Летняя школа для моладзевых працаўнікоў: гэта матывуе на вялікія справы і перамогі

Змяніць памер шрыфта Болей Меней Скінуць
Летняя школа для моладзевых працаўнікоў: гэта матывуе на вялікія справы і перамогі

25-30 ліпеня пад Гродна адбылася Летняя школа для моладзевых працаўнікоў. Удзельнікі_цы з усёй Беларусі вывучалі тэхнікі працы з моладдзю, валанцёрства, арганізацыя івэнтаў, напісанне праектаў і пошук партнёраў, а таксама дзяліліся сваім досведам.

У  Летняй школе, арганізаванай ГА “Цэнтр “Трэці сектар”, паўдзельнічала 13 прадстаўніц і прадстаўнікоў арганізацый, якія працуюць з моладдзю ў самых розных накірунках дзейнасці з усёй Беларусі.

Першыя два дні працы школы былі прысвечаныя тэхнікам працы з моладдзю, арганізацыі івэнтаў і працы з валанцёрамі. Удзельнікі_цы пазнаёміліся і абмеркавалі тэхнікі працы з моладдзю, якія выкарыстоўваюцца ў Беларусі і ў Польшчы.

Таксама размаўлялі пра інклюзію пры арганізацыі падзеяў і працы ў цэлым, узгадалі ўсе стадыі арганізацыі падзеі. На варкшопе па працы з валанцёрамі ўдзельнікі шмат размаўлялі пра матывацыю, пра тое, як зацікавіць валанцёраў і моладзь у цэлым да актыўнага ўдзелу ў нашай працы.

Наступныя два дні былі прысвечаныя працы з праектамі. Праз выкананне практыкаванняў у гульнявой форме ўдзельнікі_цы самі прыходзілі да высноваў, а потым працавалі над этапамі напісання праекта. Зараз вызначэнне праблемы, мэты і вынікаў альбо складанне бюджэту ўжо не падаецца такім складаным.

У апошні дзень удзельнікі_цы пачалі з цікавага практыкавання, якое наглядна адлюстравала і дапамагло зразумець, што такое партнёрства. У фармаце World Cafe удзельнікі_цы размаўлялі пра лакальнае, нацыянальнае, міжнароднае партнёрства ды супрацу са СМІ.

Магчымасць вучыцца і вучыць іншых

Школа была магчымасцю не толькі папрысутнічаць на занятках трэнераў, але і падзяліцца сваім досведам і ведамі праз правядзенне ўласнага варкшопу для астатніх удзельнікаў_ц. Такім чынам, акрамя асноўнай праграмы, удзельнікі_цы развівалі свой эмацыйны інтэлект, вызначаліся з тым, што для іх важна ў жыцці і як планаваць свой дзень з улікам патрэбаў у адпачынку і часу для сябе, слухалі пра досвед заснавання гуртка ангельскай мовы, правядзення праекта па мове варожасці, знаёміліся з новымі сацыялагічнымі даследваннямі па моладзевай тэме, праведзенымі ў Беларусі.

Таксама ўдзельнікі_цы школы кожны дзень інтэнсіўна працавалі над дапаможнікам для моладзевых працаўнікоў, праца над якім будзе актыўна ісці яшчэ на працягу насупных месяцаў, і які будзе размешчаны ў публічным доступе.

“Гэта матывуе на новыя вялікія справы і перамогі”

Зараз удзельнікі_цы школы вярнуліся на месцы свайго жыхарства і працуюць над арганізацыяй івэнта для мясцовай моладзі пры выкарыстанні атрыманых ведаў. Ідэі праектаў распрацоўваліся падчас Летняй школы.

Усе ўдзельнікі_цы выказалі жаданне надалей развіваць супольнасць моладзевых працаўнікоў Беларусі, таксама пазначылі тэмы, у якіх ім было б цікава атрымаць новыя веды – гэта радуе і матывуе да далейшай працы!

Вольга Галецка, Наста Федарцова

Фота: Ірына Новік, Вольга Галецка, Марціна Вадалазава

Дадаць каментар

  • Універсітэт Залатога Веку

    Універсітэт Залатога Веку

    Сайт праекта, скіраванага на сацыяльную і інтэлектуальную актывізацыю сталых людзей. Вучыцца ніколі не позна!

    Школа маладога журналіста

    Школа маладога журналіста

    Праект для тых, хто хоча паспрабаваць свае сілы ў журналістыцы. Працуе ў Гродне з 1997 г.! Далучайся!

Чытай

Чытаць навiны на hrodna.life
  • На гарышчы дома ў цэнтры Гродна знайшлі зброю загорнутую ў сцяг са свастыкай
    У час дэмантажа даху ў доме №11 па вуліцы 1 Мая будаўнікі знайшлі паляўнічую стрэльбу з патронамі, якая была загорнута ў нямецкі сцяг са свастыкай. Аб знаходцы будаўнікі адразу паведамілі ў міліцыю. Гэта здарылася 24 красавіка. «Расчышчаючы паддашша будаўнікі выявілі скрутак, загорнуты ў газету «Праўда», датаваную кастрычнікам 1944 года, – распавядае начальнік крымінальнага вышуку Ленінскага […]
  • «Сяржант і яфрэйтар удвух збілі пяцярых салдат». У Гродне чарговы суд за дзядуху 
    Яшчэ адзін судовы працэс над стараслужачымі ідзе ў судзе Гродзенскага раёна. На лаве падсудных двое хлопцаў: сяржант Уладзіслаў Ялец і яфрэйтар Максім Малышка з 6-й асобнай механізаванай брыгады, якая месціцца ў Гродне. Хлопцам пагражае ад 3 да 10 гадоў пазбаўлення волі. Фармулёўка стандартная — 20-гадовага сяржанта Яльца вінавацяць у перавышэнні службовых паўнамоцтваў з ужываннем гвалту, […]
  • Вярблюды, быкі, акрабаты і клоўны: у Гродна прыехаў цырк
    Незвычайную карціну маглі назіраць мінакі на праспекце касманаўтаў раніцай 25 красавіка. На гарадскім газоне пасвіліся экзатычныя для нашага горада жывёлы: вярблюды, альпакі, афрыканскія быкі і чатырохрогія бараны. Гэта не міраж і не чарговы красавіцкі розыгрыш. У горад прыехаў цырк. Прадстаўленні пачнуцца ад пятніцы, 27 красавіка. Пакуль артысты адпачываюць з дарогі і наладжваюць абсталяванне. Жывёлы праводзяць […]
  • 500 маладых гродзенцаў павіншавалі Ленінскі раён з юбілеем
    Студэнты, навучэнцы і школьнікі горада 25 красавіка на Савецкай плошчы танцамі і флэшмобам павіншавалі Ленінскі раён з 40-годдзем. У флэшмобе прыняло ўдзел 500 чалавек. Спачатку яны правялі масавае прывітанне і віншаванне, а пасля станцавалі ды ўтварылі з натоўпу юбілейную лічбу – 40. The post 500 маладых гродзенцаў павіншавалі Ленінскі раён з юбілеем appeared first on […]
© 2012 Грамадcкае аб'яднанне "Цэнтр інфармацыйнай падтрымкі грамадcкіх ініцыятыў "Трэці сектар"
Каталог TUT.BY