“Горад з OFFу” – выданне пра незалежнае кіно Польшчы і Беларусі

Змяніць памер шрыфта Болей Меней Скінуць
“Горад з OFFу” – выданне пра незалежнае кіно Польшчы і Беларусі

Публікацыя з двухдыскавым дадаткам па выніках праекта “Горад з OFFу – польска-беларуская Акадэмія незалежнага кіно” была выдадзеная ў пачатку гэтага года ў Кракаве. Сам праект у другой палове 2011 года рэалізавалі “Цэнтр “Трэці Сектар” і дзве кракаўскія арганізацыі: Інстытут Усходніх Ініцыятыў і Беларускае Таварыства.

Невялікая публікацыя складаецца з 20-старонкавай польскамоўнай кнігі і дзвюх кружэлак. На адной з іх – кароткія стужкі, знятыя ўдзельнікамі праекта ў розных кінагатунках: фільмы жахаў, нуар, нямое кіно ды іншыя. На другім дыску – пашыраная версія кнігі, у тым ліку на беларускай і ангельскай мовах, а таксама здымкі з праекта і некаторыя іншыя матэрыялы, якія дакументавалі яго рэалізацыю.
У кніжачцы – даволі простай з выгляду, каб адпавядаць агульнай OFF-стылістыцы – кароткае апісанне праекта і створаных удзельнікамі стужак, а таксама два даволі цікавыя артыкулы пра незалежнае кіно ў Польшчы і Беларусі, напісаныя аўтарамі з Кракава і Мінска. Выданне публікацыі першапачаткова не планавалася, але ў сувязі з адмовай у выдачы віз польскай групе і нечаканымі зменамі ў другой частцы праекта, арганізатары вырашылі трывала захаваць вынікі праекта і адначасова зрабіць для ўдзельнікаў падарунак.
Выдаўцы пастараліся, каб публікацыя атрымала нумар ISBN, што дазволіла ёй ужо трапіць у некалькі буйных польскіх бібліятэк і ў некаторыя недзяржаўныя арганізацыі і іншыя інстытуцыі.

11 Траўня 2012 | Няма каментароў |

Дадаць каментар

  • Універсітэт Залатога Веку

    Універсітэт Залатога Веку

    Сайт праекта, скіраванага на сацыяльную і інтэлектуальную актывізацыю сталых людзей. Вучыцца ніколі не позна!

    Школа маладога журналіста

    Школа маладога журналіста

    Праект для тых, хто хоча паспрабаваць свае сілы ў журналістыцы. Працуе ў Гродне з 1997 г.! Далучайся!

Чытай

Чытаць навiны на hrodna.life
  • Як ашуканцы зарабляюць на перапісу насельніцтва
    У пачатку гэтага тыдня па дамах на вуліцы Ажэшкі хадзілі людзі і прапаноўвалі набыць і ўсталяваць фільтры для ачысткі вады. Яны называлі сябе супрацоўнікамі кампаніі, якая дзейнічае па замове Гродзенскага цэнтра гігіены і эпідэміялогіі. Маўляў, у горадзе адбываецца пагаршэнне якасці вады, таму эпідэміёлагамі ініцыяваная ўстаноўка фільтраў ачысткі, паведамляе grodno.mvd.gov.by. Так ашуканцы спрабуюць нажыцца ў асноўным […]
  • Глядзіце, дзе ў Гродне з’явіцца новы мікрараён
    Плошчы былой вайсковай часці патрабуюць тэрміновага добраўпарадкавання. На такую праблему звяртаюць увагу гарадскіх уладаў жыхары мікрараёна Фолюш у Гродне, паведамляе tvgrodno.by. Тэрыторыя калісьці рэжымнага аб’екта, сігналізуюць грамадзяне, ператварылася ў сапраўдны сметнік. Пустыя будынкі застаюцца безгаспадарнымі і незапатрабаванымі. Да таго ж закінутыя пабудовы сталі кропкай прыцягнення для падлеткаў. Былыя вайскоўцы перажываюць і кажуць, што за будынкам не […]
  • Дом Ажэшкі і Лідскі замак. У філармоніі адкрываюць выставу мініяцюр
    У фае абласной філармоніі адкрываюць выставу мініяцюр. Тут можна ўбачыць гродзенскі домік Элізы Ажэшкі, Мірскі і Лідскі замкі, Ашмянскую сінагогу і многае іншае, піша grodnonews.by. – Галоўная асаблівасць гэтай выставы ў тым, што аўтары прадстаўленых на ёй работ – жыхары Прынямоння. Яна стала вынікам абласнога творчага конкурсу бібліятэкі імя Я.Ф.Карскага «Архітэктурныя помнікі малой радзімы», – […]
  • Што кажуць улады пра «закон супраць прапаганды ЛГБТ»
    Пра падрыхтоўку закону аб забароне «прапаганды ЛГБТ» у Беларусі паведаміў на сваёй Facebook-старонцы ЛГБТ-актывіст Андрэй Завалей. Актывіст выставіў і 14 старонак «аргумэнтаў», якія нібыта даслалі ў Міністэрства адукацыі з Нацыянальнага цэнтру заканадаўства і прававых дасьледаваньняў, піша svaboda.org. Дакумэнт: «ЛГБТ-прапаганда дыскрэдытуе інстытут сям’і» У дакумэнце прапануецца ўвесьці крымінальную і адміністрацыйную адказнасьць за «распаўсюджваньне інфармацыі, якая дыскрэдытуе інстытут сямʼі […]
© 2012 Грамадcкае аб'яднанне "Цэнтр інфармацыйнай падтрымкі грамадcкіх ініцыятыў "Трэці сектар"
Каталог TUT.BY