PRodvizhenie-2018: у Брэсце адбыўся Форум рэгіянальных ініцыятыў

Змяніць памер шрыфта Болей Меней Скінуць
PRodvizhenie-2018: у Брэсце адбыўся Форум рэгіянальных ініцыятыў

Удзел у мерапрыемстве, якое праходзіла 7-8 снежня, бралі каля 70 удзельнікаў з розных рэгіёнаў Беларусі, а таксама госці з Германіі.

У першы дзень Форума яго ўдзельнікі знаёміліся з беларускім і нямецкім досведам працы па наладжванні сувязяў з грамадскасцю.

Так, Ліза Відэмут распавяла натхняльную гісторыю пра сацыяльнае прадпрыемства па вырабе піва, якое выдаткоўвае атрыманыя грошы на падтрымку сацыяльных праектаў у розных гарадах Усходняй Германіі.

Дзмітрый Макарук падзяліўся карыснымі парадамі наконт наладжвання супрацы з мясцовымі ўладамі.Юлія Партнова (ActiveYOUkraine) правяла майстар-клас па стварэнні гісторый пра грамадскі актывізм і грамадскіх актывістаў, звярнуўшы асаблівую ўвагу на планаванне структуры такіх гісторый.

Дзяніс Васількоў (Цэнтр “Кола”, Магілёў) прысвяціў свой выступ арганізацыі працы грамадскіх ініцыятыў у сацыяльных сетках.

Запіс яго выступу глядіце па гэтай спасылцы.

Цікавай атрымалася таксама дыскусія пра магчымасці супрацы паміж грамадскімі актывістамі і журналістамі.

Аксана Бровач (“Камсамольская праўда ў Беларусі”), Ірына Новік (Hrodna.Life), Аліна Дзеравянка (Фонд развіцця Брэсцкай крэпасці), Рыгор Цярэнц’еў (Брэсцкая моладзевая арганізацыя “Час Зямлі”) падзяліліся гісторыямі сваіх поспехаў і няўдач па лініі “медыя – грамадскія ініцыятывы”, а таксама рэкамендацыямі наконт таго, што трэба рабіць/не рабіць, каб супраца паміж журналістамі і прадстаўнікамі грамадскіх ініцыятыў была ўдалай для абодвух бакоў.

Змястоўнымі і цікавымі аказаліся таксама майстар-класы, з якіх распачалася праграма другога дня Форума.

Ёрг Рэшке (Германія) падзяліўся сваімі парадамі арганізацыі онлайн кампаній па зборы ахвяраванняў на грамадскую дзейнасць.

Аксана Кузіна (“Прастора”, Віцебск) зрабіла прэзентацыю і дыскусію на тэму “Калі мэтавая аўдыторыя – мясцовыя ўлады”.

“Разынкай” Форума стала дыскусія ў фармаце “Сусветнай кавярні”, у час якой удзельнікі абмеркавалі ідэі магчымых сумесных праектаў, скіраваных на ўстойлівае развіццё рэгіёнаў, магчымасці і рызыкі для супрацы, падзяліліся ідэямі наконт таго, дзе шукаць партнёраў у Беларусі і ў Германіі.

Яркай фінальнай кропкай форума стала ўзнагароджанне пераможцаў конкурсаў на лепшыя PR-матэрыялы і лепшыя адукацыйна-асветніцкія праграмы.

Удзел у гэтым конкурсе бралі выпускнікі Школы PR і медыякампетэнцый, а таксама Школы плюралізма.

Пераможцамі гэтых конкурсаў сталі Ілона Бяляцкая (Прастора КХ, Брэст), Наталля Раманюк (кампанія MYSA BAG, Брэст), а таксама Аляксандра Шор (мясцовая ініцыятыва “Свае”, Жодзіна). Яшчэ адным пераможцам конкурса стала адукацыйная праграма, прысвечаная жаночаму лідэрству, якую сумесна распрацавалі Лера Пінчук (Мінск), Інэса Дроніна (Мінск) і Святлана Пінчук (Гродна).

