Летняя Школа па арганізацыі навучання сталых людзей

Змяніць памер шрыфта Болей Меней Скінуць
Летняя Школа па арганізацыі навучання сталых людзей

Праграма “Універсітэт Залатога Веку” абвяшчае набор на Метадалагічную Летнюю Школу па арганізацыі навучання сталых людзей, якая адбудзецца з 6 па 10 жніўня на Гарадзеншчыне.

Навошта мы гэта робім?

Ужо ў 2015 г. каля 25% насельніцтва Беларусі будуць складаць сталыя людзі. З нашага пункту гледжання, абавязкам грамадства з’яўляецца стварэнне годных умоваў для жыцця гэтых людзей, для іх самаразвіцця, выкарыстання іх жыццёвай мудрасці і іх патэнцыялу на карысць грамадства.

Таму сёння вельмі важна  ўмацоўваць патэнцыял існуючых арганізацый, якія займаюцца працай са сталымі людзьмі, а таксама ствараць новыя пляцоўкі, якія будуць працаваць у гэтым кірунку.

Прыкладам такіх пляцовак, якія даказалі сваю эфектыўнасць у многіх краінах свету, з’яўляюцца ўніверсітэты трэцяга ўзросту, накіраваныя на інтэлектуальную, фізічную і сацыяльную актывізацыю сталых людзей.

З красавіка 2010 г. такі Універсітэт працуе пры грамадскім аб’яднанні “Цэнтр “Трэці сектар” з Гродна. За гэты час мы назапасілі вялікі досвед адукацыйна-асветніцкай і сацыяльнай працы са сталымі людзьмі, вывучылі лепшыя практыкі працы ў гэтым кірунку ў Польшчы, Літве, Украіне, Расіі, іншых краінах. Дзейнасць гарадзенскага “Універсітэту Залатога Веку” згадваецца ў Нацыянальнай справаздачы Беларусі пра выкананне Мадрыдскага міжнароднага плана па пытаннях старэння насельніцтва. Цяпер мы гатовыя падзяліцца гэтым досведам з вамі.

У межах Школы мы хочам стварыць магчымасць для таго, каб людзі, якія збіраюцца ствараць і развіваць рознага кшталту пляцоўкі для сталых людзей, пазнаёміліся з нашым і замежным досведам працы, падзяліліся сваімі напрацоўкамі па арганізацыі такіх пляцовак, метадалогіі правядзення заняткаў, сацыяльнай актывізацыі сталых людзей.

Праграма Школы будзе складацца з двух змястоўных блокаў:

–  Арганізацыя Універсітэтаў трэцяга ўзросту: ад А да Я (6-7 жніўня):

  • што такое ўніверсітэт трэцяга ўзросту: мэты, прынцыпы, стандарты
  • якія ёсць мадэлі існавання ўніверсітэтаў трэцяга ўзросту?
  • з чаго пачаць стварэнне ўніверсітэта?
  • як шукаць і адбіраць слухачоў і выкладчыкаў?
  • як арганізаваць працу секцый і клубаў па інтарэсах?
  • як забяспечыць баланс паміж інтэлектуальнай, фізічнай і сацыяльнай актывізацыяй сталых людзей?
  • як арганізаваць самакіраванне ў межах універсітэта?
  • як арганізаваць валанцёрскую дзейнасць у межах універсітэта?
  • дзе шукаць рэсурсы на дзейнасць універсітэта?

 

–  Метадалогія навучання сталых людзей і спосабы ацэнкі эфектыўнасці навучання (8-10 жніўня)

  • на якіх прынцыпах базуецца навучання дарослых?
  • як плануецца канцэпцыя асобных секцый і блокаў заняткаў для сталых людзей?
  • як фармулююцца мэты заняткаў і як ацэньваецца іх эфектыўнасць?
  • якія метады можна выкарыстоўваць у працы са сталымі людзьмі?

 

Хто будзе ўдзельнічаць у занятках Школы?

Найперш мы будзем радыя вітаць у нашай Школе прадстаўнікоў грамадскіх і дзяржаўных арганізацый, якія ўжо маюць альбо плануюць распачаць адукацыйна-асветніцкія праграмы для сталых людзей. Школа будзе найбольш карыснай для кіраўнікоў/арганізатараў праграм, актывістаў ворганаў самакіраванняў і груп самадапамогі сталых людзей, выкладчыкаў, якія працуюць са сталымі людзьмі.

Заняткі (прэзентацыі, майстар-класы і г.д.) будуць праводзіць як арганізатары Школы і запрошаныя імі эксперты, так і ўдзельнікі, якія выкажуць такое жаданне. Заяўляцца можна як на абедзьве часткі Летняй школы, так і адну з іх (адлюструйце гэта ў сваёй анкеце-заяўцы). Канчатковая версія праграмы (складзеная з улікам прапановаў кандыдатаў на ўдзел)  будзе дасланая адабраным для ўдзелу ў Школе ўдзельнікам да 20 ліпеня. Тады ж будзе паведамлена пра дакладнае месца парвядзення Школы.

