Шалкевіч гастралюе за грошы Сораса, у Гродне ствараецца “Рада-23”, а ў Мінску – “Прямое действие”

Змяніць памер шрыфта Болей Меней Скінуць
Шалкевіч гастралюе за грошы Сораса, у Гродне ствараецца “Рада-23”, а ў Мінску – “Прямое действие”

Напярэдадні афіцыйнага святкавання 20-годдзя арганізацыі, якое адбудзецца ў верасні бягучага года, мы пачынаем серыю публікацый пра гісторыю арганізацыі і грамадскага руху на Гарадзеншчыне.

Мы будзем рабіць гэта з дапамогай матэрыялаў бюлетэню (пазней часопісу) “Трэці сэктар”, які выдаваўся сябрамі арганізацыі з 1997 г., а таксама нашай “Кронікі грамадскага жыцця Гарадзеншчыны”.

Першы нумар бюлетэню “Трэці сэктар” пачаў рыхтавацца яшчэ ў канцы 1996 г., калі арганізацыя фармальна яшчэ не існавала, але ініцыятыўная група па яе стварэнні ўжо склалася.

У Мінску якраз рыхтавалася Першая Асамблея няўрадавых арганізацый Беларусі і мы вельмі хацелі паехаць туды ўжо са сваім выданнем.

Бюлетэнь “Трэці сэктар” стаў першым “прадуктам” і першай “візітоўкай” Гарадзенскага рэгіянальнага цэнтру інфармацыйнай падтрымкі “Трэці сэктар” (так называлася тады нашая ініцыятыва).

“Наш бюлетэнь – гэта першы крок, які дапаможа Нам усім быць разам дзеля таго, каб сумесна ў віхуры сённяшніх дзён будаваць Наш агульны дзень заўтрашні, у якім кожны з нас будзе адчуваць сябе паўнапраўным Грамадзянінам паўнавартаснай Дзяржавы. Мы ўпэўнены, што менавіта гэтая мэта з’яўляецца падставай усёй тваёй грамадскай дзейнасці: ці то гэта даследаванне гісторыі свайго краю ці ахова прыроды, дапамога нямоглым і хворым, ці скаўцкі рух” – пісалі мы на першай старонцы першага выпуску бюлетэню, датаваным лютым 1997 г.

 

У рубрыцы “Пазнаёмцеся” былі прадстаўленыя Заходнебеларускае таварыства аховы птушак, створанае яшчэ ў студзені 1993 г. (пазней гэтая арганізацыя трансфармавалася ў добра вядомую сёння “Ахову птушак Бацькаўшчыны”), а таксама пра створанае ў студзені 1996 г. Таварыства беларускай вышэйшай школы (кіраўнік Алесь Астроўскі).

У адрозненні ад арнітолагаў, ТБВШ пасля некалькіх год актыўнасці спыніла сваю працу і пазбавілася юрыдычнага статусу.

Сярод навінаў пра дзейнасць мясцовых грамадскіх ініцыятываў апублікаваны допіс пра тое, што сябры гісторыка-культурнага клуба “Паходня” накіравалі ліст рэдактару газеты “Літаратура і мастацтва”, у якім выказалі абурэнне знікненнем у 1997 годзе з першай паласы ЛІМу дэвізу “Каго любіш? Люблю Беларусь!”.

Віктар Шалкевіч пры падтрымцы Фонда Сораса аб’ехаў у студзені-лютым усе абласныя гарады краіны з праграмай “Смутны беларускі блюз”.

Усе прыбыткі з продажу квіткоў на канцэрты барда пайшлі на дабрачынныя мэты.

Бюлетэнь таксама інфармаваў пра рэгістрацыю першай і адзінай дагэтуль у гісторыі беларускага моладзевага руху рэгіянальнай рады моладзевых арганізацый “Рада 23”.

Лічба ў назве – гэта не колькасць арганізацый-заснавальніц, а першыя лічбы індэксу Гарадзеншчыны.

Рада 23 была арганізатаркай Форума моладзевых ініцыятыў Гарадзеншчыны

Ну а заснавальнікамі Рады сталі шэсць арганізацый:

  • Гарадзенскі камітэт студэнтаў, якія вывучаюць эканоміку (AISEС),
  • Фонд сацыяльнай абароны студэнтаў і маладых спецыялістаў пры Гарадзенскім дзяржаўным універсітэце імя Янкі Купалы,
  • Моладзевы фотаклуб “МИГ”,
  • Гарадзенская харугва скаўтаў імя Давыда Гарадзенскага,
  • Асацыяцыя маладых навукоўцаў “Віт”,
  • Хрысціянскае сяброўства моладзі (YMCA) з Ліды.

