Майстар-клас «Як правесці мерапрыемства, даступнае для ўсіх»

Змяніць памер шрыфта Болей Меней Скінуць
Майстар-клас «Як правесці мерапрыемства, даступнае для ўсіх»

29 красавіка з 17.00 па 19.00 у Гродна па адрасе вул. Будзёнага, 48б адбудзецца майстар-клас «Як правесці мерапрыемства, даступнае для ўсіх», на якім слухачы даведаюцца, як  уключаць у свае адукацыйныя і іншыя мерапрыемствы людзей з асаблівымі патрэбамі.

Да ўдзелу запрашаюцца актывісты і члены грамадскіх арганізацый, трэнеры, арганізатары адукацыйных мерапрыемстваў, журналісты, а таксама ўсе зацікаўленыя ў гэтай тэме.

Па выніках майстар-класа вы навучыцеся ўлічваць інтарэсы людзей з інваліднасцю і іншых людзей з асаблівымі патрэбамі на ўсіх этапах арганізацыі мерапрыемства – ад складання формы для рэгістрацыі да яго правядзення. Таксама вы даведаецеся, што неабходна ўлічыць пры арганізацыі мерапрыемства, калі ў ім хацеў бы паўдзельнічаць, напрыклад, чалавек, які перасоўваецца на калясцы альбо чалавек з паслабленым слыхам / зрокам. Мы прапануем абмеркаваць простыя ў разуменні і ў рэалізацыі рэкамендацыі па пашырэнні даступнасці вашых праграм нефармальнай адукацыі для людзей, якія маюць асаблівыя патрэбы.

Трэнер: Галіна Крот – юрыст, эксперт па правах людзей з інваліднасцю.

Арганізатары мерапрыемства: праваабарончая асветніцкая ўстанова «Офіс па правах людзей з інваліднасцю» і грамадскае аб’яднанне «Цэнтр інфармацыйнай падтрымкі грамадскіх ініцыятыў “Трэці сектар”.

Падрабязную інфармацыю вы можаце знайсці на сайце: disright.org

Уваход на мерапрыемства вольны.

Зарэгістравацца на майстар-клас можна па тэлефоне 8-029-332-85-76 (Таццяна) ці па электроннай пошце  PR@disright.org.

27 Красавіка 2016 | Няма каментароў | Пазнакі:

Дадаць каментар

  • Універсітэт Залатога Веку

    Універсітэт Залатога Веку

    Сайт праекта, скіраванага на сацыяльную і інтэлектуальную актывізацыю сталых людзей. Вучыцца ніколі не позна!

    Школа маладога журналіста

    Школа маладога журналіста

    Праект для тых, хто хоча паспрабаваць свае сілы ў журналістыцы. Працуе ў Гродне з 1997 г.! Далучайся!

Чытай

Чытаць навiны на hrodna.life
  • Якой будзе дарожная інфраструктура ў мікрараёне Грандзічы
    Новы мікрараён Грандзічы пачалі ўзводзіць крыху больш за год таму. На дадзены момант тут ужо здадзены некалькі дамоў у эксплуатацыю, працягваецца ўзвядзенне жылой забудовы, вядуцца актыўныя работы па пракладцы дарог. -На цяперашні час мы ўжо ўвялі дзве – вуліца Асфальтная і частка вуліцы Глухава. У цяперашні час вядуцца будаўніча-мантажныя працы на вуліцы Саяпіна, якую плануем […]
  • “У Гродне сфармаваўся свой рынак тарыфаў”? Чаму таксісты мала зарабляюць (і страйкуюць)
    Сёння на паркоўцы гродзенскага гіпермаркета “Карона” на страйк на некалькіх дзясятках аўто сабраліся таксісты. Кіроўцы занепакоеныя недастатковымі тарыфамі і прапануюць урэгуляваць рынак пасажырскіх перавозак у рэгіёне, піша grodnonews.by. Па іх словах, новыя агрэгатары таксі першапачаткова даплачвалі, калі кошт заказу быў менш за мінімальны. Зараз даплаты прыбралі, разам з гэтым прыкметна ўпала заработная плата. – Зараз […]
  • Нічога добрага. Чаму ў кастрычніку квітнеюць каштаны – і чым гэта пагражае
    Сёлета кастрычнік радуе беларусаў цёплым і сонечным надвор’ем. У некаторых гарадах паўторна квітнеюць каштаны. Белыя кветкі, якія з’явіліся на дрэвах побач з жоўтым пожухлым лісцем, заўважылі ў Магілёве, Гродне і Бабруйску, а ў Віцебску па другім разе распусціўся бэз, піша tut.by. Праўда, спецыялісты кажуць, што для дрэў восеньскіе кветкі не абяцаюць нічога добрага. Восеньскае квітненне дрэў, […]
  • МВФ залічыў Беларусь да краінаў, якія развіваюцца
    Міжнародны валютны фонд стаў ужываць у справаздачах новы падзел краінаў на групы. Цяпер краіны Садружнасці незалежных дзяржаваў (СНД) не групуюцца разам, піша “Радыё Свабода”. Частка краінаў СНД, у ліку якіх і Беларусь, трапіла ў групу «Еўропа, што паўстае і развіваецца» (Emerging and Developing Europe). У гэтай групе цяпер таксама Малдова, Расея і Украіна – разам з Вугоршчынай, […]
© 2012 Грамадcкае аб'яднанне "Цэнтр інфармацыйнай падтрымкі грамадcкіх ініцыятыў "Трэці сектар"
Каталог TUT.BY