Што чакае Erasmus+для моладзі з Беларусі?

Змяніць памер шрыфта Болей Меней Скінуць
Што чакае Erasmus+для моладзі з Беларусі?

Прадстаўніца ГА “Цэнтр “Трэці сектар” шукала адказ на гэтае ды іншыя пытанні на Моладзевым Форуме Усходняга Партнёрства 22-23 чэрвеня ў Варшаве.

Гэты Моладзевы форум быў трэцім па ліку, раней яны праходзілі ў Літве і Латвіі.

На падзеі можна было даведацца пра будучыню праграмы Эразмус+ для еўрапейскіх краінаў ды моладзі з краінаў Усходняга партнёрства (Беларусь, Украіна, Малдова, Грузія, Арменія, Азербайджан), наладзіць кантакты з прадстаўнікамі моладзевых арганізацый з усёй Еўропы, задаць пытанні прадстаўнікам Еўрапейскай камісіі, што адказваюць за праграму для моладзі “Эразмус+” і за адносіны з суседзямі з Усходняга партнёрства, навучыцца новым тэхнікам працы з моладдзю на варкшопах і выпрацаваць рэкамендацыі для Саміта краінаў Усходняга партнёрства, што адбудзецца ўвосень 2017 года ў Брусэлі.

Прадстаўнікі польскага Міністэрства адукацыі і ўраду, прадстаўнікі Еўракамісіі, адказныя за праграму для моладзі “Эразмус+”, за адносіны з суседзямі з Усходняга партнёрства, а таксама афіцыйныя прадстаўнікі з Грузіі, Азербайджану, Украіны, Малдовы і Эстоніі распавядалі на імпрэзе пра тыя магчымасці, што існуюць для моладзі ў іх краінах. Шмат дыскусій вялося пра адмены візаў, супольныя праекты і абмены, было ўзгадана пра праект МОСТ як прыклад абмену досведам і налажвання міжперсанальных кантактаў.

Таксама на форуме былі прадстаўлены арганізацыі з кожнай краіны Усходняга партнёрства, якія да канца 2017 года будуць нацыянальнымі Кантактнымі пунктамі праграмы Эразмус+ для моладзі, у Беларусі гэта “Офіс прасоўвання ініцыятываў” з Мінску.

Ганка Барадзіна, якая прадстаўляла ГА “Цэнтр “Трэці сектар” на форуме, змагла наладзіць партнёрскія кантакты з арганізацыямі і ўстановамі з Эстоніі, Венгрыі, Арменіі.

“Мяне вельмі непакоіць лёс праграмы ЕВС. Хочацца, каб словы пра тое, што ў праграмах для моладзі не ставяцца геаграфічныя перашкоды для моладзі з Еўрапейскага саюза і партнёрскіх краінаў, падмацоўваліся ўключэннем удзельнікаў з нашых краінаў у еўрапейскія праекты, як, напрыклад, новы маштабны праект European Solidarity Corps. Мне блізкі пасыл арганізатараў форума: будзьма актыўнымі і неабыякавымі, збольшага межы – у нашых галовах.”

25 Чэрвеня 2017 | Няма каментароў |

Дадаць каментар

  • Універсітэт Залатога Веку

    Універсітэт Залатога Веку

    Сайт праекта, скіраванага на сацыяльную і інтэлектуальную актывізацыю сталых людзей. Вучыцца ніколі не позна!

    Школа маладога журналіста

    Школа маладога журналіста

    Праект для тых, хто хоча паспрабаваць свае сілы ў журналістыцы. Працуе ў Гродне з 1997 г.! Далучайся!

Чытай

Чытаць навiны на hrodna.life
  • «Незаконны прызыў». Гродзенец патрабуе кампенсацыю за паўгода ў войску
    У 22-гадовага Мікіты Балоціна з Гродна язва дванаццаціперснай кішкі. З такім захворваннем ён паводле закону ў мірны час “не прыдатны”. Аднак малады чалавек праслужыў у арміі паўгода, перш чым яго камісавалі. Цяпер ён збіраецца вярнуць сабе страчаныя, як ён лічыць, за гэты час 10 000 рублёў, пішуць naviny.by. «Збірайся ў армію. Папрацуеш потым» У мінулым годзе […]
  • Жывёлы шукаюць дом: два сабакі і кот, якія могуць стаць вашымі сябрамі
    Разам з зоаабарончай арганізацыяй “Адданыя сэрца” пачынаем публікаваць фатаграфіі жывёл, якія шукаюць новы дом і новага любячага гаспадара. Паглядзіце, можа сярод іх ёсць і ваш будучы верны сябар? Цэзар шукае дом Хлопец сярэдняга памеру, малады (яшчэ няма двух гадоў) і гуллівы. Выдатна ладзіць з сабакамі. Да людзей недаверлівы, яго давер яшчэ трэба заслужыць. Гэта і […]
  • Веламарафон “Суседзі-2019” стартаваў на Аўгустоўскім канале пад Гродна
    На шлюзе “Дамброўка” 20 ліпеня стартаваў 9-ы веламарафон “Суседзі”. У гэтым годзе на выбар удзельнікаў былі чатыры дыстанцыі – на адну больш, чым у мінулыя гады. На марафон зарэгістравалася амаль 1000 удзельнікаў. Сярод іх каля 90 замежнікаў. Акрамя звыклых літоўцаў і палякаў, прыехаў і веласіпедыст з Будапешта. Але як заўсёды лідзіруюць беларусы – іх сярод […]
  • Гродзенцы адолелі першы этап велатура вакол Балтыкі
    Прадстаўнікі “ВелаГродна” разам з літоўскім клубам LKA 19 ліпеня пераадолелі першыя 1000 км па Балтыйскім узбярэжжы. Спыніліся каля мяжы з Германіяй. Стартавалі велааматары 6 ліпеня ў цэнтры Вільні ў Дзень дзяржаўнасці Літвы. Стартавала 37 чалавек, сярод іх 4 гродзенца. 19 ліпеня група пераадолела першы этап у Свінауйсце [горад у Заходне-Паморскім ваяводстве Польшчы – рэд.]. «Пераадолелі […]
© 2012 Грамадcкае аб'яднанне "Цэнтр інфармацыйнай падтрымкі грамадcкіх ініцыятыў "Трэці сектар"
Каталог TUT.BY