Пазней арганізацыя вырасце колькасна амаль у чатыры разы, але не перажыве перарэгістрацыю 2001 г., закліканую ажыццявіць “зачыстку” грамадскага сектару.

У рубрыцы “Тэма дня” быў надрукаваны артыкул “Прямое действие”.

Сёння ўжо мала хто помніць, што менавіта з гэтай ініцыятывы распачалася гісторыя стварэння цяперашняга БРСМ.

Тады ж, у студзені 1997 г. свет убачыла дакладная запіска на імя Лукашэнкі, падпісаная тагачасным віцэ-прэм’ерам Русакевічам, намеснікам галавы адміністрацыі прэзідэнта Замяталіным і старшынём дзяржкамітэту па спарвах моладзі А.Пазняком.

Дакумент меў красамоўную назву “О плане мероприятий по созданию в Республике Беларусь” влиятельной молодёжной организации”.

З’яўленне гэтага дакумента можна лічыць адпраўной кропкай да актыўнай зачысткі незалежнага моладзевага грамадскага сектару, якая распачалася ўжо праз пару год.


Працяг будзе.

Дадаць каментар

  • Універсітэт Залатога Веку

    Універсітэт Залатога Веку

    Сайт праекта, скіраванага на сацыяльную і інтэлектуальную актывізацыю сталых людзей. Вучыцца ніколі не позна!

    Школа маладога журналіста

    Школа маладога журналіста

    Праект для тых, хто хоча паспрабаваць свае сілы ў журналістыцы. Працуе ў Гродне з 1997 г.! Далучайся!

Чытай

Чытаць навiны на hrodna.life
  • Канцэрт «Lady Pank» у Гродне перанеслі на восень
    Канцэрт польскага гурта меўся адбыцца 28 ліпеня у Новым замку. Але яго перанеслі з-за знайдзеных парэшткаў XII стагоддзя, якія патрабуюць дбайнага вывучэння. Папярэдне новы канцэрт запланаваны на 22 верасня.  – Канцэрт адбудзецца, ён не адменены, але пройдзе пазней. Зараз на тэрыторыі замка вядуцца раскопкі, падчас якіх былі знойдзеныя парэшткі будынкаў прыкладна XII стагоддзя, якія патрабуюць вельмі […]
  • На будаўніцтве БелАЭС упаў і загінуў мантажнік (абноўлена)
    16 ліпеня на БелАЭС упаў з вышыні мантажнік расійскай субпадраднай арганізацыі. Прычыны і абставіны няшчаснага выпадку са смяротным зыходам расследуюцца, піша Мінэнерга. Вядома, што стажор-мантажнік расійскай субпадраднай арганізацыі загінуў раніцай 16 ліпеня. Яму было 42 гады. На месцы здарэння працуе следча-аператыўная група. Праводзяцца ўсе неабходныя следчыя і працэсуальныя дзеянні. Сяргей Шаршаневіч адзначае, што праблема вытворчага […]
  • «Нам будзе чым накарміць дзіця заўтра!» Як гродзенцы дапамаглі хвораму хлопчыку
    У маі 2018 года Гродзенскае дабрачыннае таварыства звярнулася да людзей з просьбай дапамагчы Ягору Дузю – хлопчыку з сіндромам кароткай кішкі, на падтрыманне жыцця якога штогод патрабуецца 18035 рублёў. На просьбу дапамагчы Ягору адгукнулася вялікая колькасць людзей, арганізацый і прадпрыемстваў. За месяц ўдалося сабраць 29721 рублёў, а гэта ў паўтары разы больш, чым прасілі. Грошы […]
  • “Кіслае піва становіцца папулярным”. “Лідскае піва” выпусціла новы крафт
    Навінка Sour Ale з «Калекцыi Майстра» стала першым у Беларусі кіслым гатункам, які буйны піўзавод вывеў на масавы рынак. Навінка выпушчана ў крафтавай серыі і з’явіцца на прылаўках з 16 ліпеня. – Беларусы ахвотна знаёмяцца з сусветнымі піўнымі трэндамі, і мы гатовыя падтрымліваць іх у гэтым імкненні, выпускаючы неардынарныя для рынку гатункі, – адзначыў галоўны […]
© 2012 Грамадcкае аб'яднанне "Цэнтр інфармацыйнай падтрымкі грамадcкіх ініцыятыў "Трэці сектар"
Каталог TUT.BY