PRodvizhenie-2020: Заяўляйцеся!

Змяніць памер шрыфта Болей Меней Скінуць
PRodvizhenie-2020: Заяўляйцеся!

PRodvizhenie – гэта праграма для актывістаў некамерцыйных арганізацый і адукатараў, якія клапоцяцца пра папулярызацыю сваёй дзейнасці.

Хочаце зрабіць сваю арганізацыю альбо ініцыятыву больш уплывовай і заўважнай у публічнай прасторы?

Навучыцца асновам сувязяў з грамадскасцю (PR) і майстэрству правядзення трэнінгаў?

Тады заяўляйцеся да ўдзелу ў праграме PRodvizhenie-2020!

З чаго складаецца праграма:

Школа PR і медыякампетэнцый

PRodvizhenie-2020: Заяўляйцеся!

Тут вы атрымаеце асновы ведаў па сувязях з грамадскасцю (PR), пра розныя інструменты для працы з грамадскасцю (распрацоўка PR-кампаній, інфаграфікі, праца ў сацыяльных сетках і г. д.) для папулярызацыі сваёй дзейнасці, навучыцеся распрацоўваць планы медыякампаній, а таксама працаваць з журналістамі. Для ўдзелу ў кожным з трэнінгаў у межах Школы на конкурснай аснове будуць адабраныя па 25 чалавек.

Дзе?

Мінск, 25-27 верасня 2020 г.

Гомель, 9-11 кастрычніка 2020 г.

Мы прапрацоўваем таксама варыянты з адным дадатковым днём навучання ў фармаце онлайн.

Як запісацца на ўдзел у Школе?

Да ўдзелу ў Школе найперш запрашаюцца прадстаўнікі некамерцыйных арганізацый з Мінскай і Гомельскай абласцей.

Заяўкі з іншых рэгіёнаў таксама вітаюцца!

Запоўніце да 20 верасня форму заяўкі і дачакайцеся адказу ад арганізатараў!

Трэнеры і эксперты Школы:

Вітаўт Руднік

PRodvizhenie-2020: Заяўляйцеся!

Медыяэксперт, старшыня праўлення ГА “Цэнтр “Трэці сектар” (Гродна).

Спецыялізуецца на адукацыйных праграмах у галіне медыя і журналістыкі, а таксама навучання дарослых.

Заснавальнік гарадзенскай “Школы сучаснай журналістыкі”.

У якасці трэнера, эксперта, кіраўніка праектаў з 1997 г. працаваў у межах праграм такіх арганізацый, як BBC Media Action (Вялікабрытанія), Deutsche Welle Akademie (Германія), Media Akademie (Нідэрланды), АБСЕ, Міжнародная арганізацыя па міграцыі (Беларусь, Туркменістан, Узбекістан), DVV International (Украіна), “Беларуская асацыяцыя журналістаў” і многіх інш.

Лана Руднік

PRodvizhenie-2020: Заяўляйцеся!

Экспертка ў сферы PR і метадалогіі навучання, дырэктарка ўстановы “Цэнтр дадатковай адукацыі дарослых “Студыя карысных кампетэнцый” (Гродна).

Спецыялізуецца на адукацыйных праграмах у сферы навучання дарослых, арганізацыйнага развіцця, эфектыўных камунікацый.

Кіраўніца гарадзенскага “Універсітэту Залатога Веку”, дырэктарка Школы медыяменеджмента, а таксама Школы сацыяльнага прадпрыймальніцтва GoodImpact у Гродне.

У якасці трэнеркі, эксперткі, ментаркі працавала для такіх арганізацый, як Deutsche Welle Akademie (Германія), DVV International (Украіна), Міжнародная арганізацыя па міграцыі (Беларусь, Туркменістан, Узбекістан), “Беларуская асацыяцыя журналістаў” і многіх інш.

Дзяніс Васількоў

PRodvizhenie-2020: Заяўляйцеся!

Медыяэксперт

Малады і актыўны трэнер з добрым досведам працы ў грамадскім сектары і ў медыя, выпускнік Школы медыяменеджмента.

Спецыялізуецца на навучанні ў сферы smm, стрымінга і падкасцінга.

У якасці трэнера і эксперта працаваў ў Беларусі, Арменіі, Расіі, Узбекістане.

Ментарская падтрымка

Тут вы атрымаеце якасную падтрымку па распрацоўцы сваіх PR-матэрыялаў і медыякампаній ад дасведчаных спецыялістаў, якія маюць за сваімі плячыма багаты досвед “раскруткі” уласных арганізацый, а таксама працы ў межах праграм аўтарытэтных беларускіх, замежных і міжнародных арганізацый.

Калі? Кастрычнік-снежань, 2020 г.

Школа плюралізма

PRodvizhenie-2020: Заяўляйцеся!

Трэнінг для трэнераў, пра які вы марылі!

Тут вы засвоіце асновы трэнерскага майстэрства: навучыцеся планаваць свае трэнінгі і асобныя заняткі.

Асаблівы фокус будзе зроблены на тое, як планаваць навучальныя праграмы, скіраваныя на пашырэнне дэмакратычных каштоўнасцяў (плюралізм, свабода слова і іншыя правы чалавека). Для ўдзелу ў трэнінгу на конкурснай аснове будуць  адабраныя 20 чалавек.

Трэнерамі Школы будуць Вітаўт і Лана Руднікі.

Дзе? 

Мінск, 15-18 кастрычніка, 2020 г.

Як запісацца на ўдзел у Школе?

