Назіранні з Гдыні – чым жыве мясцовая грамадская арганізацыя

Змяніць памер шрыфта Болей Меней Скінуць
Назіранні з Гдыні – чым жыве мясцовая грамадская арганізацыя

Ірына Новік, сяброўка праўлення ГА “Цэнтр “Трэці сектар”, дзеліцца сваімі назіраннямі са стажыроўкі ў польскай НДА “Цэнтр супрацоўніцтва моладзі” у Гдыні.

Праца грамадскай арганізацыі “Цэнтр супрацоўніцтва моладзі”, дзе я зараз стажыруюся, мае некалькі асноўных накірункаў. Гэта еўрапейскі валантарыят для моладзі, інтэграцыя ў грамадства асоб з непаўнаспраўнасцю і навучальныя візіты ў Гдыню.

Зараз мы актыўна рыхтуемся да чарговага візіту, які распачнецца праз пару дзён. Ідзе актыўная камунікацыя з удзельнікамі – квіткі, прэзентацыі краіны, надвор’е, праграма – будучых удзельнікаў цікавіць мноства пытанняў. На ўсе трэба ў час даць ясныя адказы, таму Багдан, валанцёр з Украіны, што зараз працуе ў арганізацыі, увесь час заняты і не паспявае сумаваць.

б1

Марта адказвае за фармаванне праграмы, узгадняе час і магчымасць наведвання арганізацый, куды завітаюць удзельнікі візіта. Усе разам збіраліся для абмеркавання мінулага візіту, ацэнкі яго эфектыўнасці паводле анкет удзельнікаў, абмеркавання мерапрыемстваў, што найлепш удаліся мінулым разам, і сустрэч, якіz варта было б замяніць ці агранізаваць у іншым фармаце.

гдыня

Але пакуль візіт толькі рыхтуецца, варта звярнуць увагу на іншыя праекты. У накірунку працы з непаўнаспраўнымі іх зараз два: “Гдыня для ўсіх” і “Непаўнаспраўныя, актыўныя ў грамадстве”.

У першым праекце бяруць удзел мясцовыя валанцёры і асобы з напаўнаспраўнасцю. На мэце працы стаіць найперш даследванне гарадской прасторы, яе даступнасці для інвалідаў, асобаў на вазках ці з абмежаваным зрокам. Удзельнікі аб’яднаныя ў групы такім чынам, каб паўнаспраўных асобаў было не менш за непаўнаспраўных. Група атрымлівае мапу таго раёна, каторы будзе даследаваць і ва ўмоўлены час выпраўляецца на шпацыр. На мапу наносяцца месцы, якія робяць раён “недаступным” – дзе адсутнічае ці моцна пашкоджаны тратуар, вельмі высокія бардзюры, мала пераходаў праз дарогу і г.д.

гдыня

гдыня

гдыня

Такія месцы адзначаюцца на схеме, а потым наносяцца на камп’ютарную мапу, што ў выніку накіроўваецца ў гарадскую адміністрацыю.

гдыня

гдыня

Аднак акрамя мапы эфект сумеснай працы і ў тым, што асобы з непаўнаспраўнасцю выходзяць у грамадскую прастору, могуць уплываць на яе фарміраванне ці змяненне, а паўнаспраўныя вучацца дапамагаць ім, улічваць іх інтарэсы, глядзець на свет і горад з іншага пункту гледжання.

Што тычыцца еўрапейскіх валанцёраў, то яны прыяжджаюць ў Гдыню yа даволі доўгі тэрмін, ад 6 да 12 месяцаў, каб працаваць у розных грамадскіх арганізацыях. Яны заангажаваныя ў бібліятэцы, працуюць з дзецьмі, сталымі людзьмі і з непаўнаспраўнымі.

“Цэнтр супрацоўніцтва моладзі” збірае іх разам штомесяц – супольныя “нацыянальныя” сняданкі даюць магчымасць падзяліцца атрыманым досведам ці разказаць пра новыя падзеі з жыцця валанцёраў. Такія сустрэчы – таксама нагода павіншаваць імяніннікаў месяца.

гдыня

гдыня

 

З удзелам еўрапейскіх валанцёраў праходзяць у горадзе і інфармацыйныя сустрэчы з мясцовай моладдзю. Тут можна даведацца пра ўмовы еўрапейскага валанцёрства і пра арганізацыі, да каторых можна выехаць на валантарыят.

гдыня

Вось у такой працы правяла я ў Гдыні ўжо амаль два тыдні. Вольны час, што застаецца па працы, вядома, баўлю з фотаапаратам. Вельмі ўражвае Балтыка! У маіх уяўленнях мора ніколі не дапасоўвалася з бярозамі і апалым лісцем. А тут – і бярозкі – зусім як беларускія, і – мора – сапраўднае і чароўнае.

