Good Impact: гарадзенскія журналісты пазнаёмілся з канцэпцыяй Школы сацыяльнага прадпрыймальніцтва

Змяніць памер шрыфта Болей Меней Скінуць
Good Impact: гарадзенскія журналісты пазнаёмілся з канцэпцыяй Школы сацыяльнага прадпрыймальніцтва

Прэзентацыя Школы для гарадзенскіх журналістаў адбылася 18 ліпеня ў кавярні Coffee Pause. Удзел у сустрэчы бралі таксама ўласніцы трох гарадзенскіх сацыяльных прадпрыемстваў і будучыя наведвальнікі Школы.

Як паведаміла кіраўніца Школы ў Гродне Лана Руднік (на здымку ніжэй зправа), удзел у праекце возьмуць каля 20 жыхароў Гарадзеншчыны, якія плануюць стварыць свой сацыяльны бізнес.

На працягу восені яны будуць знаёміцца з асновамі распрацоўкі ўласных ідэй, сустракацца з вядомымі гарадзенскімі прадпрыймальнікамі, наведваць мясцовыя сацыяльныя прадпрыемствы, карыстацца падтрымкай дасведчаных ментараў.

Аўтары найлепш распрацаваных бізнес-ідэй выйдуць у наступны этап праграмы, дзе змогуць атрымаць дапамогу па рэгістрацыі сваіх сацыяльных прадпрыемстваў і нават невялікую фінансавую падтрымку для іх запуска.

Пра свой досвед стварэння сацыяльнага бізнесу распавялі журналістам дырэктарка кавярні Coffee Pause Сняжана Кудрыцкая, кіраўніца прадпрыемства «Штучки в ваши ручки» Галіна Алісава, а таксама заснавальніца Дзіцячай экастудыі “Ветка” Рыма Ушкевіч.

Уладальніца кавярні Coffee Pause Сняжана Кудрыцкая рэгулярна аддае 10% ад свайго прыбытку на дапамогу дзецям з інваліднасцю

Рыма Ушкевіч стварыла першы ў горадзе экасадок

Сацыяльнае прадпрыймальніцтва прадугледжвае, што прыбытак альбо частка прыбытку ад вытворчасці тавараў альбо паслуг будзе выдаткоўвацца для вырашэння важных сацыяльных праблем  і дзейнасці на карысць грамадства.

Школа сацыяльнага прадпрыймальніцтва Good Impact будзе працаваць сёлета паралельна ў Гродне, Гомелі і Мінску.

У Гродне Школа дзейнічае на базе ўстановы “Цэнтр дадатковай адукацыі дарослых “Студыя карысных кампетэнцый“.

Дзейнасць Школы падтрымліваецца ў межах праграмы Федэральнага міністэрства замежных спраў Германіі “Развіццё супарцоўніцтва з грамадзянскай супольнасцю краін Усходняга Партнёрства і Расіі”. Партнёрам праекта з нямецкага боку з’яўляецца праектная група Coopforum International (Берлін).

Прыём заявак на ўдзел у Школе будзе доўжыцца да 11 жніўня.

Кандыдаты, якія запоўняць заяўкі на ўдзел, будуць запрошаныя на прэзентацыю ідэй сваіх будучых сацыяльных прадпрыемстваў.

Па выніках прэзентацыі і будзе сфармаваная група, якая з верасня пачне навучанне ў Школе.

Форму заяўкі, а таксама дэталёвую праграму Школы можна ўбачыць на старонцы праекта.

Дадаць каментар

  • Універсітэт Залатога Веку

    Універсітэт Залатога Веку

    Сайт праекта, скіраванага на сацыяльную і інтэлектуальную актывізацыю сталых людзей. Вучыцца ніколі не позна!

    Школа маладога журналіста

    Школа маладога журналіста

    Праект для тых, хто хоча паспрабаваць свае сілы ў журналістыцы. Працуе ў Гродне з 1997 г.! Далучайся!

Чытай

Чытаць навiны на hrodna.life
  • Схадзіць у тэатр не выходзячы з дома: На VOKA пакажуць спектакль «Зямля Эльзы» ў прамым эфіры
    Спектакль «Зямля Эльзы» 23 кастрычніка ў 19:00 змогуць убачыць не толькі гледачы ў Купалаўскім тэатры, але і ўсе ахвотныя – бясплатна і ў любой кропцы Беларусі. Відэасервіс VOKA арганізуе прамую трансляцыю з Камернай сцэны найстарэйшага тэатра краіны – як працяг спецыяльнага праекта да 100-годдзя Купалаўскага. Трансляцыя будзе даступна выключна ў прамым эфіры – з любой прылады, […]
  • Пад Гродна вырошчваюць ягады годжы – упершыню ў Беларусі
    У філіяле “Поречанка” ААТ «Гродзенскі мясакамбінат» у якасці эксперыменту пасадзілі экзатычную для нашых шырот тыбецкую ягаду годжы. Яе маюць намер экспартаваць у Польшчу – цяпер каля 200 кілаграмаў. У мінулым годзе тут пасадзілі 0,4 гектара годжи. З часам пасадачную плошчу пашыраць да гектара. Саджанцы балгарскай селекцыі набылі ў Польшчы. Прадпрыемства з Кракава гатова закупляць ягаду […]
  • «Малефісэнта 2»: як унесці ў «Спячую прыгажуню» фашызм, «Гульню тронаў» і індыйскую меладраму
    Пяць гадоў таму кампанія “Дысней” у рамках пераасэнсавання сваіх класічных твораў вырашыла перафарматаваць мультфільм 1959 гады «Спячая прыгажуня». У новай версіі казкі Шарля Перо быў рэзка зменены акцэнт ад прынцэсы, якая заснула вечным сном, на злодейку Малефісэнту. Падступная ведзьма ператварылася ў няшчасную крылатую фею, якая стала ахвярай няшчаснага кахання. На ролю паклікалі прыгажуню Анджэліну Джолі, якая […]
  • Жывёлы шукаюць дом: актыўныя сабакі, кемлівы шчанюк і цуд-кацяня
    Разам з зоаабарончай арганізацыяй “Адданае сэрца” мы рэгулярна публікуем фатаграфіі жывёл, якія шукаюць новы дом і новага любячага гаспадара. Сёння ў нас ласкавыя кацяня і шчанюк, а таксама два сабакі для актыўных гаспадароў. Малышка Максі шукае дом Максі каля 3,5 мес, вырасце сярэдняга памеру. Гэта вельмі кемлівая дзяўчынка, любіць гульні і чалавечую ўвагау. Ідэальны сабачка […]
© 2012 Грамадcкае аб'яднанне "Цэнтр інфармацыйнай падтрымкі грамадcкіх ініцыятыў "Трэці сектар"
Каталог TUT.BY