Майстар-клас “Як правесці мерапрыемства, даступнае для ўсіх” адбыўся ў Гродне 29 красавіка

Змяніць памер шрыфта Болей Меней Скінуць
Майстар-клас “Як правесці мерапрыемства, даступнае для ўсіх” адбыўся ў Гродне 29 красавіка

Прадстаўнічка Офіса па правах людзей з інваліднасцю, юрыст Галіна Крот распавяла, на што варта звярнуць увагу, каб пазбегнуць выключэння людзей с асобымі запатрабаваннямі. Таксама на сустрэчы высветлілі мясцовыя асаблівасці ў арганізацыі такіх мерапрыемстваў.

galina_krot

Яшчэ на этапе падрыхтоўкі мерапрыемства Галіна параіла актывістам гарадзенскіх грамадскіх арганізацый, што сабраліся на майстар-клас, вызначыцца, ці стане яно даступным для ўсіх. Калі ў мэтавай групе ёсць, напрыклад, людзі, што перамяшчаюцца на вазках, выбіраць памяшканне для мерапрыемства варта з улікам даступнасці для іх.

Таксама важна, каб да памяшкання было зручна дабірацца ад прыпынкаў грамадскага транспарта. У выпадках, калі гэта немагчыма, трэба прадугледжваць у бюджэце мерапрыемства магымасць выкарыстання таксі ці дамаўляцца аб магчымасці выкарыстання сацыяльнага таксі.

У любым выпадку, нават калі “ідэальнае памяшканне” знайсці не ўдаецца, эксперт раіць у абвестках любога мерапрыемства пазначаць нават паверх, на каторым яно будзе праходзіць. Гэта дазволіць пазбегнуць сітуацый, калі прыехаўшы на мерапрыемства, асоба з інваліднасцю не можа патрапіць у патрэбнае месца.

Калі сярод удзельнікаў прысутнічаюць людзі з аслабленым слыхам, то інфармацыя сустрэчы павінна дублявацца ў візуальнай форме на плакатах, слайдах ці ўлётках. Заранёў варта паклапаціцца аб сурдаперакладзе, бо такіх спецыялістаў не вельмі многа. Калі да ўдзелу ў мерапрыемствах запрашаюцца людзі з абмежаваннямі па зроку, заранёў варта рыхтаваць інфармацыйныя матэр’ялы з выкарыстаннем шрыфтоў Брайля.

Апроч тэхнічных патрабаванняў да арганізацыі даступных для усіх мерапрыемстваў, Галіна звярнула ўвагу арганізатараў на неабходнасць этычнага стаўлення да аўдыторыі. Напрыклад, звыклая форма звароту ўвагі, кшталту “Паглядзіце сюды” можа гучаць вельмі некарэктна ва аўдыторыі людзей з аслабленым зрокам.

Парады па інклюзіі ў нефармальнай адукацыі, падрыхтаваныя Офісам па правах людзей з інваліднасцю, можна знайсці ў сеціве на старонцы офіса. Пры падрыхтоўцы мерапрыемства ёсць сэнс яшчэ раз звяртаць увагу на гэтую інфармацыю.

Што да сітуацыі ў Гродне, то тут зрабіць мерапрыемства даступным не заўсёды атрымліваецца нават у гарадскіх уладаў. Жана, адна з удзельніц майстар-класа і мама сына, што мае інваліднасць, адзначыла, што нават будынкі гарадской і абласной адміністрацыі не прыстасаваныя для людзей з інваліднасцю. Вазочніку ці чалавекку з аслабленым зрокам нават тэарэтычна маламагчыма патрапіць у будынак, дзе працуе кіраўніцтва, калі там праводзяць сходы ці нарады, што тычацца даступнага асяроддзя. Тое самае адзначалі прысутныя і пра іншыя грамадстка значныя месцы.

udzelniki

Напрыклад, з усіх школаў у горадзе пандусы для вазочнікаў мае толькі школа №15. А ці змогуць вазочнікі патрапіць у новую філармонію да гэтага часу застаецца неясным.

