Пра ўстойлівае развіццё, адукацыю і супрацоўніцтва

Змяніць памер шрыфта Болей Меней Скінуць
Пра ўстойлівае развіццё, адукацыю і супрацоўніцтва

Такія тэмы былі ў цэнтры ўвагі на семінары, якія адбыўся 23 лістапада ў Гродне. Удзел у мерапрыемстве бралі і прадстаўнікі ГА “Цэнтр “Трэці сектар”.

Першая частка семінара праходзіла на базе гарадзенскай лютэранскай абшчыны, а другая – у памяшканні абласной навукова-тэхнічнай бібліятэкі.

Семінар праводзіўся ў межах Праграмы падтрымкі Беларусі, якая фінансуецца нямецкім урадам.

Як адзначыла ў прывітальным слове дырэктарка Мінскага Міжнароднага адукацыйнага цэнтра Вольга Рэнш-Ветцэль, адной з галоўных задач сучаснага грамадства з’яўляецца забеспячэнне баланса паміж інтарэсамі чалавека, эканомікі і прыроды.

У час семінара былі прадстаўленыя розныя арганізацыі, якія займаюцца дзейнасцю, накіраванай на ўстойлівае развіццё на мясцовым узроўні.

Кіраўніца зарэгістраванага ў Беларусі Прадстаўніцтва Нямецкай асацыяцыі народных універсітэтаў Галіна Верамейчык прадставіла досвед рэалізацыі праграмы “Рэгіён, які навучаецца”. Такая праграма была рэалізаваная ў Германіі, а зараз у якасці пілотнага праекта ўкараняецца ў Міснкай і Віцебскай вобласці Беларусі.

Вядомы беларускі эксперт у сферы ўстойлівага развіцця Алег Сівагракаў (на здымку ніжэй) распавёў пра сутнасць і прынцыпы гэтага працэсу.

Алег Сівагракаў

Эсперт зрабіў акцэнт на такіх асноўных прынцыпах гэтага працэсу як арыентацыя на пажаданае бачанне будучыні, супрацоўніцтва, выкарыстанне мясцовых рэсурсаў, улік экалагічных адметнасцяў рэгіёна.

Іаланта Рамановіч прадставіла ўдзельнікам семінара інфармацыю пра дзейнасць першага ў Беларусі рэгіянальнага Орхускага цэнтра.

Выкладчыца купалаўскага ўніверсітэту Вольга Крамлёва распавяла пра экалагічныя ініцыятывы, якія рэалізуюцца студэнтамі і выкладчыкамі, пра сваё бачанне падыходаў да экалагічнай адукацыі.

Некалькі цікавых прэзентацыі прадставілі супрацоўнікі гарадзенскага філіялу рэспубліканскай навукова-тэхнічнай бібліятэкі. Гэтая ўстанова ўжо некалькі год  спрабуе выйсці за рамкі бібліятэкі ў звыклым разуменні гэтага слова. Тут ладзяцца і кампутарныя курсы, і прэзентацыі, і творчыя сустрэчы. Пра ўсё гэта ўдзельнікам семінара распавяла загадчыца філіялу Наталля Мілоста (на здымку ніжэй).

Семінар па ўстойлівым развіцці

Інтарэс з боку ўдзельнікаў семінара выклікала і прэзентацыя “Універсітэту Залатога Веку” як мадэлі інтэлектуальнай актывізацыі сталых людзей.

Універсітэт Залатога Веку ў Гродне: 2013-2014 from Third Sector

Удзельнікі сустрэчы абмеркавалі таксама ідэі супрацоўніцтва паміж сабой для ўстойлівага развіцця горада і рэгіёна.

Дадаць каментар

  • Універсітэт Залатога Веку

    Універсітэт Залатога Веку

    Сайт праекта, скіраванага на сацыяльную і інтэлектуальную актывізацыю сталых людзей. Вучыцца ніколі не позна!

    Школа маладога журналіста

    Школа маладога журналіста

    Праект для тых, хто хоча паспрабаваць свае сілы ў журналістыцы. Працуе ў Гродне з 1997 г.! Далучайся!

Чытай

Чытаць навiны на hrodna.life
  • У Гродне шукаюць дзяўчыну, якая магла з’ехаць у Маскву (абноўлена)
    У Кастрычніцкі РАУС з заявай звярнуўся мужчына. Ён паведаміў аб знікненні яго дачкі – Жукоўскай Веранікі Сяргееўны 2001 года нараджэння. Слядоў крымінальнага знікнення не выяўлена, паведамляе grodno.mvd.gov.by. Дзяўчына знойдзена. Яе знайшлі супрацоўнікі міліцыі ў Пінску. З ёй усё добра. Прыкметы: на выгляд 18-19 гадоў, рост 165-170 см, хударлявага целаскладу, валасы цёмныя трохі ніжэйшыя за плечы […]
  • У Гродне зафіксавалі выпадак малярыі
    Завазны выпадак малярыі зарэгістравалі ў Гродне. У Гродзенскую абласную інфекцыйную клінічную бальніцу звярнуўся 26-гадовы гродзенец. Першапачаткова ў мужчыны дыягнаставалі вострую рэспіраторную інфекцыю і ліхаманку невядомай этыялогіі. Калі ён паведаміў, што днямі вярнуўся з Афрыкі, было праведзена адпаведнае абследаванне па выкрыцці ўзбуджальніка, паведамляе tvgrodno.by. Як аказалася, гродзенец знаходзіўся на Мальдывах і па працы выехаў у Анголу – небяспечную […]
  • Стала вядома, калі ў Гродне пройдзе Фестываль нацыянальных культур
    XIII Рэспубліканскі фестываль нацыянальных культур у Гродне пройдзе 5-6 чэрвеня, паведаміла журналістам дырэктар Рэспубліканскага цэнтра нацыянальных культур Вольга Антаненка, перадае БЕЛТА. На фестывалі будуць прадстаўлены 35 нацыянальнасцей. Зараз збіраецца матэрыял ад дыяспар, каб стварыць кнігу аб нацыянальных культурных грамадскіх аб’яднаннях з Беларусі, якія пастаянна ўдзельнічаюць у фестывалі. Ад кіраўнікоў дыяспар паступіла прапанова правесці на палях […]
  • Мікалай Салянік заплаціць штраф за непавагу да суда
    Актывісту прысудзілі 15 базавых за непавагу да суда. Мікалай абскарджваў рашэнне суда Кастрычніцкага раёна, які прысудзіў яму агулам 45 базавых за акцыю за незалежнасць. Падчас паседжання ў знак пратэсту ён прыкаваў сябе ланцугом да бар’ернай стойкі ў залі суда і адмовіўся пакідаць памяшканне. Супрацоўнікам дэпартамента аховы прыйшлося выклікаць МНС, каб вызваліць актывіста ад ланцуга,  і хуткую, каб […]
© 2012 Грамадcкае аб'яднанне "Цэнтр інфармацыйнай падтрымкі грамадcкіх ініцыятыў "Трэці сектар"
Каталог TUT.BY