“Малодшы брат, малодшая сястра” – чым жывуць валанцёры

Змяніць памер шрыфта Болей Меней Скінуць
“Малодшы брат, малодшая сястра” – чым жывуць валанцёры

Валанцёры групы “Малодшы брат, малодшая сястра”, якая стартавала больш за год таму, распавядаюць пра сваю працу і планы на будучыню.

За час, які мінуў ад стварэння групы, валанцёры паспелі зрабіць нямала добрых спраў.

Яны наведвалі сваіх падапечных – ахвяраў сталінскіх і фашысцкіх рэпрэсій, размаўлялі з імі, занатоўвалі іхныя патрэбы, дапамагалі вырашаць побытавыя, псіхалагічныя і юрыдычныя пытанні, запісвалі ўспаміны, якія выйдуць у серыі матэрыялаў на нашым сайце. Таксама валанцёры арганізавалі некалькі акцый, сустрэч і імпрэзаў для сталых людзей.

Не менш важная частка працы групы – развіццё саміх удзельнікаў, для якіх былі праведзеныя трэнінгі і семінары для развіцця сацыяльна-псіхалагічных, журналісцкіх і творчых навыкаў, кансультацыі і сустрэчы з экспертамі і цікавымі асобамі.

На фота: сустрэча з прадстаўніцай гродзенскага габрэйскага дабрачыннага фонда “Хэсэд-Нохум” Аленай Куцэвіч, якая падзялілася цікавым і натхняльным досведам працы са сталымі людзьмі ў іх арганізацыі.

hesed-meeting

У планах валанцёраў на бліжэйшую будучыню – некалькі справаў:

  1. Правесці “Жывую бібліятэку” з удзелам сталых гродзенцаў і падапечных групы 14 сакавіка
  2. Паўдзельнічаць у Фестывалі практычнай псіхалогіі ў Гродне ў канцы сакавіка
  3. Зладзіць святочную сустрэчу для падапечных і ветэранаў Вялікай айчыннай вайны ў траўні

Некаторыя з уражанняў удзельніц групы:

Ларыса Кіркевіч: “На прыкладзе нашых падапечных, якія засталіся ў адзіноце, трэба вучыць маладзейшых, як жыць, каб гэтага не было, атачаць сябе сябрамі, блізкімі людзьмі”.

Аліцыя Гацілава: “Даведалася пра праблемы, з якімі сутыкаюцца валанцёры, якія працуюць з вельмі сталымі людзьмі. На прыкладзе сваёй цудоўнай падапечнай навучылася ставіцца да жыцця пазітыўна і не крыўдаваць ні на што”.

Лілія Грыгарук: “Я зразумела, што акрамя таго, што ты бярэш ад жыцця, ты да таго ж маеш маеш магчымасць і самому зрабіць нешта карыснае”.

Таццяна Таранка: “Пачуццё шкадавання да бездапаможных старыкоў змянілася на павагу да гэтых “устойлівых алавянных салдацікаў”. Яны задаволеныя тым малым, што маюць, адмаўляюцца ад дапамогі, не скардзяцца”. “Сумесная дзейнасць сплаціла нас у маленькую моцную каманду”.

Наста Астапчук: “Слухаючы ўспаміны сталых падапечных, узгадваліся расповяды маёй бабулі. Вельмі цікава слухаць такую персаналізаваную гісторыю, хоць часам і цяжка было ўявіць, што такое магло насамрэч адбывацца з людзьмі”.

Даведка

Праект “Малодшы брат, Малодшая сястра” здзяйсняецца на базе праграмы “Універсітэт Залатога Веку” (uzv.by), накіраванай на павышэнне якасці жыцця сталых людзей праз іх інтэлектуальную, сацыяльную і фізічную актывізацыю.

Праграма рэалізуецца з 2010 г. грамадскім аб’яднаннем “Цэнтр “Трэці сектар” (3sektar.by) пры фінансавай падтрымцы Фонда «Памяць, адказнасць і будучыня» у супрацоўніцтве з Міжнародным грамадскім аб’яднаннем «Узаемапаразуменне».

Калі вы хочаце далучыцца да групы, пішыце на мэйл hannabaradzina@gmail.com або тэлефануйце +37529 7792883 (Ганка Барадзіна, каардынатарка групы).

Дадаць каментар

  • Універсітэт Залатога Веку

    Універсітэт Залатога Веку

    Сайт праекта, скіраванага на сацыяльную і інтэлектуальную актывізацыю сталых людзей. Вучыцца ніколі не позна!

    Школа маладога журналіста

    Школа маладога журналіста

    Праект для тых, хто хоча паспрабаваць свае сілы ў журналістыцы. Працуе ў Гродне з 1997 г.! Далучайся!

Чытай

Чытаць навiны на hrodna.life
  • Вытокі натхнення
    Ад 3 да 22 сакавіка пройдзе выстава майстроў народнай творчасці і майстакоў “Вытокі натхнення”. Урачыстае адкрыццё пройдзе 3 сакавіка ў 17:30 Разьба па дрэве, вышыўка, кераміка, кавальства, жывапіс i шмат іншых накірункаў мастацтва прадстаўлены на выставе “Вытокі натхнення” Народнага аматарскага аб’яднання майстроў народнай творчасці і майстакоў ”Гарадзенскі каларыт”. З натхненнем і майстэрствам ў выставе прынялі […]
  • Галерэя аднаго дня: маладыя мастакі выставіліся ў пустой кватэры ў цэнтры Гродна
    У пачатку 2020 года бацькі гродзенскай мастачкі Эміліі Кервяк купілі кватэру ў цэнтры Гродна. Да таго, як зрабіць там рамонт, яны дазволілі творчай моладзі выставіць або стварыць там свае працы. Кватэра ператварылася на суткі ў нефармальную галерэю. Ніякай цэнзуры і рамак: хто хоча, той і выстаўляецца, кажуць арганізатары. Выстава маладых мастакоў адкрылася 22 лютага ў […]
  • Па крэдытах КБМ і “Гродзенскага шклозавода” заплацяць з бюджэта краіны
    Беларускі ўрад дазволіў тром беларускім цэментным заводам перакласці працэнты па сваіх крэдытах у 2020 годзе на рэспубліканскі бюджэт, піша euroradio.fm. Адпаведная пастанова Саўміна тычыцца “Беларускага цэментнага завода”, “Крычаўцэментнашыфера” і “Краснасельскбудматэрыялаў”, а таксама “Гродзенскага шклозавода”. Дзяржава будзе выплачваць працэнты па крэдытах цэментных заводаў у беларускіх рублях 3 у памеры стаўкі па крэдыце, але не больш за […]
  • Як паддашша стала «пасткай» для 88-гадовай бабулі і не толькі
    Тры кватэры на паддашшы дамка 1926-га году пабудовы ў Гродне ўлады не спяшаюцца ані рассяляць, ані рэмантаваць. Людзі засялілі страху пасля вайны – часова. Так і жывуць дагэтуль, піша belsat.eu. Дамок на вуліцы Шчаснага, 6 у Горадні мала адрозніваецца ад суседніх. Звычайны стары будынак, які некалі будаваўся для адной сям’і. Хто б мог падумаць, што […]
© 2012 Грамадcкае аб'яднанне "Цэнтр інфармацыйнай падтрымкі грамадcкіх ініцыятыў "Трэці сектар"
Каталог TUT.BY