Школа PR і медыякампетэнцый: адбыўся першы выпуск

Змяніць памер шрыфта Болей Меней Скінуць
Школа PR і медыякампетэнцый: адбыўся першы выпуск

Прадстаўнікі 22 арганізацый і ініцыятыў з розных гарадоў краіны сталі выпускнікамі першага набору Школы PR і медыякампетэнцый, якая працавала 21-23 верасня ў Гродне.

Сярод іх як людзі з багатым досведам грамадскай дзейнасці, так і тыя, хто толькі распачынае свой шлях у трэцім сектары.

Усіх удзельнікаў, аднак, аб’ядноўвае жаданне зрабіць свае арганізацыі больш вядомымі, здольнымі больш эфектыўна вырашаць важныя для іх пытанні, прыцягваць да грамадска-карыснай працы новых людзей.

У першы дзень Школы разам з трэнерамі Вітаўтам і Ланай Руднікамі ўдзельнікі знаёміліся з тым, што ўплывае на імідж арганізацыі, з чаго пачаць працу з грамадскасцю, якімі інструмантамі для камунікацыі з людзьмі можна карыстацца і шмат іншага.

Асобны блок праграмы быў прысвечаны працы ў сацыяльных сетках.

У якасці эксперта у гэтай частцы праграмы працаваў Антон Сурапін – SMM-менеджэр такіх вядомых беларускіх рэсурсаў, як “Зялёны партал” і “Медыякрытыка“.

Тут удзельнікі разбіраліся з тым, што такое камунікатыўная стратэгія, як стварыць кантэнт-план, а таксама абмяркоўвалі, якія фарматы падачы інфармацыі можна выкарыстоўваць.

Заключны дзень Школы быў прысвечаны працы з журналістамі.

Удзельнікі Школы з дапамогай трэнераў, а таксама дасведчаных рэдактарак Іны Максімчык і Ірыны Новік папрактыкаваліся пісаць кароткія інфармацыйныя паведамленні пра свае мерапрыемствы, а таксама атрымалі досвед падрыхтоўкі і правядзення інтэрв’ю.

Падрабязней пазнаёміцца з тым, як праходзіла навучанне ў Школе, можна з дапамогай “жывога блога” праекта, які амаль штогадзінна абнаўляўся па ходу заняткаў.

Наступны курс Школы распачнецца 12-14 кастрычніка ў Брэсце.

Набор удзельнікаў на яго ўжо скончаны.

Школа PR і медыякампетэнцый дзейнічае ў межах праекта PRodvizhenie-2018.

Да канца года ў яго межах яшчэ адбудуцца:

Школа плюралізму – трэнінг для трэнераў ( 7-11 лістапада, Гродна).

Тут вы засвоіце асновы трэнерскага майстэрства: навучыцеся планаваць свае трэнінгі і асобныя заняткі (вызначаць рэалістычныя мэты навучання, выбіраць эфектыўныя метады навучання, планаваць змест і г.д).

Асаблівы фокус будзе зроблены на тое, як планаваць навучальныя праграмы, скіраваныя на пашырэнне дэмакратычных каштоўнасцяў (плюралізм, свабода слова і іншыя правы чалавека).

Дасведчаныя ментары дапамогуць вам падрыхтаваць і правесці некаторыя з распрацаваных у межах праекта трэнінгаў і заняткаў.

Заявіцца на ўдзел можна да 12 кастрычніка.

Нямецка-беларускі Форум Партнёрства (7-8 снежня, Брэст).

Тут будуць прадстаўленыя цікавыя беларускія і нямецкія прыклады працы, скіраванай на папулярызацыю грамадскай дзейнасці ў рэгіёнах.

Майстэрня будучыні дапаможа спланаваць сумесныя (у тым ліку беларуска-нямецкія) праекты, скіраваныя на ўмацаванне іміджу грамадскіх ініцыятыў, а таксама на павышэнне здольнасці гэтых ініцыятыў вырашаць важныя мясцовыя пытанні і ўплываць на мясцовую павестку дня.

Падчас Форума таксама будуць арганізаваныя майстар-класы ад беларускіх і нямецкіх экспертаў на тэмы рэгіянальнага развіцця, сувязяў з грамадскасцю, нефармальнай адукацыі, прасоўвання дэмакратычных каштоўнасцяў.