З улікам гэтых аб’ектыўных цяжкасцяў экспертка раіла гарадзенцам, што збіраюцца арганізоўваць мерапрыемствы, даступныя для ўсіх, больш звяртаць увагу на магчымасць асабістай дапамогі кожнаму, хто хацеў бы наведаць мерапрыемствы. А людзям з інваліднасцю – не саромецца заранёў кантактавацца з арганізатарамі, каб разам абмеркаваць, як пераадолець цяжкасці недаступнага асяродка ў кожным канкрэтным выпадку.

05 Траўня 2016 | Няма каментароў | Пазнакі:

Дадаць каментар

  • Універсітэт Залатога Веку

    Універсітэт Залатога Веку

    Сайт праекта, скіраванага на сацыяльную і інтэлектуальную актывізацыю сталых людзей. Вучыцца ніколі не позна!

    Школа маладога журналіста

    Школа маладога журналіста

    Праект для тых, хто хоча паспрабаваць свае сілы ў журналістыцы. Працуе ў Гродне з 1997 г.! Далучайся!

Чытай

Чытаць навiны на hrodna.life
  • Колькі можна сабраць на пенсію, калі адкладаць з 30 гадоў. І чаму нам усім варта гэта рабіць
    Сярэдняя пенсія па ўзросту ў Беларусі ў жніўні склала амаль 447 рублёў, піша tut.by. І ўсё ідзе да таго, што ў будучыні пенсіянерам не прыйдзецца разлічваць нават на такую суму, перакананыя эксперты. «Працаздольнага насельніцтва будзе станавіцца ўсё менш, і гэта з кожным годам будзе павялічваць нагрузку на Фонд сацабароны», – канстатуе акадэмічны дырэктар даследчага цэнтра […]
  • Гродзенца, якому ампутавалі ягадзіцу пасля збіцця АМАПам, дапыталі ў рэанімацыі
    Гродзенца Дзяніса Лук’янава, у якога здарыўся канфлікт з амапаўцамі на аўтамабільным фэстывалі SunDay, дапыталі следчыя амаль адразу пасля чарговай апэрацыі, піша svaboda.org. «Абляпілі яго. Усе ў цывільным, высокія, здаровыя» У пятніцу, 23 жніўня, Дзянісу зрабілі чарговую апэрацыю на назе. «Яго чысьцяць, перавязваюць. Падчас чысткі зразаюць частку цягліцаў, бо яны заражаныя. Чысьцяць адмерлую плоць на назе… У яго ўся […]
  • Румас: Праграму інтэграцыі з Расеяй апублікуем, каб зняць асцярогі ў пытаннях суверэнітэту
    Праект праграмы інтэграцыі з Расіяй урад плануе ўнесці на разгляд прэзідэнта 27 жніўня, піша tut.by. – Мы ў аўторак ўжо ўнясём кіраўніку дзяржавы праект гэтай праграмы для яго ўхвалення для таго, каб ужо ў пачатку верасня прэм’ер-міністры парафіявалі гэтую праграму дзеянняў, – распавёў кіраўнік урада Сяргей Румас. Па словах Румаса, у праграме закладзены прынцып «дзве […]
  • У Гродне агучылі прысуд за дзедаўшчыну ў вучэльні алімпійскага рэзерву
    У Гродне асудзілі траіх навучэнцаў Гродзенскай дзяржаўнай вучэльні алімпійскага рэзерву – за злоснае хуліганства, аднаго з іх – яшчэ і за рабаванне. Пацярпелыя – спартсмены 14-16 гадоў. Усім абвінавачваным інкрымінавалі злоснае хуліганства па ч.2 арт.339 Крымінальнага кодэкса Рэспублікі Беларусь. Акрамя таго, аднаму з іх паставілі ў віну асабліва злоснае хуліганства па ч.3 арт.339 і рабаванне […]
© 2012 Грамадcкае аб'яднанне "Цэнтр інфармацыйнай падтрымкі грамадcкіх ініцыятыў "Трэці сектар"
Каталог TUT.BY