Шукаем удзельнікаў на трэнінг пра дата-журналістыку ў Берліне

Змяніць памер шрыфта Болей Меней Скінуць
Шукаем удзельнікаў на трэнінг пра дата-журналістыку ў Берліне

Гарадзенскае ГА “Цэнтр “Трэці сектар” сумесна з European Youth Press шукае 4 удзельнікаў (18-30 год) і аднаго, якім можа быць 30+, з Беларусі для ўдзелу ў трэнінгу “Data-driven Storytelling about Human Rights”, які пройдзе 23 верасня – 1 кастрычніка ў Берліне.

Пра праект

Мэта трэнінга – развіваць навыкі дата-журналістыкі праз практычнае навучанне і працу над рэальнымі гісторыямі. Арганізатары робяць праект у партнэрстве з медыя з розных краінаў, якія будуць прадстаўлены на трэнінгу (Нямеччына, Італія, Славакія, Швецыя, Арменія, Беларусь, Боснія і Герцагавіна, Чарнагорыя). Разам удзельнікі атрымаюць веды і навыкі ў дата-журналістыцы і адразу прыменяць іх на практыцы. Вынікі іх працы будуць апублікаваныя медыя-партнэрамі праекта. Таксама падчас трэнінгу будзе створаная сетка маладых медыя-мэйкераў, журналістаў і актывістаў, якія працуюць у сферы правоў чалавека.

Удзельнікі_цы праекта:

  • – Даведаюцца больш і зразумеюць лепш канцэпцыю правоў чалавека.
  • – Навучацца і папрактыкуюцца ў тэхніках дата-журналістыкі: пошук звестак, стварэнне матэрыялаў на іх аснове, выўяленне найважнейшага, сторытэлінг на аснове звестак.
  • – Будуць працаваць у камандах над пэўнымі праектамі для публікацыі ў нацыянальных медыя.
  • – Набудуць прафесійныя кантакты і атрымаюць практычны досвед працы над транспамежнымі расследваннямі на базе звестак.

Фінансавыя ўмовы

Пражыванне, ежа і матэрыялы трэнінгу  цалкам аплочваюцца праграмай Erasmus+.

Выдаткі за дарогу  будуць вернутыя ў памерах да 250 еўра. 

Адабраныя ўдзельнікі_цы самі набываюць квіткі, атрымаўшы пацверджанне ад ГА “Цэнтр “Трэці сектар”.

Удзельнікам_цам, якія не будуць мець шэнгенскай візы, будзе зробленае афіцыйнае запрашэнне для яе атрымання.

Удзельнікі_цы самі набываюць страхоўку на час трэнінгу.

Патрабаванні да кандыдатаў_к:

  • – Маладыя медыямэйкеры (студэнты і нядаўнія выпускнікі), блогеры і грамадскія журналісты, зацікаўленыя ў правах чалавека, актывісты-праваабаронцы, распрацоўнікі, зацікаўленыя ў тэме.
  • – 18-30 гадовыя, толькі адзін_на ўдзельнік_ца можа быць 30+.
  • – Рэзідэнты Беларусі.
  • – Добрае валоданне ангельскай мовай (працоўная мова трэнінга).

Заяўка

Зацікаўленыя кандыдаты_кі могуць падаць заяўку, даслаўшы свае рэзюме (пажадана ў фармаце Europass) і матывацыйны ліст (да адной старонкі А4) па-ангельску на электронную пошту 3sektaryia@gmail.com з тэмай DDJ on human rights’.

Крайні тэрмін падачы заяўкі – 24 жніўня 2018.

Пра вынікі адбору будзе паведамлена да 27 жніўня.

14 Жніўня 2018 | Няма каментароў |

Дадаць каментар

  • Універсітэт Залатога Веку

    Універсітэт Залатога Веку

    Сайт праекта, скіраванага на сацыяльную і інтэлектуальную актывізацыю сталых людзей. Вучыцца ніколі не позна!

    Школа маладога журналіста

    Школа маладога журналіста

    Праект для тых, хто хоча паспрабаваць свае сілы ў журналістыцы. Працуе ў Гродне з 1997 г.! Далучайся!

Чытай

Чытаць навiны на hrodna.life
  • Актывісткі руху «Маці 328» пачнуць галадоўку, каб сустрэцца з Лукашэнкам
    Актывісткі руху «Маці 328» падрыхтавалі адкрыты зварот да «усіх структураў улады Рэспублікі Беларусь», дзе абяцаюць распачаць галадоўку ад 16 ліпеня, піша Белсат. Зварот падпісалі прадстаўніцы руху Ала Берналь і Алена Кузьміна. У заяве адзначаецца, што ўлады прынялі нязначныя змены ў антынаркатычнае заканадаўства, а пытанне памілавання асуджаных паводле артыкулу 328 Крымінальнага кодэксу «дагэтуль павісла ў паветры». Таксама застаецца праблема […]
  • «Ішоў па торт – прыйшоў на Валадарскага». Палітвязні з Гродна вярнуліся дадому
    «Яны самі стварылі гэтую сітуацыю на роўным месцы, яе магло і не быць. Я проста б пайшоў дадому і ўсё», – кажа гродзенец Уладзімір Навумік пасля 42 дзён зняволення. Яго, як і Васіля Баброўскага, 9 ліпеня выпусцілі з мінскага СІЗА №1. Ім змянілі меру стрымання з заключэння пад варту на падпіску аб нявыездзе. Гродзенцаў затрымалі […]
  • Двух гродзенцаў, затрыманых з Ціханоўскім, выпусцілі на волю
    Фігурантаў «справы Ціханоўскага» Васіля Баброўскага і Уладзіміра Навуміка 9 ліпеня выпусцілі пад падпіску аб нявыездзе. Пра гэта паведамілі праваабаронцы і жонка Уладзіміра Навуміка. Гродзенцаў затрымалі разам з блогерам Сяргеем Ціханоўскім 29 траўня на Савецкай плошчы падчас пікету па зборы подпісаў. Яны застаюцца абвінавачанымі па ч.1 арт. 342 КК (Арганізацыя і падрыхтоўка дзеянняў, што груба парушаюць […]
  • У Беларусі пацвердзілі 64 411 выпадкаў каранавіруса. Аналітыкі: Прыкладна чвэрць беларусаў лічаць, што перахварэлі
    Па стане на 9 ліпеня каранавірусам заразіліся 64 411 беларусаў, паведаміла Міністэрства аховы здароўя. Ачунялі і выпісаныя 53 609 пацыентаў, 499 чалавек з пацверджаным COVID-19 памерлі. За апошнія суткі ў Беларусі выявілі 187 новых выпадкаў хваробы, паводле афіцыйных зьвестак, памерлі 6 чалавек, 755 пацыентаў выпісалі. За перыяд распаўсюджвання коронавируса ў Беларусі правялі 1 099 571 тэст. […]
© 2012-2018 Грамадcкае аб'яднанне "Цэнтр інфармацыйнай падтрымкі грамадcкіх ініцыятыў "Трэці сектар"