гдыня

гдыня

Увесь час нявольна параўноўваю Гдыню з Гродна. У іх, напрыклад, таксама ёсць гандлёвы цэнтр Баторый.

гдыня

Шчыра радуюся тым мясцовым “неспадзянкам”, што сведчаць пра любоў жыхароў да горада і жаданне перадаць свае цёплыя пачуцці гасцям горада. Вось, напрыклад, у маленькім кафэ ў цэнтры традыцыйныя запяканкі маюць назвы мясцовых вуліц.

гдыня

Такім чынам – пазнаю Гдыню усімі магчымымі пачуццямі. І канечне – знаёмлю сваіх калегаў з Беларуссю. Таксама – з розных бакоў. Паказала ім нацыянальны строй і пачаставала дранікамі і нашымі цукеркамі. Беларускі ланч атрымаўся вясёлым і цікавым. Вядома, распавядаю пра Гродна і нашу працу, дзялюся набытым ў сваёй арганізацыі досведам.

Тэкст і фота:  Ірына Новік

Дадаць каментар

  • Універсітэт Залатога Веку

    Універсітэт Залатога Веку

    Сайт праекта, скіраванага на сацыяльную і інтэлектуальную актывізацыю сталых людзей. Вучыцца ніколі не позна!

    Школа маладога журналіста

    Школа маладога журналіста

    Праект для тых, хто хоча паспрабаваць свае сілы ў журналістыцы. Працуе ў Гродне з 1997 г.! Далучайся!

Чытай

Чытаць навiны на hrodna.life
  • Колькі можна сабраць на пенсію, калі адкладаць з 30 гадоў. І чаму нам усім варта гэта рабіць
    Сярэдняя пенсія па ўзросту ў Беларусі ў жніўні склала амаль 447 рублёў, піша tut.by. І ўсё ідзе да таго, што ў будучыні пенсіянерам не прыйдзецца разлічваць нават на такую суму, перакананыя эксперты. «Працаздольнага насельніцтва будзе станавіцца ўсё менш, і гэта з кожным годам будзе павялічваць нагрузку на Фонд сацабароны», – канстатуе акадэмічны дырэктар даследчага цэнтра […]
  • Гродзенца, якому ампутавалі ягадзіцу пасля збіцця АМАПам, дапыталі ў рэанімацыі
    Гродзенца Дзяніса Лук’янава, у якога здарыўся канфлікт з амапаўцамі на аўтамабільным фэстывалі SunDay, дапыталі следчыя амаль адразу пасля чарговай апэрацыі, піша svaboda.org. «Абляпілі яго. Усе ў цывільным, высокія, здаровыя» У пятніцу, 23 жніўня, Дзянісу зрабілі чарговую апэрацыю на назе. «Яго чысьцяць, перавязваюць. Падчас чысткі зразаюць частку цягліцаў, бо яны заражаныя. Чысьцяць адмерлую плоць на назе… У яго ўся […]
  • Румас: Праграму інтэграцыі з Расеяй апублікуем, каб зняць асцярогі ў пытаннях суверэнітэту
    Праект праграмы інтэграцыі з Расіяй урад плануе ўнесці на разгляд прэзідэнта 27 жніўня, піша tut.by. – Мы ў аўторак ўжо ўнясём кіраўніку дзяржавы праект гэтай праграмы для яго ўхвалення для таго, каб ужо ў пачатку верасня прэм’ер-міністры парафіявалі гэтую праграму дзеянняў, – распавёў кіраўнік урада Сяргей Румас. Па словах Румаса, у праграме закладзены прынцып «дзве […]
  • У Гродне агучылі прысуд за дзедаўшчыну ў вучэльні алімпійскага рэзерву
    У Гродне асудзілі траіх навучэнцаў Гродзенскай дзяржаўнай вучэльні алімпійскага рэзерву – за злоснае хуліганства, аднаго з іх – яшчэ і за рабаванне. Пацярпелыя – спартсмены 14-16 гадоў. Усім абвінавачваным інкрымінавалі злоснае хуліганства па ч.2 арт.339 Крымінальнага кодэкса Рэспублікі Беларусь. Акрамя таго, аднаму з іх паставілі ў віну асабліва злоснае хуліганства па ч.3 арт.339 і рабаванне […]
© 2012 Грамадcкае аб'яднанне "Цэнтр інфармацыйнай падтрымкі грамадcкіх ініцыятыў "Трэці сектар"
Каталог TUT.BY