Халоднае лета 1997-га: пішам гісторыю грамадскага руху Гарадзеншчыны

Змяніць памер шрыфта Болей Меней Скінуць
Халоднае лета 1997-га: пішам гісторыю грамадскага руху Гарадзеншчыны

Напярэдадні 20-годдзя нашай арганізацыі працягваем гартаць старонкі гісторыі грамадскага руху на Гарадзеншчыне.

 

Скандальная справа Шарамета-Завадскага

Летам 1997-га Беларусь скалануў першы рэзанансны канфлікт уладаў з незалежнымі журналістамі. Наступ па свабоду слова ўжо быў заўважны ў краіне і з кожным годам прагрэсаваў, але каб журналістаў кідалі за краты – такое здарылася ўпершыню.

26 ліпеня супрацоўнікамі КГБ была затрыманая здымачная група Грамадскага Расійскага тэлебачання ў складзе Паўла Шарамета, Дзмітрыя Завадзкага і Яраслава Аўчыннікава. Ужо праз два дні ўсе яны апынаюцца ў ізалятары часовага ўтрымання, а затым і ў следчым ізалятары гарадзенскай турмы.

Журналістаў вінавацяць у незаконным пераходзе беларуска-літоўскай мяжы ў час здымкі сюжэта (31 ліпеня Аляксандр Лукашэнка заяўляе пра наяўнасць фактаў супрацы Шарамета з замежнай выведкай), але ўсе добра разумеюць, што гэта помста журналістам за крытычныя матэрыялы ў бок беларускай улады.

Актывісты 24 грамадскіх арганізацый Гродна (у тым ліку аб’яднання “Ратуша”, “Цэнтру “Трэці сектар”, Моладзевага прэс-клубу і інш.), прымаюць заяву з патрабаваннем неадкладнага вызвалення журналіста. Звыш трох тысячаў гарадзенцаў паставяць свае подпісы ў абарону журналістаў.

Мясцовыя журналісты, прадстаўнікі грамадскіх арганізацый, родныя і блізкія журналістаў дзяжураць ля месцаў, дзе дапытваюць затрыманых.
Першым, яшчэ 6 жніўня, пад падпіску аб нявыездзе выходзіць Яраслаў Аўчыннікаў. Праз месяц, 5 верасня, на волю выйшаў Дзмітрый Завадзкі.

За кратамі застаецца толькі Шарамет, пытанні вызвалення якога вырашаюцца на найвышэйшым узроўні (паміж Лукашэнкам і Ельцынам).

Карыкатура Алеся Сурава, апублікаваная ў чацьвёртым выпуску бюлетэню “Трэці сэктар”,  не згубіла актуальнасці і сёння

Змрочных фарбаў у агульную карціну дачыненняў уладаў і грамадзянскай супольнасці дадае працяг вайны супраць прадстаўніцтва Фонда Сораса ў Беларусі.

3 верасня Джордж Сорас робіць заяву, у якой “з вялікім шкадаваннем” паведамляе пра тое, што “дзеянні беларускіх уладаў прывялі да закрыцця Беларускага фонду Сораса”.

Жыццё працягваецца

Нягледзячы на пагаршэнне ўмоваў для працы, у 1997-м на Гарадзеншчыне працягвалася стварэнне новых грамадскіх ініцыятываў.

Так, у пачатку чэрвеня пачаў сваю працу дабрачынны габрэйскі фонд “Нахум”, у канцы лета ў Лідзе адчыніўся Польскі дом.

Вядомы гарадзенскі журналіст і пісьменнік Сяргей Астраўцоў (на здымку злева) выдаў першы і адзіны нумар часопісу “Апострафы”.

Дакументы на афіцыйную рэгістрацыю падалі сябры грамадскага аб’яднання “Цэнтр інфармацыйнай падтрымкі грамадскіх ініцыятыў “Трэці сектар” (быў зарэгістраваны 9 верасня 1997 г.).

У канцы лета “Цэнтр “Трэці сектар” разам з культурніцка-асветніцкім фондам “Бацькаўшчына” (кіраўнік Мікола Маркевіч) і Моладзевым Прэс-Клубам абвясцілі другі набор у “Школу маладога журналіста”.

Малюнак Андрэя Чарнякевіча

Заяўкі на навучанне падалі больш за 100 чалавек, сярод якіх – вядомыя сёння журналісты Павал Мажэйка, Марыя Садоўская-Комлач, Андрэй Мялешка.

У Друскеніках у пачатку жніўня прайшлі навучальныя курсы па падрыхтоўцы трэнераў, якія ладзіў польскі фонд “Адукацыя для дэмакратыі”.

