. Герой фільма  – прамысловы маляр, рэжысёр-аматар і аўтар гнеўных песень. У свае амаль  сорак гадоў ён дагэтуль жыве з маці. Даліборэк ненавідзіць сваю працу, цыганаў, габрэяў, бежанцаў і гамасэксуалаў, павукоў і стаматолагаў. Грозны ў сацыяльнай рэальнасці і мамчын сынок наяве. Як жыве галоўны герой і ці зменіцца яго жыццё? Віт Клусак, чэшскі рэжысёр з сур’ёзным спісам фільмаграфіі, шукае адказы на гэтыя пытанні дасціпна і пры гэтым абсалютна праўдзіва.

Паглядзець  трэйлер можна тут.

 

19 кастрычніка, 19.00 – фільм “Наш новы прэзідэнт” (Расія, рэжысёр Максім Паздароўкін)

Спецыяльная ўзнагарода журы World Cinema Documentary за мантаж.

Становяцца вядомымі ўсё новыя і новыя падрабязнасці ўмяшання ў прэзідэнцкія выбары ў ЗША ў 2016 годзе і прызнаны кінадзеяч Максім Паздароўкін мантуе з матэрыялаў  YouTube, RT і іншых медыякрыніц шэдэўр расійскай прапаганды, які накіраваны як супраць Клінтан, так і супраць Трампа. Мы трапляем у альтэрнатыўны сусвет дэзінфармацыі і бачым, як ва ўрадлівай глебе прарастаюць зярняты фэйкавых навінаў 2016 года. Фільм атрымаў спецыяльную ўзнагароду журы World Cinema Documentary за мантаж.

Паглядзець  трэйлер можна тут.

 

20 кастрычніка, 17.00 –  беларускі фільм “Дэбют” і сустрэча з рэжысёркай Анастасіяй  Мірашнічэнка.

Перад гледачом развернецца хвалюючы аповяд пра будні жанчын у папраўчай калоніі, для якіх турэмны тэатр – адзіная магчымасць зрабіць крок у новае жыццё. Патрапіўшы надоўга за краты, жанчыны баяцца назаўсёды згубіць падтрымку сям’і. Іх дэбют на прафесійнай сцэне ў Гомельскім драматычным тэатры становіцца нагодай для пошуку адказаў на няпростыя пытанні:  дзе праходзіць мяжа паміж асабістай свабодай і адказнасцю за сваё жыццё?Ці магчыма збавенне віны і вяртанне да жыцця для тых, хто асуджаны законам і грамадствам? Гэтыя і іншыя пытанні можна будзе задаць рэжысёрцы фільма.

Паглядзець трэйлер можна тут.

 

21 кастрычніка, 17.00 – “Мастацтва супраціву ў Буркіна Фасо”(Буркіна Фасо, ЗША, Балгарыя, рэжысёр Лара Лі)

Фільм дэманструе творчы негвалтоўны ўдзел грамадзян Буркіна Фасо ў зменах у краіне.  Невялікая краіна ў Заходняй Афрыцы, якая не мае выхаду да мора, Буркіна Фасо з’яўляецца домам для яскравай супольнасці мастакоў і грамадзян.  Яны паказваюць прыклад таго, якіх зменаў можна дасягнуць, калі людзі збіраюцца разам. Гэта натхненне не толькі для іншых афрыканскіх краін, але і для ўсяго свету. Фільм таксама паказвае групы фермераў, якія стаяць у вытокаў карпаратыўнай сельскай гаспадаркі, жанчын, якія імкнуцца да самавыяўлення. Гэта фільм пра імкненне да міру і справядлівасці, якое праяўляецца праз культурнае выяўленне

Паглядзець трэйлер можна  тут.

 

WATCH DOCS Belarus упершыню з’явіўся ў Мінску ў 2015 годзе высілкамі аднадумцаў – арганізатараў і дзесяткаў валанцёраў. У Гродне фестываль адбываецца ў трэці раз.

Кантакт: zvyano@gmail.com

11 Кастрычніка 2018 | Няма каментароў | Пазнакі: ,

Дадаць каментар

  • Універсітэт Залатога Веку

    Універсітэт Залатога Веку

    Сайт праекта, скіраванага на сацыяльную і інтэлектуальную актывізацыю сталых людзей. Вучыцца ніколі не позна!

    Школа маладога журналіста

    Школа маладога журналіста

    Праект для тых, хто хоча паспрабаваць свае сілы ў журналістыцы. Працуе ў Гродне з 1997 г.! Далучайся!

Чытай

Чытаць навiны на hrodna.life
  • Гэта вам не Гродна. У Мінску затрымалі Вольскага, Вайцюшкевіча, Варашкевіча і Аракеляна
    Музыканты хацелі даць канцэрт у цэнтры Мінску, але іх затрымалі. Пра гэта ў фэйсбуку паведамляе Эдуард Пальчыс. “Улады вельмі добра адпрацоўваюць загад Лукашэнкі ад 1-ага сакавіка на “вялікай размове” – “Бангалор і ніякай актыўнасці ў цэнтры горада, – піша Эдуард. – Толькі што ў бус ціхары суправадзілі Вольскага, Вайцюшкевіча, Варашкевіча і Аракеляна, якія хацелі сыграць […]
  • “Стаць ценем мастака”. Гродзенскі майстар рэстаўруе карціну з Брыгіцкага манастыра
    Аляксей Навумчык з Гродзенскага гісторыка-археалагічнага музея ўжо 8 гадоў рэстаўруе старадаўнія карціны і іконы. Зараз майстар працуе над палатном 17 стагоддзя, якое калісьці вісела ў брыгіцкім манастыры, але было схавана ў часы Савецкага саюза. Гэтай карцінай Аляксей Навумчык пачаў займацца пасля выставы «Сакральная спадчына Панямоння» ў Новым замку. На ёй выстаўлялі палотны, знойдзеныя ў сутарэннях […]
  • У Гродне з’явіцца арачны пешаходны мост
    Мост арачнай канструкцыі злучыць праз Нёман дзве зоны адпачынку. Як распавёў галоўны інжынер праекта, мост будзе шырынёй 4,75 метра, веладарожка зойме два з паловай метры, а пешаходны тратуар – 2,25 метра. Праектам прадугледжана таксама магчымасць перамяшчэння па мосце інвалідам-калясачнікам і бацькам з дзіцячымі вазкамі, паведамляе “Гродзенская праўда”. Пешаходны мост нашмат скароціць шлях з горада да […]
  • У Гродне з-за непатушанага акурка згарэў балкон
    Інцыдэнт адбыўся ўчора на вуліцы Белуша ў 12.15 ў Гродне. У выніку пажару ніхто не пацярпеў, але балкон быў моцна пашкоджаны агнём. Як распавялі “Гродзенскай праўдзе” у гарадскім аддзеле па надзвычайных сітуацыях, жанчына выйшла на балкон, каб папаліць. У нейкі момант у яе зазваніў тэлефон, яна вярнулася ў кватэру. Цыгарэта засталася непатушанай. З-за чаго загарэліся […]
© 2012 Грамадcкае аб'яднанне "Цэнтр інфармацыйнай падтрымкі грамадcкіх ініцыятыў "Трэці сектар"
Каталог TUT.BY