ГА «Цэнтр «Трэці сектар» запрашае да ўдзелу ў адукацыйна-асветніцкай праграме BY_HUB

Змяніць памер шрыфта Болей Меней Скінуць
ГА «Цэнтр «Трэці сектар» запрашае да ўдзелу ў адукацыйна-асветніцкай праграме BY_HUB

17-18 сакавіка ў Гродна адбудзецца трэнінг Як пры дапамозе інтэрнэт-тэхналогій дасягнуць асабістых і арганізацыйных мэтаў”, з якога стартуе адукацыйна-асветніцкая праграма BY_HUB.

BY_HUB (http://www.facebook.com/byhub) – гэта пляцоўка для абмену ідэямі і для зносін людзей, зацікаўленых у тэхналогіях інтэрнэту і эфектыўных камунікацыях дзеля павышэння якасці жыцця грамадства.

Навучальная частка праграмы ўключае ў сябе майстар-класы, лекцыі-гасцёўні, баркэмпы, іншыя мерапрыемствы, якія будуць адпавядаць патрэбам і магчымасцям удзельнікаў.

Да ўдзелу ў праграме запрашаюцца прадстаўнікі грамадскіх арганізацый, журналісты, блогеры, якія зацікаўленыя ў авалодванні сучаснымі інфармацыйна-камунікацыйнымі інтэрнэт-тэхналогіямі, каб эфектыўна выкарыстоўваць іх затым у сваіх праектах, рэдакцыях, арганізацыях або ініцыятывах.

На трэнінгу вы даведаецеся:

  • як з дапамогай інтэрнэт-тэхналогій сабраць каманду і знайсці аднадумцаў для свайго праекта, якія інтэрнэт-тэхналогіі дапамогуць вам каардынавацца ўнутры каманд і знаходзіць новых прыхільнікаў. Вы навучыцеся выбіраць асноўную інтэрнэт-платформу для свайго праекта і ствараць інтэрнэт-прадстаўніцтвы ў сетцы;
  • як узаемадзейнічаць з мэтавымі аўдыторыямі і распаўсюджваць свае ідэі;
  • якія віды інтэрнэт-кантэнту існуюць. Вы навучыцеся эфектыўна ствараць і распаўсюджваць кантэнт у сетцы, мабілізаваць людзей да грамадска-карысных дзеянняў, вымяраць выніковасць сваіх дзеянняў;
  • што  такое асабісты брэнд у інтэрнэце і якія існуюць правілы яго пабудовы, чым карысная тэорыя сацыяльнага графа і якія мабільныя тэхналогіі для тэлефонаў Android, Apple iPhone спатрэбяцца вам падчас працы.

Мы прааналізуем у дзеянні і разгледзім такія тэхналогіі як: Twitter, Facebook, Google docs, Google calendar, Google groups, Google reader, Google alerts, Linkedin, Skype, Pamela, RSS, Mindmap, Balsamiq, editor.pho.to, Youtube, Ustream, Vimeo, Slideshare, Prezi, Fireshot, Bit.ly, Storify, WordPress, Tumblr, Foursquare, Kindle, Stanza, Soundcloud, Pledgebank і іншыя.

Мы таксама параім вам карысныя кнігі, фільмы, відэаролікі, сайты і артыкулы. Ну і, вядома, вас чакаюць новыя знаёмствы, пазітыўныя эмоцыі, групавыя заданні і прыемная атмасфера!

Трэнеры – эксперты-кансультанты па развіцці інтэрнэт-тэхналогій.

Віталь Мароз – эксперт па новых медыя, мадэратар супольнасці медыя-інаватараў MediaNext.

Сяргей Даніленка – эксперт па новых медыя, кіраўнік сіці-гайда Gloss.ua

Час правядзення: 17-18 сакавіка з 9.30 да 18.00 (субота) і з 09.30 да 16.00 (нядзеля)

Месца навучання: г. Гродна. Больш дакладны адрас будзе паведамлены адабраны для ўдзелу ў трэнінгу асобам.