Да ўдзелу ў Школе найперш запрашаюцца прадстаўнікі некамерцыйных арганізацый з Мінскай і Гомельскай абласцей.

Заяўкі з іншых рэгіёнаў таксама вітаюцца!

Запоўніце да 25 верасня форму заяўкі і дачакайцеся адказу ад арганізатараў!

Беларуска-Нямецкі Форум Партнёрства PRodvizhenie-2020

Тут будуць прадстаўленыя цікавыя беларускія і нямецкія прыклады працы, скіраванай на папулярызацыю грамадскай дзейнасці, умацаванне іміджу грамадскіх ініцыятыў, а таксама на павышэнне здольнасці гэтых ініцыятыў вырашаць важныя мясцовыя пытанні і ўплываць на мясцовую павестку дня.

Да ўдзелу ў Форуме будуць запрошаныя актыўныя ўдзельнікі праекта, а таксама прадстаўнікі іншых беларускіх і нямецкіх НГА.

Дзе і калі?

Мінск,  21-22 лістапада 2020 г.

У залежнасці ад эпідэміялагічнай і палітычнай сітуацыі ў краіне мы разглядаем таксама варыянты правядзення сустрэч па абмене досведам і планаванні сумесных праектаў з нямецкімі партнёрамі.

PRodvizhenie-2020: Заяўляйцеся!

Праграму PRodvizhenie-2020 сумесна рэалізуюць:

Грамадскае аб’яднанне «Цэнтр «Трэці сектар» (Гродна)

Установа «Цэнтр дадатковай адукацыі дарослых «Студыя карысных кампетэнцый» (Гродна)

 Спажывецкі кааператыў «Майстэрня  сацыяльных інавацый»

Гомельскае абласное грамадскае аб’яднанне «Сацыяльныя праекты»

Моладзевае грамадскае аб’яднанне «Next Stop – New Life»

Праектная група Coopforum International (Берлін, Германія).

«PRodvizhenie-2020: PR і медыякампетэнцыі для грамадзянскай супольнасці ў рэгіёнах Беларусі» здзяйсняецца ў межах праграмы Міністэрства замежных спраў Германіі «Развіццё супрацоўніцтва з грамадзянскай супольнасцю краін «Усходняга партнёрства» і Расіі».

04 Жніўня 2020 | 1 каментар | Пазнакі: ,

Дадаць каментар

  • Універсітэт Залатога Веку

    Універсітэт Залатога Веку

    Сайт праекта, скіраванага на сацыяльную і інтэлектуальную актывізацыю сталых людзей. Вучыцца ніколі не позна!

    Школа маладога журналіста

    Школа маладога журналіста

    Праект для тых, хто хоча паспрабаваць свае сілы ў журналістыцы. Працуе ў Гродне з 1997 г.! Далучайся!

Чытай

Чытаць навiны на hrodna.life
  • У Гродзенскай вобласці распачалі яшчэ адну крымінальную справу за тэрарызм. Усяго – 200 “крыміналак” за пратэсты
    200 крымінальных спраў, звязаных з пратэстамі, распачалі пасля 9 жніўня. У кастрычніку і лістападзе рэзка ўзрасла колькасць крымінальна каральных хуліганстваў. Амаль палова з іх звязаныя з пратэстам, распавёў grodnonews.by намеснік пракурора вобласці Анатоль Іванюк. Паводле яго слоў, пратэст згасае, але радыкалізуецца. Дзве крымінальныя справы за тэрарызм (арт. 289 КК) распачалі ў Гродзенскай вобласці. Адну – […]
  • OZ закрые у Гродне пункт выдачы заказаў. Магазін раней закрылі па рашэнні Дзяржстандарту
    Пункт выдачы заказаў OZ у Гродне на вул. Савецкая, 18 спыніць працу 29 лістапада. Аб гэтым кампанія паведаміла ў Instagram. Заказы будуць дастаўляць поштай. Кошт – 6 рублёў, паведамілі Hrodna.life. 1 лістапада магазін OZ у ГЦ «Нёман» зачынілі па рашэнні Дзяржкамітэта па стандартызацыі. Крама не працавала 26 кастрычніка – lзень “народнага ультыматуму”. 1 лістапада прадаўцы […]
  • Гродзенца вінавацяць у абразе прэзідэнта за рэпост “ВКонтакте”
    Юрый Панасюк летам 2020 года зрабіў ВКонтакте рэпост фота з выявай Аляксандра Лукашэнкі і надпісамі, якія змяшчаюць, па версіі Следчага камітэта, абразу. У верасні супраць яго распачалі крымінальную справу па ч. 1 арт. 368 КК — Публічная абраза Прэзідэнта Рэспублікі Беларусь. Яму пагражае да двух гадоў пазбаўлення волі. Юрыя абвінавачваюць у тым, што з 2 […]
  • З’явіўся сайт памяці беларускага журналіста Паўла Шарамета
    28 лістапада – Дзень нараджэння беларускага журналіста Паўла Шарамета. Яму споўнілася б 49 гадоў. Раніцай 20 ліпеня 2016 года ў цэнтры Кіева выбухнуў яго аўтамабіль, калі ён ехаў на радыёэфір. Сям’я, сябры і калегі Паўла Шарамета стварылі фонд “Свабода і салідарнасць”, каб захаваць усё тое, што стварыў журналіст, а таксама працягнуць ягоную справу: падтрымліваць маладых […]
© 2012-2020 Грамадcкае аб'яднанне "Цэнтр інфармацыйнай падтрымкі грамадcкіх ініцыятыў "Трэці сектар"