Колеры гранату: натхняльны семінар у Арменіі

Змяніць памер шрыфта Болей Меней Скінуць
Колеры гранату: натхняльны семінар у Арменіі

Вольга, ЕВС-каардынатарка ГА “Цэнтр “Трэці сектар” абмянялася досведам працы ды наладзіла партнёрства з ЕВС-каардынатарамі з іншых краінаў, даведалася больш пра працу грамадскіх арганізацый у Арменіі падчас семінара “Колер гранату”, які адбыўся ў Арменіі з 10 па 15 ліпеня 2017 г.

Семінар быў пабудаваны на некалькіх базавых элементах. Па-першае, знаёмства паміж арганізацыямі і каардынатарамі і на гэтай аснове стварэнне супольных праектаў. Па-другое, магчымасць даведацца больш пра рэаліі дзейнасці НДА ў Арменіі. Па-трэцяе, дыскусія пра якасці EVS і  абмеркаванне розных пытанняў прадстаўнікамі арганізацыі а таксама EVS-валанцёрамі.

Праграма семінара была пабудавана на незвычайнай форме працы па-за межамі звычайнай лекцыйнай залі, на прыродзе ці ў атачэнні архітэктурных каштоўнасцяў Арменіі альбо ў офісах армянскіх арганізацый. Важным элементам былі самі прыгоды і пазнанне навакольнага асяроддзя.

Першыя два дні семінара праходзілі ў Гарні, у атачэнні гор і прыроды а таксама помнікаў армянскай культуры. У першы дзень усе ўдзельнікі прадстаўлялі свае арганізацыі і знаёміліся паміж сабой. Другі дзень нашага падарожжа пачаўся вельмі эмацыйна, са складання пажаданняў для EVS-каардынатараў і іх арганізацый, якія мы павесілі на дрэве пажаданняў у манастыры Гегарт. Падчас вандроўкі з манастыра ў Гарні мы мелі магчымасць паразмаўляць пра  якасці ЕВС, вырашэнне праблемаў падчас праектаў, пазнаёміцца бліжэй і пабудаваць давер падчас цяжкіх момантаў вандроўкі.

На трэці дзень мы наведалі мясцовыя арганізацыі. У арганізацыі Espaces Youth Centre of  KASA Yerevan  мы даведаліся пра іх формы працы з моладдзю, а таксама мелі магчымасць самі стаць вядучымі моладзевага гуртка і распавесці пра наш досвед EVS валанцёрам. Увечары мы сустрэліся з прадстаўнікамі мясцовых арганізацый на міжкультурную вечарыну, падчас якой знаёміліся бліжэй, наладжвалі кантакты, танцавалі свае народныя танцы, спявалі песні і спрабавалі стравы.

Сустрэча з мясцовымі ЕВС-валанцёрамі, якая адбылася на наступны дзень, прайшла над возерам Кары і недалёк ад самай высокай кропкі ў сённяшняй Арменіі, гары Арагат. Тут мы размаўлялі пра іх праекты, абмяркоўвалі, як зрабіць ЕВС-праекты самымі крутымі і якаснымі – як у нашых марах.

Апошні дзень семінара прайшоў за працай над супольнымі праектамі ўдзельнікаў. (Гэта значыць, што ў нас з’явіліся цікавыя партнёры і ідэі!) У  гэты дзень запомнілася таксама праца ў музеі Параджана, дзе падчас экскурсіі мы паслухалі пра рэжысёра – стваральніка фільму “Колеры гранату” – чалавека, які рабіў сваё, не звяртаючы ўвагі на перашкоды і заставаўся ў згодзе з сабой незалежна ад абставінаў.

З Арменіі мы выехалі з натхненнем і энергіяй для далейшай працы, з бачаннем супольных праектаў і новымі ідэямі, з новымі партнёрамі і цікавымі кантактамі, новымі сіламі, якія дае падарожжа, з верай у тое, што кожны маленькі EVS-праект  змяняе нас саміх і свет навокал.

Вольга Галецка, здымкі ўдзельнікаў семінара

Дадаць каментар

  • Універсітэт Залатога Веку

    Універсітэт Залатога Веку

    Сайт праекта, скіраванага на сацыяльную і інтэлектуальную актывізацыю сталых людзей. Вучыцца ніколі не позна!

    Школа маладога журналіста

    Школа маладога журналіста

    Праект для тых, хто хоча паспрабаваць свае сілы ў журналістыцы. Працуе ў Гродне з 1997 г.! Далучайся!

Чытай

Чытаць навiны на hrodna.life
  • “Мая Гародня”. Адкрылася выстава Наталлі Дораш пра штодзённае жыццё 70-х
    Здымкі 1970-1979 гадоў можна пабачыць у “Цэнтры гарадскога жыцця” – там 13 лістапада адкрылася фотавыстава Наталлі Дораш “Мая Гародня”. На вернісажы старэйшыя гродзенцы настальгіравалі, угадвалі месцы і казалі, што частка той даўняй атмасферы яшчэ засталася ў горадзе. На выставу трапілі самыя раннія здымкі Наталлі Дораш, калі яна толькі зацікавілася фатаграфіяй. 45 гадоў таму ад бацькі […]
  • Гродзенец, якога будуць судзіць за экстрэмізм і нацызм ў сацсетках: “Я ў шоку”
    Міліцыя склала два пратаколы на гродзенца, якога падазраюць у распаўсюдзе нацысцкіх сімвалаў і матэрыялаў з «экстрэмісцкага» спісу ў сацсетках. Сам мужчына абураны і настойвае: пасты, наадварот, асуджалі і высмейвалі фашысцкую ідэалогію, піша TUT.BY. Нагадаем, 5 лістапада міліцыя склала на Аляксандра Горбача два пратаколы – за нацысцкую сімволіку і экстрэмісцкую інфармацыю на яго старонцы ва «Вконтакте». Пагражае […]
  • Маці асуджаных паводле наркатычных артыкулаў гатовыя аднавіць галадоўку
    Прадстаўніцы руху «Маці-328», які аб’ядноўвае сваякоў тых, хто трапіў за краты паводле арт. 328 Крымінальнага кодэксу (незаконны абарот наркотыкаў), працягваюць настойвайць на асабістай сустрэчы з Аляксандрам Лукашэнкам і змякчэнні крымінальнага заканадаўства. Яны не выключаюць, што могуць зноў абвесціць галадоўкі пратэсту, піша Белсат. Як заявіла «Белсату» кіраўніца грамадскай ініцыятывы «Маці-328» Ларыса Жыгар, першым пунктам іх патрабаванняў […]
  • Папраўкі ў заканадаўства. За рэабілітацыю нацызму – пазбаўленне волі, за партрэт фюрэра – штраф
    У Палату прадстаўнікоў паступіў законапраект па пытанні ўзмацнення барацьбы з прапагандай нацызму і экстрэмізму. У ім прадугледжана крымінальная адказнасць за рэабілітацыю нацызму, а таксама адміністрацыйная – за захоўванне або набыццё ў мэтах распаўсюджвання нацысцкай, экстрэмісцкай і тэрарыстычнай сімволікі і атрыбутыкі, піша TUT.BY. Дакумент (ёсць у распараджэнні рэдакцыі TUT.BY) падрыхтаваны Саветам міністраў і пераданы на разгляд у парламент. Чакаецца, […]
© 2012 Грамадcкае аб'яднанне "Цэнтр інфармацыйнай падтрымкі грамадcкіх ініцыятыў "Трэці сектар"
Каталог TUT.BY