Умовы ўдзелу:

Для ўдзелу ў трэнінгу неабходна да 9 сакавіка (23.00) запоўніць АНЛАЙН-ЗАЯЎКУ.

Увага! Колькасць месцаў абмежаваная і таму заяўкі, дасланыя са спазненнем, разглядацца не будуць.

Інфармацыя пра вынікі адбора будзе дасланая ўдзельнікам да 14 сакавіка.

У выпадку ўзнікнення пытанняў пішыце па адрасе: byhub2012@gmail.com


[1] HUB (ад англ.) – вузел якой-небудзь сеткі;  месца, якое аб’ядноўвае.

Дадаць каментар

  • Універсітэт Залатога Веку

    Універсітэт Залатога Веку

    Сайт праекта, скіраванага на сацыяльную і інтэлектуальную актывізацыю сталых людзей. Вучыцца ніколі не позна!

    Школа маладога журналіста

    Школа маладога журналіста

    Праект для тых, хто хоча паспрабаваць свае сілы ў журналістыцы. Працуе ў Гродне з 1997 г.! Далучайся!

Чытай

Чытаць навiны на hrodna.life
  • Сяргей Саладоўнікаў вяртаецца ў “Нёман”
    Пресс-служба гродненского клуба сообщила о возвращение в Гродно Сергея Солодовникова.  С 21 января специалист назначен директором СДЮШОР “Неман”, он в прошлом сезоне возглавлял перволиговую “Лиду”. Сергей Витальевич в отдельном представлении не нуждается. Достаточно сказать, что в качестве игрока Солодовников сыграл за наш клуб 396 официальных игр, а в качестве главного тренера провёл 355 матчей. Возглавлявший СДЮШОР с […]
  • #10yearchallenge: што і як змянілася ў Беларусі за 10 год, а што засталося без змен
    У сеціве набірае папулярнасць #10yearchallenge: людзі выкладваюць свае сучасныя здымкі і здымкі 10-гадовай даўніны. Hrodna.life параўнаў, як змянілася за гэты перыяд Беларусь. Заробкі Сярэдні заробак па краіне ў 2009 годзе складаў 357$. Дакладна сказаць, якой будзе сярэдня зарплата у 2019 годзе, пакуль немагчыма. Паводле дадзеных за 2018 год – 465$. Згодна з абяцанкамі кіраўніцтва краіны, сёлета заробкі будуць прыкладна на […]
  • Пад Гродна машына пераехала мужчыну, які ляжаў на дарозе
    20 студзеня, а палове на сёмую вечара, у вёсцы Табала кіроўца Renault наехаў на  соракапятилетнего мужчыну, які ляжаў на праезнай частцы. Ад атрыманых траўмаў ён памёр на месцы, паведамляе ДАІ Гродзенскай вобласці. На дадзены момант складана сцвярджаць, ці быў пешаход у стане алкагольнага ап’янення. Мужчына быў апрануты ў цёмную вопратку, на якой меліся святлаадбівальныя элементы. Следчыя яшчэ […]
  • Стала вядома, калі адкрыюць М6 у Гродзенскай вобласці
    На М6 гэтай вясной увядуць яшчэ 120-кіламетровы ўчастак з рухам па чатырох палосах. Ужо цяпер на выпадак недахопу тэхнікі падчас моцных снегападаў і завей РУП «Гродноавтодор» заключыла дамовы з дарожна-будаўнічым трэстам №6 г. Гродна, прадпрыемствамі меліярацыйных сістэм аб дапамозе тэхнікай. Яе рэзерв складае 51 адзінку, піша grodnonews.by. У ходзе абнаўлення аўтамагістралі рэканструявалі дзве вытворча-тэхналагічныя пляцоўкі. […]
© 2012 Грамадcкае аб'яднанне "Цэнтр інфармацыйнай падтрымкі грамадcкіх ініцыятыў "Трэці сектар"
Каталог TUT.BY