Пра аргразвіццё, новыя медыі не толькі

Змяніць памер шрыфта Болей Меней Скінуць
Пра аргразвіццё, новыя медыі не толькі

Кірмаш арганізацыйнага развіцця адбыўся 1 лістапада ў Мінску. Удзел у ім бралі і прадстаўнікі ГА “Цэнтр “Трэці сектар”. Нашая арганізацыя разам з рэдакцыяй сайта “Твой стыль” былі таксама інфармацыйнымі партнёрамі гэтага маштабнага мерапрыемства, якое сабрала каля 200 чалавек – кансультантаў па аргразвіцці, а таксама прадстаўнікоў розных беларускіх грамадскіх арганізацый і ініцыятываў.
Старшыня праўлення ГА “Цэнтр “Трэці сектар” Вітаўт Руднік у час пленарнага паседжання, якое адкрывала праграму працы Кірмаша, звярнуў увагу на выклікі для тых арганізацый, якія думаюць пра сваё развіццё.

Ён, у прыватнасці, адзначыў, што аргразвіццё – гэта найперш перамены. Перамены гэтыя залежаць не толькі ад самой арганізацыі і яе сябраў, але і ад асяроддзя (прававога, палітычнага, эканамічнага, культурнага і г.д.), у якім дзейнічае арганізацыя.

Паколькі гэтае асяроддзе ў Беларусі вельмі нестабільнае і досыць агрэсіўнае ў дачыненні да тых, хто праяўляе сваю грамадскую актыўнасць, у многіх арганізацый, як і ў людзей, якія трапляюць у стрэсавую сітуацыю, часта ўзнікае жаданне “схавацца ў бульбу”. Толькі нямногія беларускія арганізацыі здольныя “расправіць плечы”, кінуць выклікам усім рызыкам і зрабіць стаўку на развіццё нават у неспрыяльных умовах.

Для паспяховага развіцця арганізацыі, з пункту гледжання Вітаўта Рудніка, сёння важныя некалькі фактараў.

Найперш гэта наяўнасць рэальнай АРГАНІЗАЦЫі, якая мае кожнадзённую працу, сталых супрацоўнікаў і валанцёраў, планы дзейнасці, офіс і г.д. Колькасць такіх арганізацый у краіне складае ў лепшым выпадку некалькі дзясяткаў. Таму, па словах Вітаўта, у Беларусі ёсць каму развіваць, але не хапае тых, хто гатовы развівацца.

Гэта, у сваю чаргу, залежыць ад ВОЛІ кіраўніцтва гэтых арганізацый да пераменаў. Многіх з іх цалкам задавальняе існуючы стан рэчаў (ёсць такія-сякія спонсары, праекты рэалізуюцца і таму не варта нічога змяняць).

Важнай умовай для арганізацыйнага развіцця з’яўляецца таксама ГАТОЎНАСЦЬ сябраў арганізацыі да пераменаў. Трэба ўлічваць, што, у адрозненні ад дзяржаўных ці камерцыйных структур, тут не выкарыстаеш такія стымулы, як прэміі, загады, звальненні і г.д. Неабходна пераконваць сябраў арганізацыі ў важнасці зменаў, а гэта ўжо патрабуе ад кіраўнікоў арганізацый дадатковых высілкаў.
Неабходнай умовай з’яўляецца таксама НАЯЎНАСЦЬ РЭСУРСАЎ для “запуска” пераменаў у арганізацыі. Гаворка тут ідзе не толькі пра сродкі, але і пра час, кваліфікаваных кансультантаў і г.д.
У сувязі з гэтым Вітаўт звярнуў увагу арганізатараў розных праграм і праектаў па арганізацыйным развіцці на важнасць адказнага стаўлення да выбару арганізацый, якім будзе прадстаўляцца кансультацыйная і фінансавая дапамога.

У сваю чаргу, адказна да ўдзелу ў такіх праграмах павінны ставіцца і самі грамадскія арганізацыі. Калі арганізацыя не гатовая распачаць паўнавартасны працэс пераменаў у арганізацыі – лепш не ганьбіць сябе, не выдаткоўваць марна сілы на стратэгічныя планы, якія ніколі не будуць рэалізоўвацца і г.д.

