MediaStudio запрашае гарадзенцаў

Змяніць памер шрыфта Болей Меней Скінуць
MediaStudio запрашае гарадзенцаў

Не ведаеш што рабіць са здымкамі, якія грузам ляжаць у тваім камп’ютары? Хочаш рабіць якасныя фотарэпартажы і цікавыя відэаролікі? Хочаш спазнаць мноства цікавых Інтэрнэт-інструментаў для стварэння інфаграфікі і візуалізацыі інфармацыі?

Тады запрашаем узяць удзел у эксклюзіўным навучальным курсе MediaStudio-2014!

MediaStudio – навучальны курс, які дазваляе дарослым  атрымаць дадатковую адукацыю ў галіне працы з інфармацыяй. Курс разлічаны на актыўных людзей розных прафесій і ўзросту (старэйшых за 16 год). Першасная адукацыя значэння не мае.

Навучанне будзе адбывацца па трох накірунках:

– інфаграфіка і візуалізацыя дадзеных;

– фотажурналістыка;

– здымкі і мантаж відэа.

Курс “Інфаграфіка і візуалізацыя дадзеных” будзе цікавы ўсім, каму  ў сваёй дзейнасці неабходна апрацоўваць вялікі аб’ём разнастайнай інфармацыі. Вы даведаецеся, як удала выкарыстоўваць інфаграфіку, картаграфічныя сэрвісы, пазнаёміцеся з сэрвісамі і інструментамі, якія дазваляюць візуалізаваць тое, што вас цікавіць і чым вы займаецеся: гісторыю ўласнай сям’і, дзейнасць сваёй фірмы або арганізацыі і г.д. Пажадана мець ноўтбук.

Курс “Фотажурналістыка” накіраваны на людзей, якія стварылі ўжо не адну папку  здымкаў на сваім камп’ютары, але хацелі б паглыбіць свае веды і разуменне пра тое, як рабіць якасныя фотарэпартажы і цікавыя фотагісторыі. За час навучання слухачы курса падрыхтуюць уласную фотагісторыю, навучацца рабіць фотарэпартажы для СМІ. Пажадана мець уласны фотаапарат.

На курс “Здымкі і мантаж відэа” мы запрашаем пачаткоўцаў, каб навучыць іх  здымаць, апрацоўваць і выстаўляць на сайт уласныя ролікі і фільмы. Кожны ўдзельнік курса падрыхтуе паўнавартасны відэаматэрыял, навучыцца здымаць і апрацоўваць відэа для СМІ. Пажадана мець уласны ноўтбук і тэхніку, якая здольная здымаць відэа.

Пры ахвоце і наяўнасці вольнага часу вы можаце вучыцца на некалькіх курсах адначасова.

Тэрмін навучання: сакавік-чэрвень 2014 года.

Перыядычнасць: 1 занятак на тыдзень, заняткі адбываюцца ў вечаровы час. У межах кожнага з курсаў MediaStudio прадугледжаныя таксама два аднадзённыя трэнінгі.

Кошт навучання на адным курсе складае 300 тысяч беларускіх рублёў. Калі вы абіраеце 2 курсы, то кошт навучання за два курсы складае 500 тысяч, калі тры курсы – 600 тысяч рублёў.

Перавагамі MediaStudio з’яўляюцца інавацыйнасць, унікальнасць вучэбнай праграмы, а таксама арыентацыя на набыццё навучэнцамі практычнага досведу.

Вядучымі курса з’ўяляюцца практыкі з вялікім досведам працы, якія валодаюць тэхналогіямі інтэрактыўнага навучання.

Запоўніць АНКЕТУ-ЗАЯЎКУ на ўдзел вы можаце ан-лайн або падчас прэзентацыі праекта MediaStudio. Прэзентацыя адбудзецца 20 лютага ў 19.00 па адрасе: г.Гродна, вул. Будзёнага, 48а-63 (другі паверх).

Больш падрабязную інфармацыю можна атрымаць па тэлефоне:  8 (029) 587-43-90 (Інга) і e-mail: mediastudio.hrodna@gmail.com

Дадаць каментар

  • Універсітэт Залатога Веку

    Універсітэт Залатога Веку

    Сайт праекта, скіраванага на сацыяльную і інтэлектуальную актывізацыю сталых людзей. Вучыцца ніколі не позна!

    Школа маладога журналіста

    Школа маладога журналіста

    Праект для тых, хто хоча паспрабаваць свае сілы ў журналістыцы. Працуе ў Гродне з 1997 г.! Далучайся!

Чытай

Чытаць навiны на hrodna.life
  • З Аргентыны ў Гродна. Шукаем рээмігрантаў, пра якіх у 1950-х знялі сюжэт
    «Добра адпачываць у нядзельны дзень на беразе роднага Нёмана. Асабліва пасля 19-гадовай разлукі з гэтымі месцамі», – так пачынаецца невялікі відэасюжэт пра сям’ю Сімановічаў, якая ў 1956 годзе вярнулася ў Гродна з Аргентыны. Рэдакцыя Hrodna.life хоча адшукаць нашчадкаў гэтай сям’і, каб даведацца, як склаўся лёс гродзенскіх рээмігрантаў. Сімановічы з’ехалі з Гродна ў даваенны перыяд, калі […]
  • Каля Бераставіцы загінула рыба праз выкід хімічных рэчываў. Распачалі крымінальную справу
    Рыба масава загінула ў рацэ Бераставічанка Бераставіцкага раёна ў канцы чэрвеня 2020 года. Вынікі пробаў паказалі высокае ўтрыманне хімічных рэчываў. Пракуратура ўзбудзіла крымінальную справу. Утрыманне ў вадзе хімічных і іншых рэчываў перавышае нарматывы дапушчальных канцэнтрацый. Гэта паказала даследаванне вады з некалькіх месцаў у раёне каналізацыйнай помпавай станцыі Бераставіцкага ЖКГ. Сума шкоды, нанесенай навакольнаму асяроддзю, склала […]
  • “Лекары і родныя ні на што не спадзяваліся”. Жыхарка Ліды пра тое, як перажывае каранавірус
    Раіса Дзікевіч сышла на бальнічны 2 красавіка. Першапачаткова думалі, што бранхіт, так і лячылі. Але жанчыне станавілася ўсё горш і горш, і 13 красавіка яна трапіла ў рэанімацыю. Далей былі медыкаментозны сон, тры тыдні на апараце ШВЛ і пяць пераліванняў плазмы. “Лекары і родныя ўжо ні на што не спадзяваліся, я цудам выжыла”, – распавядае […]
  • У Беларусі за суткі COVID-19 заразіліся 221 чалавек. Што вядома аб наступствах каранавіруса?
    У Беларусі на 8 ліпеня зарэгістраваныя 64 224 (+221) чалавекі са станоўчым тэстам на COVID-19. Ачунялі і выпісаныя 52 854 пацыенты (+952), памерлі – 443 (+7), паведамляе Міністэрства аховы здароўя. Усяго праведзена 1 087 245 тэстаў. Што кажуць навукоўцы пра наступствы COVID-19? У цяперашні час доўгатэрміновы ўплыў каранавіруса на арганізм вывучаны не да канца. Пакуль […]
© 2012-2014 Грамадcкае аб'яднанне "Цэнтр інфармацыйнай падтрымкі грамадcкіх ініцыятыў "Трэці сектар"