Як патрапіць у Школу?

Для гэтага трэба запоўніць электронную анкету-заяўку і даслаць яе да 15 ліпеня арганізатарам Школы.

Інфармацыя пра вынікі адбору ўдзельнікаў Школы будзе дасланая да 20 ліпеня на электронныя адрасы, пазначаныя ў вашых анкетах-заяўках.

Умовы ўдзелу ў Школе:

Арганізатары Школы забяспечваюць пражыванне і харчаванне ўдзельнікаў. Праезд  удзельнікі аплочваюць самастойна.

Дадатковая інфармацыя па тэл. 80292847799 альбо па эл.пошце lana.rudnik@gmail.com (Лана)

Дадаць каментар

  • Універсітэт Залатога Веку

    Універсітэт Залатога Веку

    Сайт праекта, скіраванага на сацыяльную і інтэлектуальную актывізацыю сталых людзей. Вучыцца ніколі не позна!

    Школа маладога журналіста

    Школа маладога журналіста

    Праект для тых, хто хоча паспрабаваць свае сілы ў журналістыцы. Працуе ў Гродне з 1997 г.! Далучайся!

    Кроніка

    Кроніка грамадзкага жыцця

    Падпішыцеся на рассылку Кронікі грамадзкага жыцця Гарадзеншчыны.

Чытай

Чытаць навiны на hrodna.life
  • Мірны сход гродзенцаў прайшоў у парку Жылібера: абышлося без затрыманняў
    Каля 30 гродзенцаў сабраліся ў парку Жылібера ў нядзелю 26 сакавіка. Несанкцыянаваная акцыя прайшла без затрыманняў, але з папярэджаннямі супрацоўнікаў міліцыі. У 12.00 у парку Жылібера пачалі збірацца людзі. Доўгі час яны стаялі дробнымі групкамі, але потым сабраліся і сталі абмяркоўваць набалелыя пытанні. Галоўнай тэмай спантаннага сходу сталі жорсткія затрымання на Дні Волі ў Мінску, а таксама падаткі […]
  • Навошта гадзіну сядзець у цемры? Удзельнікі “Ёгі пры свечках” расказалі, на якія думкі навяла “Гадзіна Зямлі”
    Вечарам 25 сакавіка гродзенскія экаактывісты далучыліся да “Гадзіны Зямлі” — міжнароднай акцыі, арганізаванай Сусветным фондам дзікай прыроды. Сэнс акцыі ў тым, каб на гадзіну адключыць святло і іншыя энергаспажываючыя прыборы.  Сёлета ўдзельнікам акцыі ў Гродне прапанавалі адзначыць Гадзіну Зямлі “Ёгай пры свечках”. Праводзіла занятак трэнерка Юлія Асіповіч, студэнтка факультэта біялогіі і экалогіі. Юля, вядучая “У […]
  • Прыгожыя і мускулістыя: фестываль фітнесу прайшоў у Гродне
    Фестываль фітнесу і прыгажосці «Grodno open model fitness» упершыню прайшоў у Моладзевым цэнтры «Гродна» 25 сакавіка. Сюды з’ехаліся больш за 30 удзельнікаў з усёй краіны. Лепшых на фестывалі ўзнагародзілі. Раніцай у моладзевым цэнтры спаборнічалі дзеці, а ўвечары на сцэну выйшлі вопытныя прадстаўнікі фітнесу. Спаборнічалі яны ў катэгорыях «Мадэльны фітнэс, Фітнэс-бікіні жанчыны» і «Мадэльны фітнэс, Мадэльны культурызм […]
  • “Беларусы хочуць мець сваю Айчыну”. У Гродне прэзентавалі нашумелую кнігу Уладзіміра Арлова і Паўла Татарнікава
    “Айчына: маляўнічая гісторыя. Ад Рагнеды да Касцюшкі” – гэта кніга па гісторыі Беларусі для дзяцей і падлеткаў. У ёй 42 развароты з гістарычнымі апавяданнямі Уладзіміра Арлова і ілюстрацыямі Паўла Татарнікава. Выданне набыло папулярнасць адразу пасля таго, як пабачыла свет. Першы трохтысячны наклад разышоўся за два тыдні. Пра ўнікальнасць і сакрэт поспеху кнігі гродзенцам расказалі яе […]
© 2012 Грамадcкае аб'яднанне "Цэнтр інфармацыйнай падтрымкі грамадcкіх ініцыятыў "Трэці сектар"
Каталог TUT.BY DATE.BY | поиск, новости, работа, погода, фото | Беларусь, Минск Rating All.BY