Вітаўт Руднік звярнуў таксама ўвагу на тое, каб без увагі не заставаліся малыя арганізацыі, а таксама ініцыятывы, якія толькі распачынаюць сваю дзейнасць. Для іх актуальным было б стварэнне чагосці кшталту “інкубатара” грамадскіх ініцыятываў, дзе можна было б атрымаць неабходную прававую, арганізацыйную, тэхнічную падтрымку, парады больш дасведчаных калегаў.
У праграме Кірмашу быў таксама майстар-клас “PRастора альбо новыя медыі на службе НГА”.

Яго вядучымі былі Лана і Вітаўт Руднікі (на здымку вышэй). На працягу паўтары гадзіны больш як 20 удзельнікам сустрэчы былі прадстаўленыя розныя інструменты, якія можна выкарыстоўваць у працы арганізацыі для таго, каб фармаваць лаяльнае стаўленне да сябе з боку важнага акружэння. Асаблівая ўвага на майстар-класе была нададзена стварэнню інтэрактыўных презентацый арганізацыі (яе праектаў альбо асобных мерапрыемстваў) з дапамогай Thinglink.

Для прагляду прэзентацый, якія былі прадстаўленыя ў час сустрэчы, навядзіце курсор на цэтлікі на фотаздымку.

Біржа арганізацыйнага развіцця  -гэта анлайн платформа для пошуку і прапановы паслугаў у сферы арганізацыйнага развіцця на аснове рынкавых механізмаў.

Дадаць каментар

  • Універсітэт Залатога Веку

    Універсітэт Залатога Веку

    Сайт праекта, скіраванага на сацыяльную і інтэлектуальную актывізацыю сталых людзей. Вучыцца ніколі не позна!

    Школа маладога журналіста

    Школа маладога журналіста

    Праект для тых, хто хоча паспрабаваць свае сілы ў журналістыцы. Працуе ў Гродне з 1997 г.! Далучайся!

Чытай

Чытаць навiны на hrodna.life
  • Якой будзе дарожная інфраструктура ў мікрараёне Грандзічы
    Новы мікрараён Грандзічы пачалі ўзводзіць крыху больш за год таму. На дадзены момант тут ужо здадзены некалькі дамоў у эксплуатацыю, працягваецца ўзвядзенне жылой забудовы, вядуцца актыўныя работы па пракладцы дарог. -На цяперашні час мы ўжо ўвялі дзве – вуліца Асфальтная і частка вуліцы Глухава. У цяперашні час вядуцца будаўніча-мантажныя працы на вуліцы Саяпіна, якую плануем […]
  • “У Гродне сфармаваўся свой рынак тарыфаў”? Чаму таксісты мала зарабляюць (і страйкуюць)
    Сёння на паркоўцы гродзенскага гіпермаркета “Карона” на страйк на некалькіх дзясятках аўто сабраліся таксісты. Кіроўцы занепакоеныя недастатковымі тарыфамі і прапануюць урэгуляваць рынак пасажырскіх перавозак у рэгіёне, піша grodnonews.by. Па іх словах, новыя агрэгатары таксі першапачаткова даплачвалі, калі кошт заказу быў менш за мінімальны. Зараз даплаты прыбралі, разам з гэтым прыкметна ўпала заработная плата. – Зараз […]
  • Нічога добрага. Чаму ў кастрычніку квітнеюць каштаны – і чым гэта пагражае
    Сёлета кастрычнік радуе беларусаў цёплым і сонечным надвор’ем. У некаторых гарадах паўторна квітнеюць каштаны. Белыя кветкі, якія з’явіліся на дрэвах побач з жоўтым пожухлым лісцем, заўважылі ў Магілёве, Гродне і Бабруйску, а ў Віцебску па другім разе распусціўся бэз, піша tut.by. Праўда, спецыялісты кажуць, што для дрэў восеньскіе кветкі не абяцаюць нічога добрага. Восеньскае квітненне дрэў, […]
  • МВФ залічыў Беларусь да краінаў, якія развіваюцца
    Міжнародны валютны фонд стаў ужываць у справаздачах новы падзел краінаў на групы. Цяпер краіны Садружнасці незалежных дзяржаваў (СНД) не групуюцца разам, піша “Радыё Свабода”. Частка краінаў СНД, у ліку якіх і Беларусь, трапіла ў групу «Еўропа, што паўстае і развіваецца» (Emerging and Developing Europe). У гэтай групе цяпер таксама Малдова, Расея і Украіна – разам з Вугоршчынай, […]
© 2012 Грамадcкае аб'яднанне "Цэнтр інфармацыйнай падтрымкі грамадcкіх ініцыятыў "Трэці сектар"
Каталог TUT.BY