Праект PRodvizhenie-2018 сумесна ажыццяўляюць:

Установа “Цэнтр дадатковай адукацыі дарослых “Студыя карысных кампетэнцый” (Гродна)

Грамадскае аб’яднанне “Цэнтр “Трэці сектар” (Гродна)

Брэсцкі мясцовы фонд рэгіянальнага развіцця

Coopforum International (Германія).

Праект «PRodvizhenie – PR і медыякампетэнцыі для грамадзянскай супольнасці ў рэгіёнах Беларусі» здзяйсняецца ў межах праграмы Міністэрства замежных спраў Германіі «Развіццё супрацоўніцтва з грамадзянскай супольнасцю краін «Усходняга партнёрства» і Расіі».

Дадаць каментар

  • Універсітэт Залатога Веку

    Універсітэт Залатога Веку

    Сайт праекта, скіраванага на сацыяльную і інтэлектуальную актывізацыю сталых людзей. Вучыцца ніколі не позна!

    Школа маладога журналіста

    Школа маладога журналіста

    Праект для тых, хто хоча паспрабаваць свае сілы ў журналістыцы. Працуе ў Гродне з 1997 г.! Далучайся!

Чытай

Чытаць навiны на hrodna.life
  • Хто стаіць за новым жорсткім дыскаунтэрам «Грошык»?
    За выхадам на рынак Беларусі новага жорсткага дыскаўнтэра «Грошык» стаіць кампанія «Еўрагандаль», уладальнік найбуйнейшай беларускай рознічнай сеткі «Еўраопт», паведамілі TUT.BY удзельнікі рынку. – Кіруючая кампанія «Грошыка» завецца ТАА “Кландайк рытэйл”, гэта даччынае прадпрыемства «Еўрагандлю». У будучыні крамы пад таварным знакам “Грошык” будуць развівацца на базе ўжо існуючых памяшканняў. Упор у іх будзе рабіцца на максімальна […]
  • 1 мільён рублёў. Участак пад таунхаусы ў Альшанцы прадалі на аўкцыёне
    25 лютага на гарадскім аўкцыёне выстаўляліся два ўчасткі па вуліцы Садакова агульнай плошчай 3,2 гектара. Яны размешчаны ў мікрараёне Альшанка недалёка ад прыватнай жылой забудовы Паўднёвы-4, піша grodnonews.by. За ўчастак змагаліся пяць удзельнікаў. Цана вырасла з 149.891 да 980.900 рублёў. Пераможцам аўкцыёну стала прыватная фірма з Гродна. Яна выкупіла права арэнды зямельных участкаў тэрмінам на […]
  • У Гродне можна будзе аплочваць праезд праз QR-код
    «Белінвестбанк» і кампанія LWO з 25 лютага 2020 ды запусцілі тэхналогію продажу і праверкі аплаты праезду ў грамадскім транспарце ў электронным выглядзе з дапамогай QR-кода ў Віцебску. Зусім хутка гэтую тэхналогію абяцаюць і ў Гродне, паведамляе Autogrodno.by са спасылкай на “Віцебскі кур’ер”. Як паведамілі ў банку, сістэма продажу і праверкі квіткоў ў электронным выглядзе даступная […]
  • Ад пансіяната адмовіліся: былы скурвендыспансер на Васілька выставілі на аўкцыён
    Пасля двух гадоў прастою горад выставіў на аўкцыён комплекс будынкаў былога скурвендыспансера на вуліцы Васілька. Яго можна будзе купіць ужо ў сакавіку. Уласнікам комплексу з’яўляецца Гродзенскі абласны скурна-венералагічны дыспансер. Усе аб’екты (№10, №10/1 – №10/5) выставілі на аўкцыён адным лотам і ацанілі амаль у 1,4 млн рублёў. Таргі пройдуць 26 сакавіка. Комплекс на Васілька ўпершыню […]
© 2012 Грамадcкае аб'яднанне "Цэнтр інфармацыйнай падтрымкі грамадcкіх ініцыятыў "Трэці сектар"
Каталог TUT.BY