Такі водгук пра Школу PR і медыякампетэнцый, якая працавала 9-11 кастрычніка пад Гомелем, пакінула адна з яе ўдзельніц.

25 удзельнікаў з розных арганізацый навучаліся, як зрабіць сваю ініцыятыву больш заўважнай у публічнай прасторы.

Удзельнікі навучыліся вызначаць  і аналізаваць найбольш важныя групы грамадскасці, вызначаць мэту PR-кампаніі і пісаць ключавыя паведамленні. 

Вялікая частка трэнінга была прысвечана  тэме  выбару адэкватных інструментаў працы з грамадскасцю ва ўмовах абмежаваных рэсурсаў.

Удзельнікі Школы пазнаёміліся з рознымі бясплатнымі сервісамі для візуалізацыі сваіх ідэй і вынікаў PR-кампаній, а таксама з асновамі прасоўвання сваіх арганізацый і праектаў у сацыяльных сетках.

Важнай часткай Школы сталі таксама два онлайн майстар-класы па асновах стварэння анімацыйных ролікаў, праведзеныя Сяргеем Галушкіным з Гомеля.

Школа PR і медыякампетэнцый ладзіцца ў межах праграмы PRodvizhenie-2020, якую сумесна ладзяць:
– Грамадскае аб’яднанне «Цэнтр «Трэці сектар» (Гродна)
– Установа «Цэнтр дадатковай адукацыі дарослых «Студыя карысных кампетэнцый» (Гродна)
 – Спажывецкі кааператыў «Майстэрня  сацыяльных інавацый»
– Гомельскае абласное грамадскае аб’яднанне «Сацыяльныя праекты»
– Моладзевае грамадскае аб’яднанне «Next Stop – New Life»
– Праектная група Coopforum International (Берлін, Германі

Гэты трэнінг Школы быў прымеркаваны да Тыдня грамадзянскай адукацыі, які ладзіўся 5-11 кастрычніка Усходне-Еўрапейскай сеткі грамадзянскай адукацыі (EENCE).