Форум праводзіцца ў межах праекта PRodvizhenie-2018, які сумесна ажыццяўляюць:

Установа “Цэнтр дадатковай адукацыі дарослых “Студыя карысных кампетэнцый” (Гродна)

Грамадскае аб’яднанне “Цэнтр “Трэці сектар” (Гродна)

Брэсцкі мясцовы фонд рэгіянальнага развіцця

Coopforum International (Берлін, Германія).

Праект «PRodvizhenie – PR і медыякампетэнцыі для грамадзянскай супольнасці ў рэгіёнах Беларусі» здзяйсняецца ў межах праграмы Міністэрства замежных спраў Германіі «Развіццё супрацоўніцтва з грамадзянскай супольнасцю краін «Усходняга партнёрства» і Расіі».

Больш падрабязна пазнаёміцца з ходам праекта можна на блогу PRodvizhenie2018.

 

 

 

08 Снежня 2018 | Няма каментароў | Пазнакі: ,

Дадаць каментар

  • Універсітэт Залатога Веку

    Універсітэт Залатога Веку

    Сайт праекта, скіраванага на сацыяльную і інтэлектуальную актывізацыю сталых людзей. Вучыцца ніколі не позна!

    Школа маладога журналіста

    Школа маладога журналіста

    Праект для тых, хто хоча паспрабаваць свае сілы ў журналістыцы. Працуе ў Гродне з 1997 г.! Далучайся!

Чытай

Чытаць навiны на hrodna.life
  • Колькі можна сабраць на пенсію, калі адкладаць з 30 гадоў. І чаму нам усім варта гэта рабіць
    Сярэдняя пенсія па ўзросту ў Беларусі ў жніўні склала амаль 447 рублёў, піша tut.by. І ўсё ідзе да таго, што ў будучыні пенсіянерам не прыйдзецца разлічваць нават на такую суму, перакананыя эксперты. «Працаздольнага насельніцтва будзе станавіцца ўсё менш, і гэта з кожным годам будзе павялічваць нагрузку на Фонд сацабароны», – канстатуе акадэмічны дырэктар даследчага цэнтра […]
  • Гродзенца, якому ампутавалі ягадзіцу пасля збіцця АМАПам, дапыталі ў рэанімацыі
    Гродзенца Дзяніса Лук’янава, у якога здарыўся канфлікт з амапаўцамі на аўтамабільным фэстывалі SunDay, дапыталі следчыя амаль адразу пасля чарговай апэрацыі, піша svaboda.org. «Абляпілі яго. Усе ў цывільным, высокія, здаровыя» У пятніцу, 23 жніўня, Дзянісу зрабілі чарговую апэрацыю на назе. «Яго чысьцяць, перавязваюць. Падчас чысткі зразаюць частку цягліцаў, бо яны заражаныя. Чысьцяць адмерлую плоць на назе… У яго ўся […]
  • Румас: Праграму інтэграцыі з Расеяй апублікуем, каб зняць асцярогі ў пытаннях суверэнітэту
    Праект праграмы інтэграцыі з Расіяй урад плануе ўнесці на разгляд прэзідэнта 27 жніўня, піша tut.by. – Мы ў аўторак ўжо ўнясём кіраўніку дзяржавы праект гэтай праграмы для яго ўхвалення для таго, каб ужо ў пачатку верасня прэм’ер-міністры парафіявалі гэтую праграму дзеянняў, – распавёў кіраўнік урада Сяргей Румас. Па словах Румаса, у праграме закладзены прынцып «дзве […]
  • У Гродне агучылі прысуд за дзедаўшчыну ў вучэльні алімпійскага рэзерву
    У Гродне асудзілі траіх навучэнцаў Гродзенскай дзяржаўнай вучэльні алімпійскага рэзерву – за злоснае хуліганства, аднаго з іх – яшчэ і за рабаванне. Пацярпелыя – спартсмены 14-16 гадоў. Усім абвінавачваным інкрымінавалі злоснае хуліганства па ч.2 арт.339 Крымінальнага кодэкса Рэспублікі Беларусь. Акрамя таго, аднаму з іх паставілі ў віну асабліва злоснае хуліганства па ч.3 арт.339 і рабаванне […]
© 2012 Грамадcкае аб'яднанне "Цэнтр інфармацыйнай падтрымкі грамадcкіх ініцыятыў "Трэці сектар"
Каталог TUT.BY