Удзельнікі гэтых курсаў складуць пазней аснову трэнерскіх каманд грамадскіх аб’яднанняў “ВІТ” і “Цэнтр “Трэці сектар”, а таксама сталічнага “Цэнтру Пост”.

Трэнеры гарадзенскага абласнога грамадскага аб’ядання “ВІТ” (злева направа Ігар Кузьмініч, Сяргей Салей, Вітаўт Руднік) пасля аднаго з трэнінгаў у 1998 г.

Летам 97-га сваю ўстаноўчую канферэнцыю правялі і гарадзенскія актывісты “Беларускага Патрыятычнага Саюзу Моладзі”.

Лідэрам абласной праўладнай арганізацыі быў абраны Аляксей Сівірчукоў (на той момант віцэ-прэзідэнт асацыяцыі самба).

Аляксей Сівірчукоў ачольвае сёння валейбольны клуб “Гарадзенскі камунальнік”

Чытай таксама:

Вясна 1997-га: гарадзенскія моладзевыя арганізацыі не прагінаюцца пад БПСМ, Домаш стварае “Гарадзенскую ініцыятыву”

 

Шалкевіч гастралюе за грошы Сораса, у Гродне ствараецца “Рада-23”, а ў Мінску – “Прямое действие”

Дадаць каментар

  • Універсітэт Залатога Веку

    Універсітэт Залатога Веку

    Сайт праекта, скіраванага на сацыяльную і інтэлектуальную актывізацыю сталых людзей. Вучыцца ніколі не позна!

    Школа маладога журналіста

    Школа маладога журналіста

    Праект для тых, хто хоча паспрабаваць свае сілы ў журналістыцы. Працуе ў Гродне з 1997 г.! Далучайся!

Чытай

Чытаць навiны на hrodna.life
  • Усім не хапае месца: як гродзенцы сочаць за чэмпіянатам свету па футболе
    Матч зборных Расіі і Егіпта 19 чэрвеня выклікаў ажыятаж у гродзенцаў. У цэнтры Гродна дзясяткі людзей пільна сачылі ў кафэ і барах за супрацьстаяннем каманд. Перавагу гродзенцы аддавалі краіне-суседцы. Самая вясёлая атмасфера ў цэнтры горада пры праглядзе матчу была ў вулічным кафэ “Губерня”. Там усім жадаючым паглядзець гульню не хапала месцаў. Многія стаялі на вуліцы. […]
  • Гродзенскі сябар Быкава: Васіль вельмі жорстка мысліў. Казаў, што цягнік беларускасці пайшоў
    Пра жыццё Быкава ў Горадні belsat.eu ўзгадвае разам з ягоным даўнім сябрам, прафесарам і літаратуразнаўцам Аляксеем Пяткевічам. 19 чэрвеня – дзень, калі нарадзіўся Быкаў. Праз некалькі дзён – чарговая угодкі смерці. У лепшы свет Васіль Быкаў адышоў 22 чэрвеня 15 гадоў таму. Адышоў у статусе аднаго з самых знакамітых пісьменнікаў Беларусі. Ягоныя кнігі перакладзены на […]
  • Бізнэс і адпачынак. У Беларусі пройдзе моладзевы форум Лiпень.PRO
    Лiпень.PRO – гэта два насычаных дня ведаў у галіне бізнесу, менеджменту, псіхалогіі і асабістага развіцця. На ім збярэцца больш за 300 прадпрымальнікаў, мэнэджэраў і спецыялістаў з усёй Беларусі. Сутрэча пройдзе ў намётавым лагеры на беразе Вілейскага вадасховішча. На форуме разбяруць памылкі ў бізнэсе і фішкі для поспеху. Тут вы зможаце знайсці новых сяброў і надзейных бізнэс-партнёраў. […]
  • Стаць рэдактарам за адзін занятак. Прыходзьце на медыягульню “Пішы. Рэдагуй”
    За адзін занятак вы станеце рэдактарам, пазнаёміцеся з папулярнымі журналістамі Гродна і Мінска і праверыце свае ўменні ў журналістыцы. Гульня “Пішы. Рэдагуй” на практыцы навучыць пісаць яркія тэксты. “Студыя карысных кампетэнцый” запрашае ў рэдакцыю. Там вы атрымаеце тэму і асноўныя дадзеныя. На планёрцы вызначыцеся, у якім жанры будзеце пісаць. Атрымаеце практычныя парады ад трэнераў, падрыхтуеце […]
© 2012 Грамадcкае аб'яднанне "Цэнтр інфармацыйнай падтрымкі грамадcкіх ініцыятыў "Трэці сектар"
Каталог TUT.BY