Праект Нацыянальнай стратэгіі актыўнага даўгалецця будзе разгледжаны ўвосень

Змяніць памер шрыфта Болей Меней Скінуць
Праект Нацыянальнай стратэгіі актыўнага даўгалецця будзе разгледжаны ўвосень

Пра гэта 26 лютага паведаміла міністр працы і сацыяльнай абароны насельніцтва Ірына Касцевіч.

Інфармацыя пра намер распрацоўкі такой стратэгіі прагучала з вуснаў міністра яшчэ ў мінулым годзе.

Увосень 2018 г. Міністэрства працы накіравала ў шэраг грамадскіх арганізацый краіны ліст з прапановай даслаць свае рэкамендацыі па змесце Стратэгіі.

Гэтай магчымасцю скарысталіся ўдзельнікі створанай у лістападзе мінулага года кааліцыі “За годнае даўгалецце”, у якую ўваходзіць і ГА “Цэнтр “Трэці сектар”.

Узгодненыя сябрамі кааліцыі прапановы былі дасланыя 15 лістапада. Пазнаёміцца з іх зместам можна тут.

У падпісаным удзельнікамі кааліцыі Мемарандуме гаворыцца, што галоўнай мэтай Стратэгіі, на думку аўтараў Мемарандуму, павінна стаць стварэнне ўмоў для годнага старэння і максімальнай рэалізацыі патэнцыялу кожнага чалавека на працягу ўсяго жыцця, паляпшэнне якасці жыцця сталых людзей у прыязным для іх асяроддзі.

Сумеснае прасоўванне ідэі распрацоўкі Нацыянальнай стратэгіі актыўнага даўгалецця, мясцовых планаў дзеянняў у інтарэсах людзей усіх пакаленняў, збор прапановаў па зместу гэтых дакументаў, а таксама маніторынг эфектыўнасці выканання гэтах планаў з’яўляецца прыярытэтам дзейнасці сябраў кааліцыі “За годнае даўгалецце”.

На гэты момант Мемарандум кааліцыі падпісалі гарадзенскія ГА “Цэнтр “Трэці сектар” і ўстанова “Цэнтр дадатковай адукацыі дарослых “Студыя карысных кампетэнцый“, міжнароднае грамадскае аб’яднанне “Узаемапаразуменне” (Мінск), ГА “Залаты ўзрост” (Віцебск), ГА “Беларуская асацыяцыя сацыяльных работнікаў” (Мінск), “Кобрынскі Клуб дзелавых жанчын “Бона”, “Хэсэд-Рахамім” (Мінск), старшыні Радаў гарадзенскага “Універсітэту Залатога Веку” і мінскага “Універсітэту трэцяга ўзросту“, а таксама некалькі экспертаў.

Мемарандум адкрыты для падпісання прадстаўнікамі грамадскіх, дзяржаўных, акадэмічных арганізацый з Беларусі і іншых краін, незалежнымі экспертамі, якія падзяляюць палажэнні гэтага дакумента.

 

Дадаць каментар

  • Універсітэт Залатога Веку

    Універсітэт Залатога Веку

    Сайт праекта, скіраванага на сацыяльную і інтэлектуальную актывізацыю сталых людзей. Вучыцца ніколі не позна!

    Школа маладога журналіста

    Школа маладога журналіста

    Праект для тых, хто хоча паспрабаваць свае сілы ў журналістыцы. Працуе ў Гродне з 1997 г.! Далучайся!

Чытай

Чытаць навiны на hrodna.life
  • Вясновы майстар-клас “БРОШКА-БУКЕЦІК З ФААМІРАНУ”
    Жавароначкі ўжо прыляцелі, вясна, здаецца, ужо тут даўно, але мы пачакаем каляндарную і запросім вас на ВЯСНОВЫ МК “БРОШКА-БУКЕЦІК З ФААМІРАНУ” 7 САКАВІКА разам з майстрыцай на ўсе рукі Кацярынай Неўгень зробім пяшчотнае ўпрыгожванне – брошку з фаамірану ў выглядзе вясновага букету 💐 Пачатак а 15 гадзіне, кошт 20 руб (для сталых наведнікаў 18 руб). Чакаем […]
  • Выстава Джорджа Пэддэр-Сміта
    Джордж Пэддэр-Сміт ізноў збірае сяброў у нашым Цэнтры гарадскога жыцця!!! Запрашаем 27 лютага на вернісаж выставы і на добрую музыку The post Выстава Джорджа Пэддэр-Сміта appeared first on Hrodna.life.
  • Мова Нанова з Андрэем Палудам
    Ці сапраўды ёсць такія ўчынкі, пакараннем за якія можа быць толькі смерць? Ці былі ў Беларусі памылковыя растрэлы? Якім будзе свет, калі на волю выйдуць Брэйвік, менскі «юнак з бензапілой», хлопчык са Стоўпцаў, які забіў настаўніцу і свайго аднагодку? Гэтыя і іншыя пытанні абмеркуем разам з праваабаронцам і каардынатарам кампаніі «Скажы не смяротнаму пакаранню» Андрэем […]
  • Некоторое отсутствие пуговиц
    А ці не правесці нам зіму (што б гэта не азначала ў бягучым годзе )) класнай гарадзенскай музыкай?! Запрашаем у Цэнтр 29 лютага а 19.00 The post Некоторое отсутствие пуговиц appeared first on Hrodna.life.
© 2012 Грамадcкае аб'яднанне "Цэнтр інфармацыйнай падтрымкі грамадcкіх ініцыятыў "Трэці сектар"
Каталог TUT.BY