Прадстаўнікі грамадскасці будуць браць удзел у распрацоўцы стратэгіі актыўнага даўгалецця

Змяніць памер шрыфта Болей Меней Скінуць
Прадстаўнікі грамадскасці будуць браць удзел у распрацоўцы стратэгіі актыўнага даўгалецця

Тры прадстаўнікі кааліцыі “За годнае даўгалецце” дэлегаваныя ў працоўную групу па стварэнні Нацыянальнай стратэгіі актыўнага даўгалецця. 

Рашэнне пра гэта было прынята ў час чарговай сустрэчы сябраў кааліцыі, якая адбылася 25 красавіка ў Мінску.

Удзел у сустрэчы бралі прадстаўнікі Навукова-даследчага інстытута пры Міністэрстве працы і сацыяльнай абароны насельніцтва, які каардынуе распрацоўку стратэгіі.

Як паведаміў супрацоўнік гэтага інстытута Сяргей Капусцін, праца над стратэгіяй складаецца з чатырох этапаў.

Першы з іх – аналітычны – ужо завершаны. Ён складаўся з вывучэння замежнага досведу, тэарэтычнай базы, збору інфармацыі пра вынікі розных даследаванняў, якія тычацца старэння насельніцтва.

На другім этапе, які распачынаецца з траўня, будзе створана экспертная працоўная група, якая будзе аналізаваць і дапаўняць парцу, зробленую на папярэднім этапе.

Вынікам працы групы мае стаць працоўны варыянт стратэгіі, якія мае з’явіцца да канца чэрвеня.

У склад гэтай групы ад імя кааліцыі дэлегаваныя Вітаўт Руднік (старшыня праўлення ГА “Цэнтр “Трэці сектар”), Анжаліка Аношка (старшыня праўлення міжнароднага грамадскага аб’яднання “Узаемапаразуменне”) і Раіса Сінельнікава (незалежная экспертка).

На трэцім этапе чарнавы варыянт стратэгіі будзе дасланы на экспертызу зацікаўленым арганізацыям. Сябры кааліцыі адзначылі важнасць забеспячэння магчымасці каментавання гэтага дакуманта ўсімі ахвотнымі, у тым ліку – сталымі людзьмі.

На чацьвёртым этапе (кастрычнік-снежань) будзе распрацоўвацца план мерапрыемстваў па рэалізацыі Стратэгіі.

Чакаецца, што Стратэгія будзе зацверджана парламентам увосень і ўвойдзе ў дзеянне ў 2020 г.

Сумеснае прасоўванне ідэі распрацоўкі Нацыянальнай стратэгіі актыўнага даўгалецця, мясцовых планаў дзеянняў у інтарэсах людзей усіх пакаленняў, збор прапановаў па зместу гэтых дакументаў, а таксама маніторынг эфектыўнасці выканання гэтах планаў з’яўляецца прыярытэтам дзейнасці сябраў кааліцыі “За годнае даўгалецце”.

Узгодненыя сябрамі кааліцыі прапановы былі дасланыя ў Міністэрства працы ў канцы 2018 г. Пазнаёміцца з іх зместам можна тут.

У падпісаным удзельнікамі кааліцыі Мемарандуме гаворыцца, што галоўнай мэтай Стратэгіі павінна стаць стварэнне ўмоў для годнага старэння і максімальнай рэалізацыі патэнцыялу кожнага чалавека на працягу ўсяго жыцця, паляпшэнне якасці жыцця сталых людзей у прыязным для іх асяроддзі.

На гэты момант Мемарандум кааліцыі падпісалі гарадзенскія ГА “Цэнтр “Трэці сектар” і ўстанова “Цэнтр дадатковай адукацыі дарослых “Студыя карысных кампетэнцый“, міжнароднае грамадскае аб’яднанне “Узаемапаразуменне” (Мінск), ГА “Залаты ўзрост” (Віцебск), ГА “Беларуская асацыяцыя сацыяльных работнікаў” (Мінск), “Кобрынскі Клуб дзелавых жанчын “Бона”, “Хэсэд-Рахамім” (Мінск), старшыні Радаў гарадзенскага “Універсітэту Залатога Веку” і мінскага “Універсітэту трэцяга ўзросту“, а таксама некалькі экспертаў.

 

 

Дадаць каментар

  • Універсітэт Залатога Веку

    Універсітэт Залатога Веку

    Сайт праекта, скіраванага на сацыяльную і інтэлектуальную актывізацыю сталых людзей. Вучыцца ніколі не позна!

    Школа маладога журналіста

    Школа маладога журналіста

    Праект для тых, хто хоча паспрабаваць свае сілы ў журналістыцы. Працуе ў Гродне з 1997 г.! Далучайся!

Чытай

Чытаць навiны на hrodna.life
  • У Гродне адкрылі выставу, прысвечаную 450-годдзю стварэння Рэчы Паспалітай
    Выстава пра Люблінскую унію, падпісаную 450 гадоў таму, адкрылася ў гродзенскім Цэнтры гарадскога жыцця 21 кастрычніка, піша “Радыё Свабода”. Экспазіцыя складаецца з 14 стэндаў з фатаздымкамі Любліна — горада, дзе Вялікае Княства Літоўскае і Карона Польская пагадзіліся абʼяднацца. На фота відаць месцы, звязаныя з Люблінскай уніяй, паказаны іхні лёс. На думку гаспадара Цэнтру гарадскога жыцця […]
  • У таксі трэба наводзіць парадак? Чым незадаволеныя дасведчаныя таксісты і колькі каштуе бяспека пасажыра
    Таксісты ў Гродне страйкуюць, у Мінтрансе кажуць аб магчымым вяртанні ліцэнзій, а навіны аб ДТЗ з аўтамабілямі таксі сталі штодзённасцю. Да чаго можа прывесці вяртанне да ліцэнзавання, чаго хочуць самі таксісты і ці можа чалавек літаральна ўчора атрымаўшы правы працаваць у таксі? За апошнія гады на рынку пасажырскіх перавозак многае памянялася. Першае і самае прыкметнае […]
  • “Перапісалася” 5 мільёнаў беларусаў. Дзе ў Гродне можна прайсці перапіс насельніцтва?
    У перапісе насельніцтва, па стане на панядзелек, праз стацыянарныя ўчасткі і інтэрнэт прынялі ўдзел 4 млн 920 тысячаў чалавек, паведамляе Белстат. Прычым у інтэрнэт-перапісу – 2 млн 23 тысяч 989 чалавек. Інтэрнэт-перапіс скончыўся ў пятніцу. Ад сёння і да 30 кастрычніка па кватэрах будуць хадзіць перапісчыкі. Але застаюцца і стацыянарныя ўчасткі, паведамляе nn.by. У Гродне […]
  • Еўропа ў нядзелю пераводзіць стрэлкі гадзін. Што гэта азначае для Беларусі
    У ноч на нядзелю краіны Еўропы пераходзяць на зімовы час: гадзіннікі будуць пераведзены на гадзіну назад, паведамляе nn.by. Нагадаем, што Еўрапейскі саюз вырашыў спыніць перавод стрэлак кожныя вясну і восень, аднак дзяржавы павінны самі вырашыць, які час пакінуць у якасці пастаяннага – зімовы ці гадовы. Пытанне будзе вырашана, хутчэй за ўсё, не раней 2021 года. […]
© 2012 Грамадcкае аб'яднанне "Цэнтр інфармацыйнай падтрымкі грамадcкіх ініцыятыў "Трэці сектар"
Каталог TUT.BY