Горад прыязны да сталых людзей: якім ён павінен быць?

Змяніць памер шрыфта Болей Меней Скінуць
Горад прыязны да сталых людзей: якім ён павінен быць?

Годнае стаўленне ў паліклініках, ільготны праезд, працаўладкаванне, стварэнне ўмоваў для навучання – гэта няпоўны пералік таго, што можна зрабіць, каб Гродна стаў больш прыязным для сталых людзей. Такога меркавання прытрымліваюцца студэнты гарадзенскага “Універсітэту Залатога Веку”, якія зняліся ў роліку, прымеркаваным да Міжнароднага дня сталых людзей.

Міжнародны дзень сталых людзей адзначаецца 1 кастрычніка.

У Беларусі з гэтай нагоды традыцыйна ладзяцца рознага кшталту канцэрты, сустрэчы ветэранаў і г.д. Аднак ці дастаткова гэтага, каб зрабіць жыццё сталага чалавека сапраўды годным?

Кіраўніца праграмы “Універсітэт Залатога Веку” (дзейнічае ў Гродне з 2010 г.) Лана Руднік (на здымку) прытрымліваецца такога меркавання:

Лана Руднік

– “Быць пачутымі, адчуваць сябе патрэбнымі, мець магчымасць развівацца — гэта куды больш важныя рэчы, чым быць запрошанымі ў якасці назіральнікаў на канцэрты, тэатральныя выступы раз на год на Дзень Сталых людзей.

Мы стараемся рабіць усё, каб у нашым горадзе, у нашай краіне нарэшце пачалі распрацоўвацца стратэгіі і мясцовыя планы па спрыянню актыўнаму даўгалеццю, каб сталых людзей успрымалі не як спажыўцоў медыцынскіх і сацыяльных паслуг, але як каштоўны рэсурс для грамадства, каб дзяржава нарэшце зразумела важнасць аб’яднання намаганняў усіх, хто працуе ў кірунку паляпшэння якасці жыцця сталых людзей.

Толькі разам, без падзелу на сваіх і чужых, мы можам зрабіць нашыя гарады і вёскі сапраўды прыязнымі да людзей у любым узросце, дапамагаць сталым людзям адаптавацца да жыцця ў сучасным свеце, вучыцца, максімальна доўгі час падтрымліваць свой фізічны стан, адчуваць павагу з боку грамадства”.

На Гарадзеншчыне, як і ў цэлым па Беларусі, амаль кожны чацьвёрты жыхар ужо дасягнуў пенсійнага ўзросту. З кожным годам колькасць такіх людзей будзе павялічвацца. Без рэфармавання сістэмы сацыяльнай і медыцынскай дапамогі, без падтрымкі ініцыятываў па навучанні, сацыялізацыі і перакваліфікацыі сталых людзей забяспечыць годны ўзровень жыцця гэтых людзей будзе немагчыма.

Таму ўжо зараз важна заняцца стварэннем нацыянальнага і мясцовага планаў дзеянняў па спрыянні актыўнаму даўгалеццю. На гэта, у прыватнасці, звярталі ўвагу ўдзельнікі міжнароднай канферэнцыі, якая адбылася вясной у Гродне.

Распрацаваная ўдзельнікамі рэзалюцыя з канкрэтнымі прапановамі па зместу такіх планаў дзеянняў была накіраваная ў розныя структуры ўлады. Свае водгукі на прапановы даслалі прадстаўнікі некалькіх парламенцкіх камісій, міністэрстваў, аблвыканкамаў.

Праект “Паляпшэнне якасці жыцця сталых людзей праз адукацыю, актывізацыю і валанцёрскую дапамогу” рэалізуецца грамадскім аб’яднаннем “Цэнтр “Трэці сектар” і прафінансаваны Фондам “Памяць, адказнасць і будучыня” (EVZ) у межах праграмы “Месца сустрэчы: дыялог”. Арганізатар праграмы ў Беларусі – міжнароднае грамадскае аб’яднанне “Узаемапаразуменне”.

Гэтая публікацыя не адлюстроўвае меркаванне фонда EVZ. Адказнасць за змест нясе аўтар/нясуць аўтары.

Дадаць каментар

  • Універсітэт Залатога Веку

    Універсітэт Залатога Веку

    Сайт праекта, скіраванага на сацыяльную і інтэлектуальную актывізацыю сталых людзей. Вучыцца ніколі не позна!

    Школа маладога журналіста

    Школа маладога журналіста

    Праект для тых, хто хоча паспрабаваць свае сілы ў журналістыцы. Працуе ў Гродне з 1997 г.! Далучайся!

    Кроніка

    Кроніка грамадзкага жыцця

    Падпішыцеся на рассылку Кронікі грамадзкага жыцця Гарадзеншчыны.

Чытай

Чытаць навiны на hrodna.life
  • Нёман” разграміў “Гомель” і працягвае барацьбу за чацвёртае месца
    У чарговым туры чэмпіянату краіны ў суботу 21 кастрычніка, “Нёман” на сваім полі прымаў “Гомель” і ўпэўнена абыграў суперніка з лікам 3:0. Першы мяч гродзенцы забілi ў канцоўцы першага тайма, а менавіта на 40-й хвіліне. Савіцкаму ўдалося дакладна прабіць штрафны ўдар: мяч трапіў у сценку і зрыкашэціў у кут варот. Два іншых гола гаспадары забілі […]
  • Піліце гіры, яны залатыя! Гродзенец стаў чэмпіёнам свету па гіравым спорце
    Чэмпіёнскае золата і званне майстра спорту міжнароднага класу прынёс сёлетні чэмпіянат свету Сяргею Мацко. Ён займаецца гірамі ад 2006 года, прычым – толькі ў вольны ад асноўнай працы час. Раней гродзенец перамагаў на спаборніцтвах Еўропы. Чэмпіянат у Грэцыі 12-16 кастрычніка стаў для Сяргея першым і адразу пераможным спаборніцтвам сусветнага масштабу. Як знайсці золата ў гірах і […]
  • Летнія танцы працягнуцца восенню. Пад Гродна пройдзе першая ноч танцаў
    “Танцы гродзенскіх дворыкаў” цягам лета вучылі гараджан і турыстаў скакаць пабытовыя беларускія танцы. Зараз шмат хто з наведвальнікаў дворыка на Савецкай можа з веданнем справы станчыць і кракавяк, і польку “з каблучком”. Каб танцоры не заседжваліся па восені, музыкі з дворыка вырашылі сабраць аматараў пабытовых танцаў на цэлую ноч у адной з сядзібаў бліз Гродна. […]
  • Амаль 2 млн еўра атрымаюць Гродна і Саколка на “Шлях Тызенгаўза”
    За гэтыя грошы будуць адрэстаўраваныя былы будынак архіву ў Гродне і камяніца ў цэнтры Саколкі, а два гарады злучыць “Шлях Тызенгаўза”. Грошы вылучаць з праграмы трансгранічнага супрацоўніцтва “Польшча-Беларусь-Україна”. Праект “Шляхам Тызенгаўза – стварэнне турыстычнага маршрута для прасоўвання гістарычнай і культурнай спадчыны Саколкі і Гродна” будзе каштаваць агулам 2,2 млн еўра. Большую частку – 1,9 млн […]
© 2012 Грамадcкае аб'яднанне "Цэнтр інфармацыйнай падтрымкі грамадcкіх ініцыятыў "Трэці сектар"
Каталог TUT.BY