Першы беларускі IdeaLab: не праваронь!

Змяніць памер шрыфта Болей Меней Скінуць
Першы беларускі IdeaLab: не праваронь!

Спланаваць і стварыць з дапамогай крутых экспертаў цікавую медыягісторыю змогуць удзельнікі  IdeaLab, які адбудзецца 7-8 кастрычніка ў Мінску. Сярод арганізатараў імпрэзы – ГА “Цэнтр “Трэці сектар”.

Да ўдзелу ў мерапрыемстве запрашаюцца журналісты і грамадзянскія актывісты, якія на працягу двух сутак (у тым ліку ноччу) разам будуць працаваць над сумеснымі медыяпраектамі. Дапамагаць ім у гэтым будуць інфаграферы, дызайнеры ды іншыя спецыялісты з Беларусі, Украіны, Германіі.

Як заявіцца грамадскім актывістам

Прадстаўнікам грамадскіх ініцыятываў трэба запоўніць заяўку на ўдзел, у якой падрабязна апісаць тую ідэю (гісторыю, праблему), якая, на вашу думку, можа легчы ў аснову медыяпраектаў і вартая быць прадстаўлена шырокай публіцы.

Пасля папярэдняга адбору заявак, які правядуць прадстаўнікі арганізацый-партнёраў IdeaLab, не менш за 15 з заяўленых ідэй будуць прэзентаваныя прадстаўнікамі НГА ў першы дзень імпрэзы.

Менавіта гэтыя ідэі лягуць у аснову будучых медыйных праектаў, над якімі будуць працаваць сфармаваныя на IdeaLab каманды.

Для прадстаўнікоў НГА ўдзел у мерапрыемстве – добры шанец наладзіць узаемадзеянне з медыя і журналістамі, самім адчуць сябе членам рэдакцыйнай каманды, апрабаваць новыя інструменты візуалізацыі дадзеных, стварэння мультымедыйных гісторый і г.д. Але галоўнае – выдатная магчымасць распавесці шырокай публіцы пра тыя праблемы, якімі займаецца вашая арганізацыя.

Як заявіцца журналістам

Прадстаўнікам медыя таксама трэба запоўніць заяўку, у якой пацвердзіць сваю гатоўнасць не толькі ўдзельнічаць у IdeaLab, але і апублікаваць гатовы праект у сваім медыя.

Да ўдзелу ў мерапрыемстве запрашаюцца журналісты, якія спецыялізуюцца на сацыяльнай, экалагічнай і культурнай тэматыкі. Форма ўласнасці медыя, а таксама іх выгляд (друкаванае, электроннае, онлайн) – значэння не маюць.

Для ўдзелу ў IdeaLab будуць адабраны 30 прадстаўнікоў медыя.

Журналістам удзел у імпрэзе дасць доступ да ўнікальных гісторый, якія раней нідзе не публікаваліся, да кансультацый з боку дасведчаных медыя-экспертаў, інфаграфераў, сторытэлераў.

У час IdeaLab будуць арганізаваны майстар-класы і індывідуальныя кансультацыі ментараў для ўсіх каманд, якія працуюць над праектамі.

У канцы імпрэзы прафесійнае журы, якое складаецца з ментараў і арганізатараў IdeaLab, ацэніць усе прадстаўленыя праекты. Лепшы з іх атрымае прыз ад спонсараў.

Апошні тэрмін падачы заявак ад прадстаўнікоў НГА і журналістаў – 25 жніўня 2017 года.

Дадатковую інфармацыю можна атрымаць, напісаўшы на адрас mediamanagementbelarus@gmail.com

Дата правядзення IdeaLab: 7-8 кастрычніка 2017 года

Месца правядзенне: Мінскі міжнародны адукацыйны цэнтр імя Ёханэса Рау.

IdeaLab – хакатон, які сумесна ладзяць Школа журналістыкі Мінскага міжнароднага адукацыйнага цэнтра імя Ёханэса Рау, установа “Цэнтр дадатковай адукацыі дарослых “Студыя карысных кампетэнцый“, ГА “Цэнтр “Трэці сектар” пры падтрымцы Deutsche Welle Akademie.

Дадаць каментар

  • Універсітэт Залатога Веку

    Універсітэт Залатога Веку

    Сайт праекта, скіраванага на сацыяльную і інтэлектуальную актывізацыю сталых людзей. Вучыцца ніколі не позна!

    Школа маладога журналіста

    Школа маладога журналіста

    Праект для тых, хто хоча паспрабаваць свае сілы ў журналістыцы. Працуе ў Гродне з 1997 г.! Далучайся!

Чытай

Чытаць навiны на hrodna.life
  • Усім не хапае месца: як гродзенцы сочаць за чэмпіянатам свету па футболе
    Матч зборных Расіі і Егіпта 19 чэрвеня выклікаў ажыятаж у гродзенцаў. У цэнтры Гродна дзясяткі людзей пільна сачылі ў кафэ і барах за супрацьстаяннем каманд. Перавагу гродзенцы аддавалі краіне-суседцы. Самая вясёлая атмасфера ў цэнтры горада пры праглядзе матчу была ў вулічным кафэ “Губерня”. Там усім жадаючым паглядзець гульню не хапала месцаў. Многія стаялі на вуліцы. […]
  • Гродзенскі сябар Быкава: Васіль вельмі жорстка мысліў. Казаў, што цягнік беларускасці пайшоў
    Пра жыццё Быкава ў Горадні belsat.eu ўзгадвае разам з ягоным даўнім сябрам, прафесарам і літаратуразнаўцам Аляксеем Пяткевічам. 19 чэрвеня – дзень, калі нарадзіўся Быкаў. Праз некалькі дзён – чарговая угодкі смерці. У лепшы свет Васіль Быкаў адышоў 22 чэрвеня 15 гадоў таму. Адышоў у статусе аднаго з самых знакамітых пісьменнікаў Беларусі. Ягоныя кнігі перакладзены на […]
  • Бізнэс і адпачынак. У Беларусі пройдзе моладзевы форум Лiпень.PRO
    Лiпень.PRO – гэта два насычаных дня ведаў у галіне бізнесу, менеджменту, псіхалогіі і асабістага развіцця. На ім збярэцца больш за 300 прадпрымальнікаў, мэнэджэраў і спецыялістаў з усёй Беларусі. Сутрэча пройдзе ў намётавым лагеры на беразе Вілейскага вадасховішча. На форуме разбяруць памылкі ў бізнэсе і фішкі для поспеху. Тут вы зможаце знайсці новых сяброў і надзейных бізнэс-партнёраў. […]
  • Стаць рэдактарам за адзін занятак. Прыходзьце на медыягульню “Пішы. Рэдагуй”
    За адзін занятак вы станеце рэдактарам, пазнаёміцеся з папулярнымі журналістамі Гродна і Мінска і праверыце свае ўменні ў журналістыцы. Гульня “Пішы. Рэдагуй” на практыцы навучыць пісаць яркія тэксты. “Студыя карысных кампетэнцый” запрашае ў рэдакцыю. Там вы атрымаеце тэму і асноўныя дадзеныя. На планёрцы вызначыцеся, у якім жанры будзеце пісаць. Атрымаеце практычныя парады ад трэнераў, падрыхтуеце […]
© 2012 Грамадcкае аб'яднанне "Цэнтр інфармацыйнай падтрымкі грамадcкіх ініцыятыў "Трэці сектар"
Каталог TUT.BY